Во денешното динамично и дигитално време, кога брзината, флексибилноста и едноставноста се клучни за успехот на секој бизнис, Халкбанк АД Скопје континуирано инвестира во иновативни решенија што ги следат потребите на современите трговци.

Во таа насока, Банката ја воведува новата услуга Халк Моби ПОС (Halk Mobi POS), која што претставува напредно решение што овозможува прифаќање плаќања со картички директно преку мобилен телефон или таблет.

Практично решение и секогаш со вас

Халк Моби ПОС го претвора вашиот паметен уред, телефон или таблет, во сигурна алатка за наплата во продавница, на терен, на настани или при испорака кај клиент.

Процесот на користење е брз и едноставен. Потребно е да ја инсталирате апликацијата Халк Моби ПОС на својот уред и по активирањето, тој станува терминал за бесконтактни плаќања.

Купувачот само ја доближува својата картичка нана телефонот/таблетот, а трансакцијата се обработува во реално време и се потврдува за неколку секунди.

Клучни предности за вашиот бизнис

Со користење на Халк Моби ПОС, добивате низа значајни придобивки. Се овозможува прифаќање плаќања каде и да сте, без ограничување на локација, при што не е потребна дополнителна опрема, односно нема потреба од посебен ПОС уред.

Трансакцијата е безбедна и брза, со високо ниво на заштита и моментална обработка. Се добива и преглед на сите трансакции во реално време, а со тоа и подобра контрола и транспарентност во работењето.

Ова иновативно решение е идеално за мали и средни бизниси, самостојни трговци и теренски продавачи кои сакаат брзо, безбедно и едноставно плаќање, каде и да се наоѓаат.

Едноставна постапка за аплицирање

За користење на Халк Моби ПОС, потребно е да се поднесе апликација во една од филијалите на Банката, по што барањето се процесира и услугата се активира во најкраток рок.

Со Халк Моби ПОС, Халкбанк АД Скопје продолжува да инвестира во дигитални решенија што им помагаат на бизнисите да растат, да бидат поконкурентни и поблиску до своите клиенти. Оваа услуга претставува сигурен партнер за секој трговец кој сака да понуди современо искуство за плаќање и да го унапреди своето работење.

За повеќе информации и активирање на услугата, посетете ја најблиската експозитура на Халкбанк или официјалната веб-страница на Банката.

Со новата мобилна апликација, ПроКредит Банка воведува едно од најнапредните дигитални банкарски решенија на македонскиот пазар, поставувајќи нов стандард за брзина, функционалност и целосна контрола на своите финансии.

Брзо и лесно управување со сите сметки

Користењето на сметките во банка сега е полесно од кога било. Нема потреба од посета на филијала или чекање на шалтер.

Новата апликација овозможува единствена можност за управување преку еден профил, нудејќи целосен увид во сите сметки – лични, деловни и сметки на кои се овластени (партнери, деца, родители).

За сопствениците на компании, тоа значи преглед и управување со приватните и бизнис-сметките со само една најава, без префрлање помеѓу различни профили.

Преку новата апликација, плаќањата на сметки и префрлувањата на пари се извршуваат во неколку секунди, а целата историја на трансакции е достапна и лесна за пребарување.

Исто така, можете да отворите орочени и штедни сметки во денари и евра и целосно да управувате со нив од вашиот мобилен телефон.

Безбедност на највисоко ниво

Апликацијата поддржува најава преку ПИН, отпечаток од прст и Face ID, како и дополнителни безбедносни механизми, вклучително сокривање на салдото и заштита од правење пресликувања на екранот (screenshots), со што се обезбедува максимална заштита на личните податоци.

Без филијала – банкарство без редици и компромиси

Отворањето на сметка може да се направи целосно онлајн, без посета на филијала, без документација на шалтер и без чекање. Истото е овозможено преку интеграција на веб-решението попознато како OneID.

По успешната регистрација, корисникот веднаш може да добие дигитална дебитна картичка во рамки на мобилната апликација, која може веднаш да се користи за онлајн и мобилни плаќања. Нема повеќе потреба од чекање на пластична картичка за користење на банкарските услуги.  

Дополнително, корисникот може самостојно да управува со картичките, да ги блокира, деблокира и да управува со лимитите директно од апликацијата, во реално време.

Стратегија што води подалеку од апликацијата

„Со лансирањето на новата мобилна апликација не воведуваме само нова технологија, туку нов начин на интеракција со банката. Нашата цел е да изградиме дигитален екосистем што им дава на клиентите автономија, брзина и сигурност – без да ја изгубиме човечката поддршка кога е потребна,“ изјави Стевче Кузмановски, член на Управниот одбор.

Новата мобилна апликација е достапна за преземање веднаш преку App Store и Google Play.

Со овој чекор, ПроКредит Банка јасно сигнализира дека иднината на банкарството во Македонија е дигитална, веднаш достапна и целосно ориентирана кон клиентот.

„Meta“ објави дека во април 2026 година ќе го затвори самостојниот веб-сајт messenger.com, со што корисниците повеќе нема да можат да испраќаат и примаат пораки преку десктоп верзијата. Оваа одлука следи по укинувањето на посебните Messenger апликации за Windows и Mac минатата година.

По исклучувањето, сите обиди за пристап до messenger.com автоматски ќе бидат пренасочени кон facebook.com/messages, додека корисниците без Facebook профил ќе можат да ја користат услугата исклучиво преку мобилната апликација. Со ова, „Meta“ дополнително ја централизира комуникацијата во рамките на својот екосистем.

Компанијата соопшти дека разговорите ќе останат зачувани и ќе можат да се вратат преку PIN-код. Доколку корисникот го има заборавено PIN кодот, ресетирањето е возможно преку поставките за приватност и безбедност, во делот за енд-до-енд енкриптирани разговори и безбедно складирање.

„Messenger“ беше лансиран во 2008 година како „Facebook Chat“, а од 2011 година функционира под сегашното име. Самостојната десктоп верзија беше воведена во 2020 година, но беше повлечена во декември 2025 година, а сега и веб-верзијата заминува во историјата.

Иако причините за ваквата одлука не се официјално соопштени, дел од корисниците веќе изразија незадоволство, особено оние кои секојдневно ја користеа десктоп платформата. Аналитичарите оценуваат дека овој чекор е дел од стратегијата на „Meta“ за поцврста интеграција на своите услуги и зголемување на сообраќајот кон „Facebook“ и мобилните апликации.