Банки
Стопанска банка а.д. Битола оствари добивка во износ од 42,69 милиони денари во првите 9 месеци од 2024 година
Стопанска банка а.д. Битола, заклучно со третиот квартал од 2024 година го продолжи трендот на остварување позитивни финансиски резултати. И понатаму фокусот на работењето на Банката беше ставен врз остварување на клучните стратегиски и деловни цели дефинирани во Деловната политика, развојниот и финансискиот план на Банката за 2024 – 2026 година, приспособувајќи го своето работење на промените во домашните економски услови, модерните банкарски текови и глобалните пазарни случувања.
Финансиски перформанси на Банката
Во првите девет месеци од тековната година, Стопанска банка а.д. Битола оствари позитивен финансиски резултат, односно добивка во износ од 42,69 милиони денари, што претставува значајно подобро остварување споредено со истиот период од минатата година, кога работеше со загуба од 122,54 милиони денари. Позитивниот финансиски резултат се должи на задржаниот висок оперативен резултат (од 100,28 милиони денари), засилената активност за наплата на нефункционалното портфолио на Банката, како и на пониското ниво на исправка на вредност на нефункционални пласмани во однос на претходната година.
Нето-приходите од камати бележат зголемување за 11,54 милиони денари, односно 3,44% во однос на остварувањето од минатата година. Приходите од камати се повисоки за 25,34 милиони денари, односно 5,88%, додека расходите за камати бележат годишно зголемување од 13,80 милиони денари, односно 14,35% во услови на засилено штедење на населението во Банката, коeшто започна уште во 2023 година.
Нето-приходите од провизии и надоместоци изнесуваат 77,83 милиони денари и се пониски за 19,24 милиони денари, односно за 19,82% споредено со остварувањето од истиот период од минатата година, што главно се должи на зголемените тарифи на добавувачите на услуги на Банката.
Нето-приходите од курсни разлики се позитивни во износ од 14,66 милиони денари и пониски за 2,93 милиони денари, односно 16,64% споредено со истите од минатата година.
Останатите приходи од дејноста се повисоки за 1,30 милиони денари односно, 6,87% споредено со периодот 1.1.2023-30.9.2023 година поради остварени поголеми капитални добивки од продажба на преземен имот.
Исправката на вредноста на финансиските средства на нето-основа во периодот 1.1.2024 – 30.9.2024 година е значително пониска споредено со истиот период од 2023 година, и тоа за 61,61%. Загубата поради оштетување на нефинансиските средства на нето-основа изнесува -6,56 милиони денари, што во целост произлегува од оштетување за преземениот имот.
Трошоците за вработените бележат намалување од 5,99 милиони денари, односно за 4,06% споредено со претходната година, што главно се должи на раст на продуктивноста на вработените и оптимизација на трошоците. Исто така, активностите за оптимизација на трошоците резултираа и со годишно намалување на останатите расходи од дејноста за 20,13 милиони денари, односно 13,08%, додека амортизацијата е пониска за 7,87 милиони денари односно 15,59%.
Одразувајќи ги движењата на приходни и расходни билансни позиции, Банката во периодот 1.1.2024 – 30.9.2024 година оствари одлични ликвидносни и капитална показатели. Стапката на адекватност на капиталот заклучно со 30.9.2024 година изнесува 26,35%, додека учеството на ликвидната актива во вкупната актива достигна 41,39% и истите се значајно над просечните нивоа регистрирани во банкарскиот сектор. Силната капитализираност и ликвидност на Банката претставуваат главен предуслов за
одржување на долгорочна финансиска стабилност и идно успешно работење.
Очекувања за претстојниот период
Приспособувајќи го своето работење на деловната клима и потребите на клиентите, Банката и во претстојниот период ќе ги презема неопходните мерки и активности за реализирање на поставените стратегиски и деловни цели од Деловната политика, развојниот и финансискиот план. Воедно, со своето работење во целост останува насочена кон задоволување на потребите на клиентите преку понуда на иновативни производи и услуги со фокус на понатамошна дигитализација во работењето, умерен раст на кредитната активност при истовремено интензивирање на активностите за
наплата на нефункционални кредити, континуирано следење на редовното портфолио
и одржување на оптимално ниво на депозитен потенцијал, како од аспект на ликвидност
така и од аспект на профитабилност во работењето, со што ќе се создадат неопходните предуслови за генерирање на позитивни финансиски резултати при прифатливо ниво на ризик.
Србите сè помалку плаќаат во кеш: Картичните плаќања се зголемија за 105% за пет години
Кристина Трпезановска: NLB Smart POS им овозможува на малите бизниси полесен пристап до дигитални плаќања
Македонците сè повеќе се задолжуваат за станови – растот повисок од Хрватска
Компаниите во регионот сè почесто се финансираат преку обврзници – може ли трендот да заживее и во Македонија?
Iute со раст на приходите, но со пад на добивката од 38 отсто
Стопанска банка со промотивна камата од 4,9 отсто за Mastercard Platinum картичката
Стопанска банка Скопје вработува трезорист, отворен оглас за апсолвенти и дипломирани економисти
Дали Македонија ќе ги следи Унгарија, Полска и Литванија и ќе го укине вториот пензиски столб?
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
Премиум дебитната картичка на Стопанска банка овозможува пристап до над 1.800 аеродромски деловни зони
Банки
Кристина Трпезановска: NLB Smart POS им овозможува на малите бизниси полесен пристап до дигитални плаќања
Преку проектот „Вредноста на безготовинското плаќање – Битола“, локалните претприемачи добиваат можност полесно да ја модернизираат наплатата и да се приклучат кон дигиталната економија.
