Готовината останува најшироко прифатениот начин на плаќање на физичките продажни места во еврозоната, и покрај силниот раст на мобилните и другите дигитални плаќања, покажува ново истражување на Европската централна банка.

Според резултатите, готовина прифаќаат 92 отсто од компаниите што продаваат стоки и услуги на физички локации, наспроти 90 отсто во 2024 година. Од ЕЦБ оценуваат дека со тоа е запрен падот на прифаќањето на готовината забележан за време и по пандемијата.

Платежни картички прифаќаат 88 отсто од компаниите, што е приближно исто ниво како пред две години. Најголем раст има кај мобилните плаќања, чија прифатеност се зголемила од 36 на 68 отсто.

Готовината е најзастапена во трговијата, рестораните и хотелите, каде што ја прифаќаат 93 отсто од анкетираните компании. Во секторот на уметноста, забавата и рекреацијата уделот е понизок и изнесува 84 отсто.

Меѓу земјите од еврозоната, највисока стапка на прифаќање на готовината имаат Грција и Италија, со по 99 отсто, додека најниска е во Белгија со 81 отсто и Кипар со 76 отсто.

Од компаниите што веќе примаат готовина, 92 отсто очекуваат дека ќе продолжат да го прават тоа и во следните пет години. Како главни предности ги наведуваат приватноста и сигурноста, а како недостатоци ризикот од грешки при враќање кусур, безбедносните ризици и можноста за внатрешни измами.

Истражувањето опфатило 8.205 компании во сите 21 земја од еврозоната, а било спроведено од февруари до април 2026 година.

Еврото забележа пад во однос на американскиот долар во последното интрадневно тргување, откако валутниот пар EUR/USD не успеа да го надмине клучното ниво на отпор од 1,1555.

По задржувањето под ова ниво, парот се сврте надолу и ја проби поддршката на 50-периодниот експоненцијален подвижен просек (EMA50), со што дополнително се засилија краткорочните негативни притисоци.

Истовремено, индикаторите за релативна сила покажуваат негативни сигнали, кои укажуваат на слабеење на куповниот моментум и зголемување на продажниот притисок.

Според анализите, ваквите технички показатели ја зголемуваат веројатноста за продолжување на надолниот тренд на EUR/USD во блиска иднина.

Акциите на данскиот бродски гигант Maersk пораснаа за околу 7 отсто во четвртокот, откако компанијата објави значително подобри квартални резултати од очекуваното и ја зголеми прогнозата за заработката во 2026 година.

Maersk оствари прелиминарна основна EBITDA добивка од 3 милијарди долари во периодот од април до јуни, што е далеку над консензусот на аналитичарите од 2,04 милијарди долари, според податоците на LSEG.

Компанијата, која често се смета за показател за состојбата во глобалната трговија, ја зголеми својата годишна прогноза по вторпат оваа година. Како еден од главните фактори се посочуваат нарушувањата во светската трговија поврзани со блокадата на Ормускиот Теснец.

Извршниот директор на Maersk, Винсент Клерк, изјави за CNBC дека резултатите се исклучително силни и покрај војната на Блискиот Исток и американските царини.

Според него, побарувачката и економијата покажуваат голема отпорност, а обемот на транспорт продолжува да расте без поголеми прекини.

Клерк посочи дека проблемите во синџирите на снабдување сè повеќе се јавуваат на копнената инфраструктура, што создава застои и придонесува за повисоки цени на транспортот.

Истовремено, акциите на германскиот конкурент Hapag-Lloyd пораснаа за 0,7 отсто, откако компанијата исто така објави повисок обем на транспорт и повисоки цени на услугите.

Извор: CNBC