Станбениот кредит е одлична можност за решавање на значајната животна потреба за сопствен дом, кој пропратен со осигурување на живот за корисникот на кредитот е вистинското решение за финансиската сигурност и стабилност на целото семејство.

Атрактивната комбинација на банкарски и осигурителни производи овозможува кредит со вклучена полиса за осигурување на живот за кредитобарателот, која има за цел да обезбеди финансиска сигурност за неговото семејство во услови кога тоа се задолжува со висок износ и на долг временски период полн со неизвесности.

Триглав Осигурување Живот во соработка со Халкбанк креираше нови продукти за осигурување за сите корисници на станбен кредит, кои обезбедуваат месечно плаќање на премијата вклучена во амортизациониот план на кредитот.

Со овој новитет корисниците на станбен кредит во Халкбанк добија можност да склучат полиса која им обезбедува сигурна отплата на кредитот од страна на Триглав Осигурување Живот АД Скопје во случај на неочекуван немил настан (смрт) на кредитобарателот, при што полисата е вклучена и во амортизациониот план на кредитот.

“Овозможуваме уникатни производи креирани според потребите на клиентите кои се корисници на станбен кредит во Халкбанк. Тие имаат можност да изберат помеѓу три вида продукти за осигурување, кои им овозможуваат премијата да ја плаќаат месечно заедно со ануитетот за кредитот се до отплата на станбениот кредит, а им обезбедуваат и осигурување во случај на смрт од болест или незгода. Со ова на корисниците на станбен кредит им понудивме навистина квалитетна и максимално корисна понуда за осигурување при долгорочно кредитирање”, велат од Триглав Осигурување Живот АД Скопје.

Полисата за осигурување на живот на корисник на кредит е полиса со осигурена сума која го следи амортизациониот план на кредитот, а има за цел да обезбеди отплата на кредитот од страна на Триглав Осигурување Живот АД Скопје во случај на ненадеен немил настан (смрт) на кредитобарателот. Оваа полиса има можност и за вклучување две осигурени лица на една полиса, со што обезбедува отплата на кредитот во случај на неочекувана смрт на кој било од двајцата осигуреници.

За уште поголеми бенефити за клиентите, Халкбанк за корисниците на станбен кредит нуди и осигурителни полиси вклучени во амортизациониот план на кредитот, кои имаат и штедна компонента. Полисата за Ризико осигурување со 30% поврат на премија и Полисата за Осигурување на живот со штедење со двојна осигурена сума во случај на смрт се со фиксна осигурена сума во случај на неочекувана смрт за цело времетраење на осигурувањето, која е во висина на износот на станбениот кредит. Овие полиси примарно гарантираат отплата на кредитот во случај на неочекуван немил настан (смрт) на кредитобарателот, а можниот вишок на средства се исплаќа кон корисникот кој го одредил самиот кредитобарател, со што се обезбедува и дополнителна финансиска сигурност за најблиските. Штедната компонента, пак, гарантира поврат на вложените средства при доживеан истек на осигурувањето.

Со оваа заедничка понуда на Триглав Осигурување Живот и Халкбанк корисниците на станбен кредит добиваат ефикасно и персонализирано финансиско решение за остварување на една од најголемите животни желби без финансиски грижи и потешкотии.

За дополнителни информации за понудата, како и за да ви помогнеме да изберете најдобро решение за вашата финансиска сигурност, посетете ја најблиската филијала на Халкбанк АД Скопје.

Врз основа на алинеја 4 од став 1 член 166-б од Законот за хартии од вредност, Халкбанк АД Скопје преку соопштение на Македонска берза објавува дека му е продолжен мандатот на членот на Управниот одбор, г-дин Мухаммед Хаџипази, сметано од 21.03.2025 година.

„Согласно Решението на Извршниот Одбор на Народна Банка на Р. Северна Македонија издадена е претходна согласност за реименување на г-дин Мухаммед Хаџипази, сметано од 21.03.2025 година“, се вели во соопштението на Халкбанк.

Промените се упишани во Централниот Регистар на Р. Северна Македонија на 26.03.2025 година.

