Connect with us
no baners

Банки

ШПАРКАСЕ БАНКА АД СКОПЈЕ И ХАЈДЕЛБЕРГ ФАКУЛТЕТ ВО СКОПЈЕ СТАНУВААТ ПАРТНЕРИ ВО ИМПЛЕМЕНТАЦИЈАТА НА ГЕРМАНСКОТО ВИСОКО ОБРАЗОВАНИЕ

Објавено

пред 1 година

на

no baners

Денес, 5 септември 2024 година, се потпиша Договорот за соработка меѓу Шпаркасе Банка и Хајделберг факултет во Скопје, со цел банката да ги поддржи најдобрите студенти преку целосна тригодишна стипендија и вработување во банката. Партнерството меѓу двете страни е особено значајно за имплементација и развој на дуалното образование во државата, каде што овие студенти покрај нивните студии на престижниот Хајделберг факултет во Скопје, ќе имаат уникатна и непроценлива можност да го дополнат своето образование со развој на професионални вештини стекнати од финансиските експерти во Шпаркасе Банка, кои ќе бидат нивни ментори преку работа на реални проекти.

Во оваа насока, претседателот на Управниот одбор на Шпаркасе Банка Санел Кустурица истакна дека целта на банката е да се вклучи во сите активности со значителен импакт врз иднината на младите, какви што се иновирање на работните процеси, инвестирање во развој на вештините на вработените и вложување во нивните потенцијали. Преку ова партнерство, им се дава исклучителна поддршка на младите студенти преку нивното образование на Хајделберг факултетот, како и можности за вработување во банката. Претседателот на Управниот одбор на Шпаркасе Банка Санел Кустурица изјави дека овие иницијативи, кои се дел од платформата „Sparkasse Life“, покрај тоа што придонесуваат за личен и професионален развој на младите, создаваат и темелни основи за долгорочен успех и иновација во финансискиот сектор.

Од друга страна, проф. д-р Цајтел го образложи начинот на трансфер на германските студии во македонскиот образовен систем преку активна поддршка и супервизија на Франкфуртскиот универзитет „Провадис“. Имено, како што кажа, Хајделберг факултетот во Скопје веќе е акредитиран и признаен како нов партнер за изведување додипломски германски студии за целиот регион на Западен Балкан.

Ова партнерство, како што кажа проф. д-р Цајтел, претставува значаен момент за Факултетот во Скопје, затоа што Шпаркасе Банка АД Скопје е водечка банка во регионот и потекнува од Австрија (земја со германско-австриско јазично подрачје – членка на ЕУ), а Хајделберг факултетот во Скопје е супер германски бренд – поттик за вистинска промена и иновативност во македонскиот образовен систем.

Целта на ваквото партнерство, како што истакнаа двете страни, претставува развој на дуалното високо образование, а со цел – најдобрите студенти да бидат поддржани и да работат во Шпаркасе Банка АД Скопје, уште на самиот почеток од студиите. Практично, тоа е уникатноста на новиот образовен модел во Хајделберг. Да се создадат кадри заедно со дуалните партнери во текот на студиите, во сите три години од циклусот, дополни проф. д-р Наумоски.

Претседателот на Управниот одбор на Шпаркасе Банка Санел Кустурица ќе биде дел од органите на Факултетот, со партиципација и водство на советодавниот одбор од бизнисот (Бизнис-совет), како и високите тамошни банкарски специјалисти, кои ќе бидат вклучени во наставата заедно со германските колеги.

Слични Теми:

Банки

По повод Светскиот ден на штедењето – награди за најдобрите банкарски службеници

Објавено

пред 2 дена

на

Македонската банкарска асоцијација традиционално ги препознава и наградува најдобрите вработени во банкарскиот сектор.

Овој настан ја истакнува посветеноста, професионалноста и извонредните резултати на службениците кои го зголемуваат квалитетот на услугата и ја градат довербата на клиентите.

Преку ова признание, се промовира одговорното штедење и мотивира другите вработени да се стремат кон највисоки стандарди во работењето.

Главните цели на настанот се:

Поттикнување на професионалноста и посветеноста – наградените службеници се признаени за својот извонреден придонес во работењето и за квалитетната услуга кон клиентите.

