Минатата недела во Охрид се одржа 24-та годишна конференција на Македонска берза.

Нашиот колега Горан Мартиноски, член на Инвестицискиот одбор и Раководител на сектор за управување со средства во КБ Прво, учествуваше во панел дискусијата посветена на мултифондовите. Со своето повеќегодишно искуство во инвестиции, управување со портфолиа, акции, обврзници, ЕТФ фондови и пазарите на капитал, тој даде значаен придонес во дискусијата за тоа што може да значи воведувањето на мултифондовите за пензиските членови и за пазарот на капитал.

Во разговорот беа отворени прашања за искуствата од земји каде мултифондовите веќе се применуваат, за потенцијалните ризици и предизвици кои оваа промена може да ги донесе, за тоа како изборот на фонд ќе влијае врз индивидуалната пензиска заштеда и дали граѓаните имаат доволно финансиска писменост за да донесат информирани одлуки.

Со повеќе од 1,4 милијарди евра во управување (извор: КБ Прво) и долгогодишно искуство признато со меѓународни награди, КБ Прво останува доследен партнер на своите членови и активен учесник во процесите кои придонесуваат за градење посигурна финансиска иднина.

КБ Прво како Сребрен спонзор уште еднаш ја потврди заложбата за развој на домашниот пазар на капитал и унапредување на финансиската култура во земјата – која ќе продолжи да биде еден од најважните сегменти од нашата општествено-одговорна мисија.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/ 32 24 229

Во рамки на одбележувањето на Денот на пензиска свесност – 15 септември, во СОУ „Коста Сусинов“ во Радовиш се одржа предавање посветено на функционирањето на пензискиот систем и важноста на финансиската писменост.

Учениците имаа можност да се запознаат со улогата на пензискиот систем во современото општество, начинот на кој се обезбедува финансиска сигурност во подоцнежните години, како и причините зошто е важно младите уште од најрана возраст да ја градат својата финансиска писменост.

Во рамки на предавањето беа презентирани практични примери што ја илустрираат врската помеѓу денешните одлуки и финансиската иднина. Настанот заврши со едукативен квиз, на кој учениците ги тестираа и ги надградија своите знаења, а најдобрите добија и награди.

Организаторите порачуваат дека само преку знаење и информираност може да се изградат генерации кои ќе носат мудри одлуки и ќе обезбедат сопствена финансиска стабилност.

„Дали ќе ми биде доволна пензијата?“ – Ова е едно од најчестите прашања кои сите си ги поставуваме во некој период од животот. 

За да ја обезбедиме нашата финансиска стабилност по завршувањето на работниот век, најпрво, важно е навремеда ги имаме сите потребни информации, да се едуцираме со цел да го разбереме функционирањето на пензискиот систем. Во нашата земја освен првиот столб (ФПИОСМ), пензискиот систем вклучува уште два – втор и трет столб. Во овој текст, ќе објасниме која е разликата меѓу вториот и третиот пензиски столб, и зошто е корисно навремено да го направите вистинскиот избор и да осигурате безгрижна финансиска иднина.

Што претставува вториот столб?

Задолжителното капитално финансирано пензиско осигурување или втор столб, е столб во кој треба да се зачленат сите лица кои првпат се вработуваат по 1 јануари 2019 година и на датумот на вработување се помлади од 40 години. 

Преку овој столб се исплаќа старосна пензија, дополнително на пензијата од првиот столб и се обезбедува поголема сигурност при старост.

Овој столб функционира на принцип на дефинирани придонеси, односно се заснова на принцип на собирање на средства преку плаќање на придонеси на индивидуални сметки на членовите чии средства понатаму се инвестираат и добивката намалена за трошоците на работењето на системот се aкумулира на средствата на индивидуалните сметки на членовите. Сите нововработени лица помлади од 40 години имаат три месеци да изберат во кој пензиски фонд може да членуваат. Доколку не направат избор во предвидениот рок, остануваат во пензискиот фонд во кој веќе се распределени.

Како функционира?

●​6% Од Вашата бруто плата оди на Ваша индивидуална сметка во втор столб, додека 12,8% во Фондот на ПИОСМ.

●​Овие средства се инвестираат во финансиски инструменти – акции, обврзници, ETF и сл. на финансиските пазари со цел да се оствари принос, односно заработка, што ќе ја зголеми вредноста наВашата пензиска заштеда.

