Управата за јавни приходи донесе План за подобрување на усогласеноста – Неформална економија 2026 – 2027, како стратешки документ кој произлегува од современиот концепт на управување со ризиците на усогласеност.

Овој концепт претставува модерна филозофија на работењето на даночните администрации, која вклучува препознавање на ризиците за неусогласеност и нивно навремено адресирање преку комбинација од превенција, советување и поддршка, таргетирани контроли и системски мерки. Целта е да се влијае врз однесувањето на даночните обврзници и да се поттикне доброволна и трајна усогласеност со законските обврски.

Планот претставува континуитет на активностите што УЈП ги спроведуваше во текот на 2025 година за сузбивање на неформалната економија, со дополнително унапредување и проширување на пристапот.

Фокусот и во следниот период останува на угостителството, трговијата на мало и одредени услужни дејности, каде што постои поголем ризик од неевидентирање на готовинскиот промет. Истовремено, опфатот се проширува и кон економските активности во синџирите на снабдување поврзани со овие дејности. Овој пристап се темели на сознанието дека неформалните активности не се задржуваат само на местото на продажба и не се сведуваат само на неиздавање фискална сметка, туку се пренесуваат низ целиот синџир преку набавки и плаќања во готово и исплати „во плико“” кон неформално вработени лица.

Дополнителен фокус се става на краткорочното туристичко сместување, вклучително и активностите што се одвиваат преку дигитални платформи, како сегмент што се повеќе добива економско значење, но истовремено носи и специфични ризици за непријавени приходи.

Планот предвидува засилување на превентивните и информативните активности, со акцент на вмрежување и координација со други институции на национално и локално ниво. Целта е даночните обврзници сеопфатно да бидат информирани за своите обврски, права и придобивки од формалното работење.

Советодавната поддршка и насочување кон доброволно усогласување остануваат клучен елемент на пристапот, со цел даночните обврзници да го прифатат и одржат законски усогласеното однесување на долг рок, наместо усогласеноста да биде само принуден резултат на санкции.

Во делот на контролите ќе се имплементираат мерки за зголемување на ефикасноста и ефективноста, не само преку подобрена селекција на субјектите врз основа на анализа на ризик, туку и со унапредена методологија за контрола и примена на индиректни методи за процена на неевидентираниот промет. Контролата нема да се сведува само на проверка на касата и формалните документи, туку на утврдување на економската суштина на работењето преку капацитетот на деловниот субјект, бројот на вработени, побарувачката, залихите и др.

Планот вклучува и системски мерки, меѓу кои е и надградбата на ГПРС системот за следење на готовинскиот промет во реално време, што ќе овозможи подобра анализа и навремено детектирање на ризици.

Целта на овој план е трансформирање на неформалните активности во таргетираните дејности во формални и законски усогласени. Успешноста на планираните мерки ќе се цени преку конкретни индикатори, пред се преку растот на пријавениот промет кај даночните обврзници во таргетираните дејности.

Услугата за второ медицинско мислење, која со години претставува стандардна пракса во европските земји, отсега станува достапна и за сите наши граѓани како дополнителен бенефит во рамки на осигурувањето „Ризико Плус“ за кредитокорисниците на Иуте Македонија. 

Истата се нуди во партнерство со Друштвото за животно осигурување СИГАЛ Лајф АД Скопје и претставува надградба на основниот пакет, обезбедувајќи им на клиентите уште поголема сигурност и сеопфатна заштита.

Со оваа услуга клиентите ќе добијат дополнителна сигурност кога здравјето е најважно, односно:

• Потврда или ревизија на постоечка дијагноза;

• Стручна проценка на предложениот план за лекување од независни врвни медицински експерти;

• Препорака за алтернативни и поефикасни терапии;

• Мир и сигурност при носење важни здравствени одлуки.

Проектот e реализиран во соработка со MediGuide – светски признаен лидер за “Second Medical Opinion”, со повеќе од 25 години искуство и широка мрежа на водечки медицински центри ширум светот, во партнерство со СИГАЛ Лајф Осигурување, осигурително-брокерско друштво Иуте Сафе АД Скопје и Iute Affinity – интернационална платформа за дигитални и иновативни осигурителни решенија, дел од Iute Group, која ги поврзува најдобрите светски практики со локалните пазари. 

Услугата е без ограничувања на возраст, без период на чекање и со можност за повеќекратно користење – токму како што е воспоставена и во најразвиените европски здравствени системи.

Второто медицинско мислење е целосно дигитална услуга, базирана на дигитален, едноставен и транспарентен процес – без административни бариери и без дополнителен стрес за клиентите, директно од удобноста на домот. 

Поднесувањето на барањето, доставата на медицинска документација и комуникацијата се реализираат преку современа дигитална платформа iuteAffinityPortal, а потоа случајот го презема глобалниот провајдер MediGuide, кој понатаму го споделува до соодветни светски медицински специјалити, во зависност од дијагнозата.

