Connect with us

Останато

Премиерот Мицкоски на средба со Македонската банкарска асоцијација: Изразена волја од двете страни за доближување на ставовите во однос на каматата за унгарскиот заем

Објавено

пред 4 месеци

на

Премиерот Христијан Мицкоски во текот на вчерашниот ден по средбата со Македонската банкарска асоцијација на која се прецизраа условите под кои бизнис секторот ќе може да ги користи 250-те милиони евра од унгарскиот заем, во однос на каматата, изјави дека е изразена волја од двете страни за доближување на ставовите.

„Во делот на каматата ќе се преговара уште оваа недела и очекувам дека до крајот на следата недела, во втората половина веќе би имале некаков став поврзан со тоа прашање и на тој начин би го заокружиле сето ова и конечно да почнеме сето ова да го аплицираме и да се пренесе на стопанството. Во моментов се доближуваат ставовите. Не би зборувал сега за проценти, би зборувал повеќе за изразена волја од двете страни за доближување на ставовите“, изјави Мицкоски.

Суштината е, дека тие 3,25 проценти камата како Влада секако дека ќе ги платиме, додаде Мицкоски.

„Можеби за некоја година ние би издале еврообврзница со која предвреме би го вратиле овој кредит, бидејќи знаеме дека немаме таму каматна стапка. Може ќе одлучиме и за други механизми, во зависност од интересот на државата. Целта е каматата која ќе ја понудат банките да биде што е можно пониска, за да може стопанството да добие пониска камата. Сега, реално има трошоци што ги имаат банките, но да видиме што може од тие трошоци да се намали, зависи тука и од политиките на централната банка. Затоа велам, да не зборуваме се уште за проценти, да ги доближиме ставовите, и тогаш официјално ќе излеземе со позиција“, рече Мицкоски.

Тој повтори дека со банкарите разговарал околу средствата што се дел од заемот од унгарската Влада.

„Би го поделил состанокот во три дела – првиот дел е оној дел што се однесуваше во делот на рочноста, времетраењето и слично, вториот дел е желбата да се учествува во проектот и третиот дел е поврзан со каматната стапка. Во делот во кој сакаат да учествуваат како Македонска банкарска асоцијација е несомнен, и сите изразија желба и подготвеност да бидат дел од овој процес. Во делот на рочноста земавме заеднички став дека во зависност од барањата на клиентите ќе ја користиме формулацијата до три години грејс период и до 15 години рок на отплата, бидејќи членките кажаа имаат одделни клиенти коишто сакаат можеби и пократок рок итн, затоа велиме до три години и до 15 години рок на отплата“, рече Мицкоски.

Во одговор на новинарско прашање рече дека банките може да понудат рок и од пет, седум и десет години, на пример, како што посочи, ако клиентот сака две години грејс период и пет години отплата, затоа ќе се користиме формулацијата до три години грејс период и до 15 години рок на отплата.

Унгарскиот заем од половина милијарда евра го договорија премиерот Мицкоски и унгарскиот премиер Виктор Орбан за време на Самитот на НАТО во Вашингтон. Законот за унгарскиот заем беше донесен во Собранието на 17 септември, а на 8 октомври во Будимпешта министерката за финансии го потпиша договорот.  

Условите под кои е земен кредитот, како што информираше неколкупати досега премиерот, се поволни – 3,25 проценти со три години грејс период и 12 години рок на отплата. Половина од парите се наменети за општините за реализација на капитални проекти, а половина за бизнис секторот.

Слични Теми:

Криптовалути

Binance ќе биде домаќин на првиот собир за вмрежување на заедницата во Скопје

Објавено

пред 3 дена

на

Binance, водечката светска берза за размена на криптовалути, со гордост најавува дека ќе биде домаќин на собир на заедницата во Скопје. Овој настан претставува уникатна можност членовите на крипто заедницата да се сретнат со претставници на Binance, да ги истражат најновите трендови во индустријата и да разговараат за иднината на дигиталните средства, и во регионот и на глобално ниво.

Првата средба во Скопје ќе биде на 3 април 2025 година, од 17 до 21:30 часот во Скопје Мериот Хотел, Плоштад Македонија, Скопје, Македонија.

Присуството на состанокот е бесплатно, но поради ограничениот број на учесници, потребна е претходна регистрација достапна на линкот.

За време на средбата, присутните не само што ќе можат да добијат преглед на најновите производи и иницијативи на Binance, туку ќе имаат и можност да учествуваат во игри и социјално вмрежување, да добијат ексклузивни промотивни производи и можност да се сретнат и да се поврзат со други членови на крипто заедницата.

Агенда на средбата:
17:00 – 18:00 – Пријавување
18:00 – 18.15 – Воведна сесија
18:15 – 18:35 – Екосистемот на Binance
18:35 – 18.45 – Binance Alpha 2.0
18:45 – 18:55 – Binance Affiliate програма
18:55 – 19:10 – Binance Angels програма
19:10 – 19:40 – Панел дискусија (прашања и одговори)
19:40 – 20:00 – Кahoot и доделување награди
20:00 – 21.30 – Коктел, вмрежување и интерактивни игри

Binance продолжува да го поттикнува растот на глобалната крипто заедница преку обезбедување пристап до релевантни информации, иновативни производи и можности за вмрежување во крипто индустријата.

За Binance

Binance е водечки глобален блокчејн екосистем зад најголемата светска размена на криптовалути по обем на тргување и регистрирани корисници. Довербата на Binance му ја пружаат повеќе од 230 милиони луѓе во повеќе од 100 земји поради неговата водечка улога во безбедноста, транспарентноста, брзината на тргување, заштитата за инвеститорите и неспоредливото портфолио на производи и понуди на дигитални средства, од трговија и финансии до образование, истражување, социјални добра, плаќања, институционални услуги и карактеристики на Web3.

Binance е посветен на изградба на инклузивен крипто екосистем за зголемување на слободата на пари и финансиски пристап до луѓето ширум светот со криптото како основно средство.

За повеќе информации, посетете ја веб-страницата www.binance.com.

Продолжи со читање

Бизнис

Просечната нето плата во Македонија се зголемила за 8,9 проценти и во јануари изнесувала 43.050 денари

Објавено

пред 1 недела

на

Државниот завод за статистика објави дека просечната исплатена нето плата во јануари 2025 година во Македонија изнесувала 43.050 денари, што претставува зголемување од 8,9% во однос на истиот месец од минатата година.

Ова зголемување најмногу се должи на порастот на платите во секторите Уметност, забава и рекреација, Административни и помошни услужни дејности и Образование.

Од друга страна, намалување на просечната месечна нето-плата во однос на претходниот месец е забележано во секторите Градежништво, Преработувачка индустрија и Финансиски дејности и дејности на осигурување.

Просечната месечна исплатена бруто-плата по вработен во јануари изнесува 64.697 денари.

Овие податоци ја одразуваат динамиката на платите во различни индустрии и нивното влијание врз економијата во земјата.

Продолжи со читање

Бизнис

Просечната нето плата во Хрватска во јануари 2025 година изнесувала 1.392 евра и се зголемила за 153 евра за една година

Објавено

пред 1 недела

на

Според податоците на Хрватскиот државен завод за статистика, просечната нето плата во Хрватска во јануари 2025 година изнесувала 1.392 евра, што претставува номинален раст од 2,3% и реален раст од 2,2% во однос на претходниот месец.

Во споредба со истиот период лани, платите бележат значителен пораст – 153 евра повеќе во однос на јануари 2024 година, што претставува 12,3% номинален и 8% реален раст.

Секторски разлики: највисоки и најниски примања

Највисоката просечна плата е регистрирана во секторот авиосообраќај, каде што вработените во просек заработуваат 2.184 евра, додека најниската нето плата е забележана во производството на облека, каде што просекот изнесува 919 евра.

Бруто плата и медијални примања

Во јануари 2025 година, просечната бруто плата изнесувала 1.925 евра, што претставува раст од 2,6% номинално и 2,5% реално во однос на декември 2024 година. Во годишна споредба, бруто платата пораснала за 13,6% номинално и 9,2% реално.

Медијалната нето плата, односно износот што го заработува половина од вработените или повеќе, а половина помалку, во јануари достигнала 1.200 евра, што е 13,3% повеќе во однос на истиот месец лани. Медијалната бруто плата изнесувала 1.619 евра, што претставува 14% раст во однос на јануари 2024 година.

Работни часови и саатници

Во јануари биле исплатени просечно 182 работни часа, што е 4,6% повеќе од декември 2024 година.

  • Просечната нето саатница изнесувала 7,49 евра, што претставува намалување од 2% на месечно ниво, но зголемување од 12,1% на годишно ниво.
  • Просечната бруто саатница изнесувала 10,37 евра, што е 1,6% помалку од декември, но 13,6% повеќе во однос на јануари 2024 година.

Заклучок

Податоците покажуваат дека просечните примања во Хрватска бележат континуиран раст, како на месечно, така и на годишно ниво. Иако одредени сектори, како авиосообраќајот, имаат значително повисоки плати, други индустрии, како текстилната, сè уште имаат пониски примања. Сепак, растот на медијалната плата и саатниците покажува дека подобрувањата во приходите не се ограничени само на високоплатените професии, туку опфаќаат и поширок дел од работната сила.

Продолжи со читање

Популарно