● ​Сметката е на Ваше име и средствата се наследни.

●По исполнување на условите за пензионирање, акумулираните средства се повлекуваат во вид на програмирани повлекувања или во согласност со закон.

Што претставува третиот столб?

Доброволно капитално финансирано пензиско осигурување или трет столб е осигурување врз основа на капитализација на средствата, на принцип на дефинирани придонеси, но на доброволна основа. Овој столб им овозможува на сите лица кои сакаат да обезбедат поголема финансиска сигурност, покрај задолжителното осигурување, како и на сите лица кои не се опфатени со задолжително осигурување (во првиот и вториот столб), да штедат за дополнителна пензија.

Третиот столб им овозможува заштеда за дополнителна пензија на сите граѓани на возраст од 15 до 70 години, без разлика дали се во редовен работен однос, а притоа не се корисници на пензија. Освен физички лица, компании или здруженија на граѓани може да организираат и да финансираат професионални пензиски шеми преку уплати на средства за дополнително пензиско осигурување на лична – професионална сметка за своите вработени.

Како функционира?

● Склучувате договор за членство со овластен агент.

● Договорот се активира со првата уплата на средства.

● Вие избирате колку и кога ќе уплаќате.

● Средствата се инвестираат и се акумулираат на Вашатадоброволна индивидуална сметка.

● Уплатените средства се инвестираат во финансиски инструменти од страна на пензиското друштво на ист начин како и средствата од вториот пензиски столб.

● Може да започнете со користење на овие средства по навршување на 52 години за жени и 54 години за мажи, односно 10 години пред стекнување на право на старосна пензија.

● Средствата се наследни.

● Начинот на повлекување на средствата може да го приспособите на Вашите потреби. Имајќи предвид дека истите Ви се наменети како заштеда за пензионерските денови, наша препорака е нивното повлекување да биде на месечна основа, со цел и поголема деакумулација на средства.

 Клучни разлики меѓу вториот и третиот столб

Параметар	Втор столб (Задолжителен)	Трет столб (Доброволен)
Кој може да биде член?	Лица кои првпат се вработуваат по 1 јануари 2019 година и на датумот на вработување се помлади од 40 години.	Сите граѓани од 15 до 70 години што не се пенизонери (вработени, самовработени, студенти, невработени)
Начин на вложување	Автоматски – 6% од придонесите на бруто платата се уплаќаат на индивидуалната сметка на членот	Доброволни уплати – сами одлучувате колку, кога и колку често ќе уплаќате
Услови за користење	Со исполнување на законските услови за пензионирање, односно 62 години за жени и 64 години за мажи, со минимум 15 години работен стаж	Можност за повлекување 10 години пред исполнување на законските услови за пензија, односно односно 52 години за жени и 54 за мажи
Даночни бенефиции	Нема	Да – можност за даночни олеснувања за работодавачи кои организираат професионални пензиски шеми

Зошто е важно да размислувате за двата?

Комбинирањето на вториот и третиот столб овозможува:

● Поголема финансиска сигурност во пензионерските денови

● Поголема контрола над Вашите заштеди

● Можност за повисока пензија преку дополнителни уплати

Што можете да направите денес?

Размислете: 

• Одвојте време и проверете ги Вашите пензиски заштеди – Дали Вашата идна пензија ќе ви биде доволна? 

• Проценете ја Вашата финансиска состојба, идните приходи – Дали и колку може да инвестирате?

• Стапете во контакт со КБ Прво и информирајте се за условите на пазарот за пензиско осигурување, затрошоците, за остварените приноси од инвестиции и сл.;

• Изберете фонд и започнете со уплати – дури и мали износи може да направат позитивна разлика на долг рок;

• Следете ги извештаите за пензиска заштеда,прилагодувајте го износот на уплатите, согласно Вашите приходи.

Запомнете дека доброто планирање во животот Ви овозможува да уживате и во неизвесните моменти во животот, а висината на Вашата пензија зависи од одлуките што ќе ги донесете денес.

Со вложување во третиот пензиски столб вложувате за својата иднина.

Затоа, размислувајте за #ИднинатаДенес и уживајте во годините што доаѓаат! 

КБ Прво пензиско друштво – Ваш сигурен партнер за иднината.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/ 32 24 229