Дигиталните плаќања сè повеќе стануваат секојдневна потреба за малите и средните претпријатија. Брзината, едноставноста и безбедноста при наплатата денес се важни не само за корисничкото искуство, туку и за конкурентноста и растот на компаниите.
Во таа насока, проектот „Вредноста на безготовинското плаќање – Битола“, реализиран во соработка меѓу Министерството за дигитална трансформација, НЛБ Банка, ХалкБанк и Visa, носи конкретна поддршка за локалните бизниси. Преку проектот, 100 одбрани компании ќе добијат бесплатно Soft POS решение, од кои 50 ќе бидат обезбедени од НЛБ Банка.
Со NLB Smart POS, трговците можат да прифаќаат безготовински плаќања директно преку мобилен телефон, без потреба од дополнителна ПОС опрема. Решението е едноставно за користење, овозможува поголема мобилност и им помага на малите бизниси да ја модернизираат наплатата без високи почетни трошоци.
„Дигитализацијата денес е составен дел од современото деловно работење. Со NLB Smart POS, современата технологија станува подостапна за поширок круг трговци, особено за малите и микро бизниси, кои на овој начин добиваат практична алатка за побрза, побезбедна и поефикасна наплата“, вели Кристина Трпезановска, директор на Секторот за управување со клиенти, продукти и дигитални сервиси во НЛБ Банка во интервју за „Економија и Бизнис“.
NLB Smart POS е првата сертифицирана tap-on-phone Android апликација во земјата, која го претвора мобилниот телефон во ПОС терминал. Апликацијата бесплатно се презема од Play Store, брзо се инсталира и не бара дополнителен хардвер, што ја прави особено погодна за малите трговци, доставувачи, услужни дејности и бизниси кои работат и надвор од класична продажна локација.
Интересот за ова решение континуирано расте. Во изминатата година бројот на инсталирани NLB Smart POS решенија е зголемен за 46%, а прометот реализиран преку нив е зголемен за 100% во однос на претходната година. Овие резултати покажуваат дека безготовинските плаќања се реална потреба и важен дел од модерното работење на компаниите.
Покрај бесплатниот Soft POS, проектот обезбедува и дополнителни поволности за бизнисите – без трошоци за одржување и без провизија за трансакции во првите три месеци, како и Visa Business Debit картичка без годишна членарина во првата година. Пријавувањето трае до 31 август, во најблиската експозитура на НЛБ Банка.
Проектот е дел од пошироката заложба за развој на дигиталната економија и проширување на мрежата на трговци кои прифаќаат безготовински плаќања. Со вакви иницијативи, НЛБ Банка ја потврдува својата улога како партнер на бизнисите во нивниот раст, дигитална трансформација и приспособување кон современите потреби на пазарот.
Битола и битолскиот регион, препознатливи по претприемачкиот дух и локалните брендови, преку овој проект добиваат дополнителен поттик за модернизација на наплатата и ширење на дигиталните платежни навики.
Банки
Стопанска банка денеска ги исплаќа августовските пензии
Исплатата на пензиите за месец август за клиентите на Стопанска банка АД – Скопје ќе се изврши денеска, 27 август 2026 година, информираат од Банката.
Средствата ќе бидат префрлени на трансакциските сметки на пензионерите и ќе бидат достапни за користење во текот на денот.
Од Стопанска банка ги известуваат своите клиенти дека исплатата ќе биде реализирана во текот на денешниот ден.
Банки
НЛБ Банка нема да работи на 28 август поради празникот Голема Богородица
Експозитурите на НЛБ Банка нема да работат во петок, 28 август 2026 година, по повод православниот празник Успение на Пресвета Богородица – Голема Богородица, информираат од Банката.
Од НЛБ посочуваат дека клиентите и за време на неработниот ден ќе можат да користат бројни банкарски услуги преку дигиталната платформа НЛБ мКлик.
НЛБ Контакт центарот ќе биде достапен и за време на празникот на телефонските броеви 02/15-600 и 02/3219-517, како и преку електронската адреса [email protected].
Србите сè помалку плаќаат во кеш: Картичните плаќања се зголемија за 105% за пет години
Кристина Трпезановска: NLB Smart POS им овозможува на малите бизниси полесен пристап до дигитални плаќања
Македонците сè повеќе се задолжуваат за станови – растот повисок од Хрватска
Компаниите во регионот сè почесто се финансираат преку обврзници – може ли трендот да заживее и во Македонија?
Iute со раст на приходите, но со пад на добивката од 38 отсто
Стопанска банка со промотивна камата од 4,9 отсто за Mastercard Platinum картичката
Стопанска банка Скопје вработува трезорист, отворен оглас за апсолвенти и дипломирани економисти
Дали Македонија ќе ги следи Унгарија, Полска и Литванија и ќе го укине вториот пензиски столб?
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
Премиум дебитната картичка на Стопанска банка овозможува пристап до над 1.800 аеродромски деловни зони
-
Продуктипред 2 месециИднината на банкарството е во доброто корисничко искуство
-
Банкипред 2 месециСтопанска банка со промотивна камата од 4,9 отсто за Mastercard Platinum картичката
-
Кариерапред 2 месециАЛТА Банка објави оглас за вработување во секторот за организација и ИТ
-
Кариерапред 2 месеци
Стопанска банка Скопје вработува трезорист, отворен оглас за апсолвенти и дипломирани економисти
-
Анализипред 1 месецДали Македонија ќе ги следи Унгарија, Полска и Литванија и ќе го укине вториот пензиски столб?
-
Продуктипред 2 месециНулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
-
Банкипред 4 недели
Премиум дебитната картичка на Стопанска банка овозможува пристап до над 1.800 аеродромски деловни зони
-
Банкипред 2 месеци
АЛТА Банка нуди потрошувачки кредит до 1.000.000 денари со одобрување за 24 часа