Препознавање на успехот во банкарскиот сектор – наградите се доделуваат од страна на Македонската банкарска асоцијација (МБА) како дел од годишната традиција за идентификување на врвни професионалци.

Промоција на одговорното штедење – преку наградување на посветените вработени, се нагласува значењето на финансиската дисциплина, довербата во банките и правилното управување со средства.

Мотивација за другите вработени – настанот ја нагласува важноста од континуирано усовршување, иновативност и високи стандарди во работењето.

Ова големо признание во 2025 година го добија:

1. Комерцијална банка АД Скопје

  • Дијана Мушовска
  • Ангела Ивановска
  • Цвета Јосифовска

2. Стопанска банка АД Скопје

  • Иванова Сања
  • Оџакова Верица
  • Петровска Викторија

3. НЛБ банка АД Скопје

  • Катерина Крстевска 
  • Милица Славковска
  • Марија Томевска

4. Шпаркасе банка Македонија АД Скопје

  • Анита Таневска
  • Јована Трпеска
  • Александар Богоевски

5. Халк банка АД Скопје

  • Халук Џафер
  • Симона Трајковска
  • Амра Салијовска

6. Прокредит банка АД Скопје

  • Панче Петрески 
  • Џемиљ Шефки

7. Универзална инвестициона банка АД Скопје

  • Наталија Стојменовиќ 
  • Даниела Стојановска

8. Развојна банка на Република Северна Македонија АД Скопје

  • Надица Павличковска
  • Габриела Димитриевска

9. Стопанска банка АД Битола

  • Бранкица Дамевска

10. Централна кооперативна банка АД Скопје

  • Зорица Шаламанова 

11. ТТК банка АД Битола

  • Ѓорѓи Атанасовски

12. Силк Роуд банка АД Скопје

  • Александар Божиќ

13. Капитал банка АД Скопје

  • Сашо Јовановски

14. Штедилница ФУЛМ ДОО Скопје

  • Атанас Манушев

15. Штедилница Можности ДОО Скопје

  • Ирена Вурмеска Боцевска

16. Клириншка куќа КИБС АД Скопје

  • Марија Манасова
  • Виктор Петрески

17. Македонско кредитно биро АД Скопје

  • Елена Поповска

Ова е настан кој се повторува секоја година за препознавање на квалитет и извонредни резултати, кој ја поврзува професионалната афирмација со промоција на финансиската култура и довербата на клиентите.

Продолжи со читање

Банки

Ѓорѓи Атанасовски е најдобриот банкарски службеник од ТТК Банка за 2025 година

Објавено

пред 3 дена

на

На настанот по повод Светскиот ден на штедењето, кој се одржа на 31.10.2025 година, во организација на Македонската банкарска асоцијација во соработка со Фондот за осигурување на депозити, беа избрани најдобрите банкарски службеници со постигнати особени резултати во нивната работа.

Со големо задоволство, ТТК Банка АД Скопје оваа година го номинираше Ѓорѓи Атанасовски, соработник во одделот за позадински обработки на ПП и средства и ликвидност, за најдобар банкарски службеник.

“Горди сме на нашиот колега Ѓорѓи Атанасовски за професионалноста, посветеноста и придонесот во работата. Честитки колега за ова заслужено признание! ТТК Банка АД Скопје останува посветена на развојот на потенцијалот на своите вработени, поттикнувајќи иновации и одржливи резултати во сите сегменти на работењето.” – велат од Банката.

Продолжи со читање

Банки

Јубилејни награди за 18 вработени за долгогодишна посветеност и успех во Комерцијална банка

Објавено

пред 3 дена

на

Комерцијална банка традиционално го одбележа Денот на штедењето и со доделување признанија и парични награди на 18 вработени, кои со години придонесуваат за развојот и успехот на Банката.

Наградените вработени оваа година одбележуваат 15 и 30 години работа во Комерцијална банка и се вистинска инспирација за новите генерации што ја градат својата кариера во Банката.

Тие заедно со целиот тим на Комерцијална банка секојдневно се посветени на потребите на клиентите, го движат напред развојот на Банката и го создаваат нејзиниот успех.

На сите наградени, Комерцијална банка им упатува благодарност за долгогодишната посветеност, професионализам и лојалност, со желба за уште многу заеднички достигнувања и нови успеси.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange