Банки
Познато е колкав надомест ќе земаат членовите на надзорните органи на НЛБ Банка
НЛБ Банка АД Скопје го закажа Собранието на акционери кое е предвидено да се одржи на 29.11.2024 година (Петок) со почеток во 12.00 часот, во просториите на банката.
Покрај именувањето на нов член на Надзорниот одбор, кој треба да го замени Блаж Бродњак кој поднесе оставка од функцијата Претседател на Надзорниот Одбор на ден 10.10.2024 година, на дневен ред за Собранието на акционери е и утврдување на годишните надоместоци на членовите на надзорните органи.
За нив ќе се гласа на претстојното Собрание на акционери, но со оглед на тоа што најголем и доминантен акционер на НЛБ Банка АД Скопје е Нова Љубљанска Банка д.д. Љубљана, со 86,97% учество (742.804 акции) во вкупниот број на акции и која преку своите претставници во Надзорниот одбор управува со Банката, логично е да се очекува дека овие одлуки ќе бидат усвоени.
Согласно предложената одлука, Членот на Надзорниот одбор ќе прима основен надомест за извршување на функцијата во износ од 15.000 евра нето годишно (основен надомест) или 1250 евра месечно.
Претседателот на Надзорниот одбор има право да добие дополнителна исплата за
извршување на претседателската функција во износ од 25% од основниот надомест
(дополнителен надомест) односно дополнителни 3.750 евра годишно.
Членот на друг одбор (кој е и член на Надзорниот одбор) има право да добие
дополнителен надомест за извршување на функцијата, што изнесува 10% од
основниот надомест (исплата за член на друг одбор), при што исплатата се плаќа за
членство во најмногу два одбори, без оглед дали поединечен член на Надзорниот
одбор е член на повеќе од два одбори.
Покрај исплата за член на друг одбор, претседателот на одборот (кој е и член на
Надзорниот одбор) има право да добие дополнителна исплата за извршување на
функцијата претседател во износ од 5 % од основниот надомест (исплата за
претседател на одбор), при што оваа исплата се плаќа за функција во еден одбор, без
оглед дали поединечниот член на Надзорниот одбор ја извршува оваа функција во
повеќе од еден одбор.
Член на одбор (кој не е член на Надзорниот одбор) ќе добие исплата на основен
надомест за извршување на функцијата во износ од 7.500 евра нето годишно (основен
надомест за членство во одбор).
Претседателот на одборот (кој не е член на Надзорниот одбор) има право да добие
дополнителен надомест за извршување на функцијата во износ од 15 % од основниот
надомест на одборот (дополнителен надомест за членство во одбор).
Надворешните членови на Надзорниот одбор и членовите на другите одбори ќе го добиваат горенаведениот надомест во пропорционални месечни исплати на кои имаат право сè додека ја извршуваат функцијата. Доколку тие ја извршуваат функцијата помалку од еден месец, тие имаат право на пропорционална исплата пресметана врз основа на бројот на денови кога ја извршувале секоја функција.
Оваа Одлука доколку биде донесена, ќе се применува од 01.01.2025 година.
Повеќе од една година на незапирлив раст: Како НАН го трансформираше пазарот за наплата на побарувања во Македонија
Deutsche Telekom размислува за мегаспојување со T-Mobile US – дали се создава најголемиот телекомуникациски оператор во светот?
Тивок отказ – тивка закана за продуктивноста? Марина Анчевска во FinSight отвора важни прашања за работната култура
Новиот рок за поднесување на ДДВ пријавите е 27 април
Раст на цените на горивата во ЕУ: дизелот поскапе до 19,8 отсто
НЛБ Банка со информација за исплатата на паричната помош од социјална, детска и цивилна заштита за февруари 2026 година
До 120.000 денари финансиска поддршка од Easy Finance – брзо и со транспарентни услови
Народна банка бара аналитичари: плата до 83 илјади денари и двегодишен договор
Оглас за вработување во ТТК Банка АД Скопје
Халк банка нуди потрошувачки кредит до 2,5 милиони денари
Банки
УНИБанка со промотивни каматни стапки за штедење во евра
УНИБанка нуди промотивни каматни стапки за депозитниот производ „Депозит Фикс“ и штедење во евра, со пократки рочности од 3, 6 и 12 месеци.
Од банката информираат дека понудата е насочена кон клиенти кои бараат флексибилни и сигурни начини за штедење, со можност средствата да растат и на краток рок.
