Компанијата Circle, позната како креатор на стабилната криптовалута USDC (чија вредност е поврзана со американскиот долар), најави голем чекор напред во светот на дигиталните финансии со лансирање на глобална мрежа за исплати и меѓународни трансакции, со голем потенцијал и амбиција да стане сериозен конкурент на гигантите како Visa и Mastercard.

Официјалното лансирање на мрежата е закажано за 22 април во Њујорк, во седиштето на компанијата. Главниот извршен директор на Circle, Џереми Алер, ќе ја изложи стратегијата зад новиот систем за плаќања, базиран на стабилни криптовалути, пред сè USDC.

Според извештајот на CoinDesk, пазарот на стабилни криптовалути бележи значителен раст, поттикнат и од промените во американската регулатива по изборот на Доналд Трамп. Новите прописи од Белата куќа отвораат простор за развој на легитимни дигитални токени, поддржани со реална вредност, чекор кој ги охрабрува и инвеститорите и развивачите.

Во моментов, Circle и Tether се водечки издавачи на стабилни криптовалути, со пазарна вредност од 60 милијарди долари за USDC и 144 милијарди долари за USDT. Иако првично фокусирана на биткоин-плаќања, Circle сега го враќа фокусот кон инфраструктура за финансиски институции како банки, финтек компании и провајдери за трансфер на пари.

Според достапните информации, новата мрежа најпрво ќе се користи за меѓународни трансфери, но долгорочната цел е целосна интеграција како платежна мрежа од нова генерација.

Од друга страна, Европската унија изрази загриженост за зголеменото влијание на стабилните криптовалути врзани за доларот. Регулаторите предупредуваат дека ова може да доведе до одлив на средства од традиционалниот банкарски систем, што би имало значајни последици по монетарната стабилност на еврозоната.

Со ова, Circle не само што ја менува сликата на глобалните плаќања, туку и повторно ја отвора дебатата за иднината на дигиталните финансии, регулативата и конкуренцијата меѓу традиционалните и новите финансиски системи.

Финтек апликацијата Mint App продолжува да се развива и да ги следи современите трендови во управувањето со личните финансии. Со најновата верзија 1.3.0, корисниците добиваат пристап до три нови алатки кои овозможуваат уште подобра контрола, транспарентност и мотивација во секој финансиски чекор.

Во оваа верзија добивате:

• Преглед на крипто берзата – следете вредности и трендови во реално време (Следете ги движењата на најпопуларните криптовалути, добијте увид во пазарните трендови и донесувајте информирани одлуки базирани на точни и тековни податоци.);
• Калкулатор за приватно здравствено осигурување (индивидуално и семејно) – Едноставно споредете трошоци и бенефити за индивидуално и семејно осигурување. Оваа нова функционалност помага корисниците полесно да изберат најсоодветна полиса според нивните потреби и буџет;
• Специјален велигденски Mint Egg – oд денес до понеделник, корисниците имаат можност да отворат специјално велигденско јајце во апликацијата, кое крие изненадувања во форма на бонуси, награди и ексклузивни понуди!

Mint App расте со вас – за да имате повеќе контрола, јасност и мотивација во секој финансиски чекор.

Со секое ново ажурирање, Mint App се стреми да обезбеди практични и иновативни решенија кои ги поедноставуваат личните финансии. Апликацијата е наменета за сите кои сакаат да ги следат своите приходи и трошоци, да планираат буџет, да добиваат персонализирани финансиски совети и да останат чекор пред со своите финансиски цели.

Ажурирајте ја или преземете ја апликацијата на следниот линк: https://mint.com.mk/mintapp

Солидарноста на финансискиот пазар на дело: Македонската берза, Централниот депозитар за хартии од вредност (ЦДХВ) и Загребската берза ќе донираат финансиска помош во износ од 25.000 евра во новоформираната фондација на Македонската банкарска асоцијација „ЗАЕДНО ЗА ЕДНО“, со цел помош и поддршка на семејствата на загинатите и на повредените во страотниот пожар во Кочани, кој се случи минатиот месец.

Како активни и континуирани промотори на принципите на корпоративната и општествената одговорност, овие три институции веруваат дека во вакви моменти заедништвото и солидарноста се од исклучително значење, поради што сакаат да дадат конкретен придонес и поттик до сите други субјекти во рамки на своите можности да се вклучат во активностите за помош и поддршка на засегнатите од трагедијата во Кочани.

„Нашите мисли се со сите кои се погодени од оваа голема несреќа. Искрено се надеваме дека и други субјекти ќе се приклучат и ќе дадат свој придонес според можностите“, се наведува во заедничкото соопштение.