Connect with us

Берза

Со дебата ,,Mладите и финансиите“ Македонска берза по четврти пат се приклучи на „Ring the Bell for Financial Literacy“

Објавено

пред 1 месец

на

Македонска берза четврта година по ред се приклучува кон глобалната иницијатива „Да заѕвониме за финансиска писменост“ (Ring the Bell for Financial Literacy) на Светската федерација на берзи (World Federation of Exchanges – WFE), како поддршка на глобалната кампања „Светска недела на инвеститорот“ (World Investor Week – WIW) во организација на Меѓународната организација на Комисиите за хартии од вредност (International Organization of Securities Commissions – IOSCO). 

По овој повод, на 16.10.2024 година се одржа тркалезна маса на тема „Mладите и финансиите: Дали како општество ја подобруваме финансиската писменост и независност?“. Учесници во дискусијата беа Проф. д-р Ѓорѓи Гоцков, Редовен професор на Економски факултет – Скопје, УКИМ, Проф. д-р Душица Стевчевска-Србиноска – CPA, Вонреден професор на Факултет за деловна економија и организациони науки, УАКС, Проф. д-р Дарко Лазаров, Вонреден професор на Економскиот факултет при Универзитет „Гоце Делчев“ – Штип и Проф. д-р Александар Стојков, Редовен професор на Правен факултет „Јустинијан Први“. Модератор на настанот беше Иван Штериев, Главен извршен директор, Македонска берза Скопје.

Целта беше да се отвори поширока дебата за важноста од задржување и/или зголемување на атрактивноста на изучување на економијата и на финансиите во нашето општество , но и  да се нагласи  потребата од рано вклучување на младите во светот на финансиските пазари, како предуслов за нивна побрза индивидуална економска независност. Стана збор и за актуелните состојби и трендови во доменот на финансиската едукација кај нас, како и за клучните вештини кои им се неопходни на младите генерации.

Ова беше прв настан од серијата  активности кои Македонска берза заедно со другите чинители на домашниот пазар на капитал (брокери, банки, инвестициски и пензиски фондови) планира да ги реализира во периодот што следува, најпрво заради мотивирање и подигнување на интересот кај младите за овој  сегмент на финансискиот систем, а потоа и како инвеститори и како професионалци во индустријатата на хартии од вредност.

Видеото од настанот е прикачено на YouTube каналот на Македонска берза и е достапно на следниот линк.

Слични Теми:

Берза

Ѕвоното на берзата одекна за Халкбанк АД Скопје: Нов официјален учесник на Македонската берза!

Објавено

пред 5 дена

на

Македонската берза доби нова, 11-та членка, која започна со тргување преку својот БЕСТ систем под шифрата HK. Халкбанк АД Скопје официјално ги започна активностите како овластен учесник на пазарот на капитал, нудејќи им на клиентите можност да користат услуги за тргување со хартии од вредност.

Во соопштението од Македонската берза се наведува:
„Врз основа на одлуката за отпочнување на користење на правата од членство во Берзата, а по исполнувањето на условите согласно Правилата за членство на Македонската берза АД Скопје, почнувајќи од ден 14.11.2024 година, преку членката Халк Банка АД Скопје ќе може да се тргува во БЕСТ системот под шифрата HK.”

Халкбанк официјално стана дел од членството на Македонската берза во септември 2024 година, кога Одборот на директори донесе одлука дека оваа банка ги исполнува сите услови за да биде овластен учесник на пазарот на капитал. Со ова, банката ја зацврсти својата позиција како значаен играч на финансискиот пазар и ја прошири својата палета на услуги кон клиентите.

Новите членки на Македонската берза ја поттикнуваат динамиката на пазарот, а со приклучувањето на Халкбанк се отвораат нови можности за тргување и инвестирање. Заинтересираните клиенти веќе можат да ги искористат услугите на банката и да иницираат купопродажни трансакции преку БЕСТ системот.

Продолжи со читање

Банки

Комерцијална банка со поддршка за финансиската едукација организирана од Македонската берза

Објавено

пред 3 недели

на

Комерцијална банка во рамките на својата определба за поттикнување и зголемување на финансиската писменост кај младите го поддржа и едукативниот настан „Вклучување на младите на домашниот пазар на капитал“, кој по повод Светскиот ден на штедењето го организираше Македонската берза. 

Повеќе од стотина студенти имаа можност да се информираат за сѐ што им нуди пазарот на капитал, од аспект на вложување во домашни хартии од вредност, управување со личните финансии врз основа на релевантни и проверени информации и успешно градење на нивната кариера.

Најзначајните и најновите информации од оваа област им беа пренесени од Иван Штериев, Главен извршен директор на Берзата, Горан Марковски, Главен извршен директор на КБ Инвест, и претставници на повеќе други компании.

Комерцијална банка се дружеше со студентите и по завршување на едукативниот дел, при што размени интересни информации за начинот на кој може да го користат бесплатниот Пакет за млади.

Продолжи со читање

Берза

Нова редизајнирана интернет страна на платформата СЕИ НЕТ

Објавено

пред 4 недели

на

На стартот на оваа работна седмица, пуштена е во употреба нова, редизајнирана интернет страна на платформата СЕИ НЕТ. СЕИ НЕТ претставува Систем за Електронски Информации за котираните акционерски друштва на Македонска Берза, преку којшто овие друштва во јавноста ги објавуваат пропишаните информации согласно Правилата за котација на Берзата.

Новата интернет страна е целосно дизајнирана со примена на најсовремените информациски технологии што овозможуваат адекватно корисничко искуство, освежен изглед и подобрени функционалности. Воедно, редизајнот на страната има за цел да овозможи дополнителен иден развој на апликацијата, односно нејзина надградба со други сервиси, врз база на имплементираните нови технологии во наредниот период.

Сите заинтересирани можат да ја посетат платформата СЕИНЕТ директно преку следнава адреса https://www.seinet.com.mk или посредно преку интернет страната на Македонска берза https://www.mse.mk и на лесен и едноставен начин да ги истражат, анализираат и да ги следат сите информации и содржини.      

Продолжи со читање

Популарно