Новите услови овозможуваат избор на рочност според индивидуалните потреби, атрактивни каматни стапки и сигурност при штедењето во евра.
Оваа понуда е наменета за сите кои сакаат да го оптимизираат своето штедење, без разлика дали станува збор за краткорочни планови или за постепено зголемување на средствата.
Банки
Капитал Банка нуди долгорочни кредити за инвестиции за компании
Капитал Банка АД Скопје во својата понуда има долгорочни кредити за инвестиции наменети за правни лица, како поддршка за развој и унапредување на бизнисите.
Од банката посочуваат дека капиталните вложувања се важен чекор за зголемување на деловниот капацитет, подобрување на ефикасноста и зацврстување на пазарната позиција на компаниите.
Кредитот се одликува со фиксна каматна стапка од 1,95 проценти, рок на отплата до 144 месеци и грејс период до 12 месеци. Воедно, не се предвидени дополнителни трошоци.
Оваа финансиска можност е наменета за компании кои сакаат да изградат стабилна финансиска основа и да ги реализираат своите инвестициски планови.
Банки
Цената на златото расте, но притисокот сè уште е присутен
Цената на златото забележа раст во текот на последното тргување, поддржана од задржувањето над нивото на поддршка од 54.700, кое беше очекувана цел во претходните анализи. Ова овозможи позитивен импулс и делумно закрепнување од претходните загуби, во услови кога индикаторите за релативна сила покажуваат подобрување по излегувањето од зоната на препродаденост.
Сепак, и покрај ова закрепнување, притисокот за пад останува. Цената го проби краткорочниот растечки корективен тренд, а воедно се движи и под 50-дневниот експоненцијален подвижен просек (EMA50), што го ограничува потенцијалот за посилен раст во блиска иднина.
Еврото со мешани сигнали во однос на доларот
Валутниот пар EUR/USD покажува нестабилност во последното тргување, со поддршка околу нивото од 1,1730. Ова ниво обезбеди одреден позитивен импулс, при што индикаторите за релативна сила сигнализираат почеток на нагорен пресек по излегувањето од зоната на препродаденост.
И покрај тоа, краткорочниот притисок за пад останува поради доминацијата на корективен надолен бран, а цената продолжува да се движи под EMA50. Сепак, ова не го поништува поширокиот нагорен тренд, бидејќи движењето и понатаму се одвива по поддржувачка тренд-линија, оставајќи можност за нов раст во наредниот период.
Повеќе од една година на незапирлив раст: Како НАН го трансформираше пазарот за наплата на побарувања во Македонија
Deutsche Telekom размислува за мегаспојување со T-Mobile US – дали се создава најголемиот телекомуникациски оператор во светот?
Тивок отказ – тивка закана за продуктивноста? Марина Анчевска во FinSight отвора важни прашања за работната култура
Новиот рок за поднесување на ДДВ пријавите е 27 април
Раст на цените на горивата во ЕУ: дизелот поскапе до 19,8 отсто
НЛБ Банка со информација за исплатата на паричната помош од социјална, детска и цивилна заштита за февруари 2026 година
До 120.000 денари финансиска поддршка од Easy Finance – брзо и со транспарентни услови
Народна банка бара аналитичари: плата до 83 илјади денари и двегодишен договор
Оглас за вработување во ТТК Банка АД Скопје
Халк банка нуди потрошувачки кредит до 2,5 милиони денари
-
Интервјуапред 2 месециПензиски парадокс: Од минималец до доброволен фонд – новиот модел на младите вработени
-
Банкипред 2 месециКомерцијална банка: Започна исплатата на пензиите за февруари 2026 година
-
Банкипред 2 месециНЛБ Банка со информација за исплатата на паричната помош од социјална, детска и цивилна заштита за февруари 2026 година
-
Банкипред 2 месециЗошто е сменет директорот на Развојната банка и кој е неговиот наследник!?
-
Продуктипред 1 месецДо 120.000 денари финансиска поддршка од Easy Finance – брзо и со транспарентни услови
-
Банкипред 2 месециХалкбанк известува: Пензиите за февруари се достапни на пензионерите
-
Кариерапред 2 месециОглас за вработување во НЛБ Банка АД Скопје
-
Интервјуапред 2 месециFinSight | Павле Гацов | Готовината и сивата економија „јадат“ 500 милиони евра годишно