Г-дин Хаџипази е дипломиран економист на Економскиот факултет при Универзитетот Св. „Кирил и Методиј“ во Скопје. Завршил магистерски студии во областа Финансиски менаџмент на Економскиот институт-Скопје. Својата кариера во банката ја започнува во 2007 година како Референт за кредитирање на население во Филијала Гостивар. Во 2009 година е назначен за Директор на Филијала Гостивар, а во 2010 година за Директор на Дирекција за мрежа на Филијали и Експозитури. Во 2012 година е назначен на позицијата Директор на Дирекција за маркетинг и продажба на МСП. Во јуни 2017 година е унапреден на позицијата Директор на Сектор за човечки ресурси, организација и обуки одговорен за Дирекцијата за човечки ресурси и организација и Дирекцијата за административни работи. Со новата организациона структура во февруари 2024 година г-дин Хаџипази е назначен за Директор на Сектор за операции под чија надлежност се Дирекцијата за платен промет во земјата/операции, Дирекцијата за платен промет со странство, Дирекцијата за кредитни и депозитни операции, Дирекцијата за дигитално банкарство-операции и Дирекцијата за операции со готовина. Во март 2025 година г-дин Хаџипази е назначен за Извршен директор и член на Управен одбор под чија надлежност се Секторот за операции, Секторот за кредитирање и Секторот за информациски системи. Во текот на својата кариера е активен член на повеќе комисии и одбори, како и член на стопански комори и здруженија.

Г-дин Мухаммед Хаџипази ќе ја извршува функцијата – Извршен Директор и член на
Управниот одбор на Халк Банка АД Скопје.

Во моментов Управниот одбор на Халкбанк АД Скопје го сочинуваат:

• Д-р Билал Суџубаши – Главен Извршен Директор и Претседател на Управниот одбор;
• Д-р Беркан Имери – Извршен Директор и член на Управен одбор;
• Александар Иљов – Извршен Директор и член на Управен одбор;
• Мухаммед Хаџипази – Извршен Директор и член на Управен одбор;

„Влезот во СЕПА (Единствената област за плаќања во евра) ќе овозможи побрзи и поевтини плаќања во двете насоки, како за одливи, така и за приливи. Притоа, Народната банка веќе презема активности за олеснување на извршувањето и на приливните плаќања, вклучувајќи ги и приливите врз основа на доход којшто се остварува во странство. Во таа смисла, се предвидува приливите од странство да му се ставаат на располагање на платежната сметка на примачот веднаш, а најдоцна следниот работен ден, без приложување документи за причината на приливот кај најголемиот дел од приливите од странство, со исклучок на одредени приливи поврзани со капиталните трансакции за коишто се предвидени законски ограничувања до влезот на земјата во Европската Унија.“

Ова го истакна Игор Величковски, директорот на Секторот за операции на финансиски пазари и платни системи во Народната банка, во интервју за „Македонското радио“, како одговор на многуте прашања коишто ги поставуваат младите кои работат за фирми во странство, а платата ја примаат на својата девизна сметка во земјава.

Величковски нагласи дека со влезот во СЕПА преносот на парични средства во евра ќе стане уште поедноставен и побрз, овозможувајќи им на граѓаните и компаниите преку користење на своите мобилни апликации или електронското банкарство да ги извршуваат плаќањата во евра на лесен начин со внесување минимален сет податоци во платниот налог.

„За пренос на средствата ќе бидат потребни само неопходните податоци за извршување на плаќањето, како што се називот и бројот на сметката на плаќачот и примачот, износот и основата за плаќањето, со што значително ќе се олесни иницирањето на плаќањата од граѓаните и компаниите во кое било време и место. Плаќањата со кредитни трансфери во евра од која било земја членка ќе се извршуваат за неколку часа во текот на денот, додека инстант плаќањата во евра за помалку од 10 секунди“, истакна Величковски, осврнувајќи се на последните податоци од платежната статистика на Народната банка за 2024 година од кои се согледува дека 2 од 3 електронски платни налози во денари во земјава се извршени од граѓаните со користење мобилни апликации. Притоа, на граѓаните им е сѐ поважна едноставноста и брзината на плаќањата, поради што користењето на мобилните апликации бележи годишен раст од 47% кај бројот, односно 72% кај вредноста на остварените трансакции.