Комерцијална банка ја продолжува промоцијата за станбениот кредит, овозможувајќи им на клиентите до 31 декември 2026 година да аплицираат за кредит без трошоци за одобрување и процена на имотот.

Во рамки на промотивната понуда, станбениот кредит се одобрува со фиксна годишна каматна стапка од 3% за првите пет години, со рок на отплата до 30 години и можност за грејс-период до 12 месеци.

Кредитот може да се користи за купување, изградба, доградба или реконструкција на стан, куќа или деловен простор, како и за купување градежно земјиште или недвижен имот во странство.

За дополнителна финансиска сигурност, клиентите имаат можност да го комбинираат кредитот со животно осигурување од Триглав Осигурување Живот АД Скопје.

Со продолжувањето на промотивниот период, Комерцијална банка им овозможува на заинтересираните клиенти да ги намалат почетните трошоци поврзани со реализацијата на станбениот кредит и полесно да го реализираат планот за нов дом.

Повеќе информации за условите и начинот на аплицирање се достапни на веб-страницата на Комерцијална банка или во најблиската експозитура на Банката.

Иднината на трговијата ја обликуваат тројца чинители: потрошувачите, бизнисите и, сè повеќе, AI-агентите кои дејствуваат во име на корисниците. Ова беше една од клучните теми на Visa Connect SEE, регионалниот форум на Visa, кој во Белград собра околу 150 лидери од банкарскиот и финансискиот сектор, како и експерти на Visa, за да разговараат за иднината на плаќањата, трговијата и корисничките искуства.

Во Југоисточна Европа, обемот на безготовинските плаќања расте за 21% годишно, додека околу 80% од граѓаните активно користат банкарски услуги. Истовремено, потрошувачите сè побрзо ги прифаќаат дигиталните искуства и очекуваат плаќањата да бидат брзи, едноставни и безбедни, без оглед на тоа каде и како купуваат.

„Потрошувачот суштински се промени. Луѓето повеќе не го делат искуството на купување на различни начини и места. Тие не го одвојуваат онлајн од офлајн, домашното од прекуграничното, ниту плаќањата од трговијата. Едноставно очекуваат секоја интеракција да биде непосредна, интуитивна и безбедна. Во Југоисточна Европа бележиме континуиран раст на користењето дигитални плаќања, додека потрошувачите сè повеќе бараат искуства што се поедноставни, персонализирани и поврзани. Оваа еволуција создава нови можности за банките, трговците и финтек-компаниите да го преосмислат начинот на кој комуницираат со своите клиенти“, истакна Ана Драшковиќ, потпретседателка на Visa и генерален директор за Југоисточна Европа.

Дискусиите во рамки на Visa Connect SEE покажаа како иновациите ја трансформираат секоја фаза од процесот на купување – од начинот на кој потрошувачите ги откриваат производите и услугите, па сè до начинот на кој плаќаат и префрлаат пари.

Еден од најзначајните развои е појавата на AI-агенти кои можат да им помагаат на потрошувачите во текот на целиот процес на купување. Истражувањата покажуваат дека 78% од граѓаните на Србија веќе користат вештачка интелигенција за да им помогне при донесувањето одлуки за купување, додека само 9% во моментов би му довериле на AI да изврши плаќање во нивно име.

Според експертите на Visa, следната фаза на дигиталната трговија ќе значи надминување на улогата на AI како алатка за препораки и негово постепено насочување кон преземање конкретни активности. Тоа ќе им помогне на потрошувачите поефикасно да пребаруваат, споредуваат и купуваат производи, при што контролата останува во рацете на човекот. Во исто време, користењето дигитални плаќања продолжува забрзано да расте, а Visa во изминатите четири години го прошири бројот на локации на кои се прифаќаат нејзините плаќања во поширокиот регион, од 10 милиони на 21 милион.

Зборувајќи за можностите и предизвиците што ги носи оваа трансформација, Сергиј Мартинчук, виш потпретседател на Visa и директор за Источна и Југоисточна Европа, Централна Азија и Кавказот, истакна:

„Потрошувачите и бизнисите сè повеќе бараат побрзи и поедноставни начини за плаќање, префрлање и примање пари. Истовремено, тие очекуваат безбедноста и довербата да бидат составен дел од секоја интеракција. Додека го менуваме начинот на кој парите се движат низ нашиот регион, нашиот фокус е насочен кон тоа да им помогнеме на клиентите да ги исполнат тие очекувања преку поголема прифатеност на дигиталните плаќања, токенизација, можности за прекугранични трансакции како што е Visa Direct,
како и иновации што ја прават дигиталната трговија поедноставна и побезбедна. Вистинската можност не е само во воведувањето нови технологии, туку во претворањето на иновациите во секојдневни искуства во кои луѓето имаат доверба“, порача Мартинчук.

Клучната порака од Visa Connect SEE е дека иднината на трговијата нема да биде дефинирана од ниту една поединечна технологија. Додека вештачката интелигенција, токенизацијата и трансферот на пари во реално време го менуваат начинот на кој потрошувачите и бизнисите комуницираат со парите, долгорочниот успех ќе зависи од способноста за комбинирање на иновациите, довербата и соработката во рамки на целиот екосистем.

Плаќај со Visa картичките од Комерцијална банка и собирај шанси за незаборавно фудбалско искуство во Барселона. Започна наградната игра на Комерцијална банка која носи ексклузивна можност за две лица – запознавање и дружење со светски познатата фудбалска ѕвезда Ламин Јамал и присуство на фудбалски натпревар на ФК Барселона на стадионот Капм Ноу.

Во периодот до 31 октомври 2026 година, секое плаќање со Visa Debit, Visa Classic Revolving, Visa Classic Standard, Visa Signature или Visa Gold картичка од Комерцијална банка носи една шанса (еден код) за освојување на наградата. А, секоја трансакција со Google Pay, Apple Pay или Garmin Pay носи двојна шанса затоа што се добиваат два кода.

Можност за учество во наградната игра „Плаќај со Visa и запознај се со Ламин Јамал“ добиваат и сите нови корисници на Visa картички од Комерцијална банка, кои со секоја нова активирана Visa картичка автоматски добиваат еден код.

Колку повеќе плаќања, толку повеќе шанси за освојување на оваа награда која на еден среќен добитник и негов придружник ќе им овозможи да доживеат нешто што ретко кој фудбалски навивач може да го искуси – средба лице в лице со една од најголемите фудбалски ѕвезди во светот и ексклузивно спортско патување во Барселона.

Извлекувањето на добитникот ќе се одржи на 3 ноември 2026 година.

Сите детали и Правилата за наградната игра се достапни на следниот линк.