Со Второто медицинско мислење, Иуте Македонија, заедно со СИГАЛ Лајф Осигурување, поставуваат нов стандард и целосно нов пристап кон здравствената и финансиската сигурност, покажувајќи како изгледа одговорна, современа и човечки ориентирана финансиска услуга.

Ова е јасна порака дека модерното кредитирање не се мери само во услови и каматни стапки, туку и во вистинска грижа за животот, здравјето и иднината на клиентите.

Проектот претставува спој на глобална медицинска експертиза, дигитална технологија и осигурителна заштита – ретка и исклучително важна новина за македонските граѓани.

Целата процедура, услови на користење и начин на активирање на услугата се достапни  тука. 

ПроКредит Банка денеска официјално ја претстави новата мобилна апликација, со која дополнително го унапредува корисничкото искуство и ги поедноставува банкарските услуги за физички и правни лица. Станува збор за модерно дигитално решение што ги доближува услугите до постојните и новите клиенти, без да се изгуби важноста на човечкиот пристап и поддршка, спакувано под кампањата „Таму кај што си“.

Кампањата го носи името по истоимениот евергрин на Ристо Самарџиев, преку кој ПроКредит Банка ја отсликува близината, уникатноста и човечкиот пристап кои доаѓаат во форма на услуги преку новото дигитално решение. Новата мобилна апликација има за цел да ја промени перцепцијата дека банкарските процеси се бавни и достапни исклучиво на традиционален начин. Со ПроКредит и нивната визија, дигиталното банкарство е сè подостапно, а показател за тоа е новото решение во облик на мобилна апликација. Апликацијата е дизајнирана да ги сруши ограничувањата на традиционалното банкарство, нудејќи им на корисниците слобода да ги управуваат своите финансии брзо, сигурно и во секое време преку лесен и едноставен пристап до услугите на банката.

Стевче Кузмановски, член на Управен одбор во ПроКредит Банка

„Низ годините научивме една едноставна работа – клиентите не сакаат компликации, туку услуги што се лесни и достапни. Тие не сакаат да чекаат и да се прилагодуваат на банката, туку банката да се прилагоди на нивниот живот – да имаат повеќе време за живот, а помалку време за во банка.

Водени од потребите на клиентите и нашата визија, дојдовме до новата мобилна апликација како одговор на реални ситуации, кога немате време и сакате работите да ги завршите веднаш, таму каде што сте. Денеска, сметка се отвора без филијала, картичка се добива веднаш, а трансферите се реализираат во секундa.

Суштината не е само во функционалностите, туку во слободата што ја добива клиентот –да управува со своите финансии кога сака и каде што се наоѓа. Затоа со оваа апликација го означуваме стартот на уште полесниот пристап до банкарските услуги преку кампањата „Таму кај што си“. – изјави Стевче Кузмановски, член на Управниот одбор во ПроКредит Банка.

Пред медиумите беа претставени клучните функционалности на апликацијата, дизајнирани за секојдневна употреба. Меѓу нив се брза и безбедна најава (со PIN, FaceID или отпечаток од прст), веднаш достапна картичка и брзи трансфери со Send to Friend. Апликацијата овозможува и едноставно управување со заштеди и валути, како и сигурна контрола на профилот и картичките директно преку мобилен телефон.

Марина Ѓурѓовска Аџиовска, Директор на сектор за физички лица во ПроКредит
Банка

„Кога ја развивавме апликацијата, имавме една јасна цел – клиентот да не размислува како да ја користи, туку едноставно да си ја заврши работата. Затоа се фокусиравме на помалку чекори, јасен преглед и чувство дека сè што ви треба е на едно место.

Денес, со една апликација можете да ги следите сите ваши сметки, да управувате со картички, да правите плаќања или да отворите штедење – без одење во банка и без дополнителни апликации. Сè е поставено логично, за да функционира брзо и без непотребни компликации. За нас, доброто дигитално решение е она што ви заштедува време и ви дава сигурност дека можете да ги завршите работите кога вам ви одговара, без прекини во вашето секојдневие.“ – изјави Марина Ѓурѓовска Аџиовска, директор на секторот за физички лица во ПроКредит Банка.

Хибридниот модел на ПроКредит Банка покажува дека дигиталните решенија и човечкиот пристап можат беспрекорно да се надополнуваат. Кампањата „Таму кај што си“ продолжува во неколку фази – со едукативни содржини, соработки со креатори и понуди прилагодени на клиентите, со цел иновациите да се доближат до пошироката јавност.

Линк: Нова мобилна апликација на ПроКредит Банка – Таму кај што си

За повеќе информации и за преземање на новата апликација, посетете ја официјалната веб-страница на ПроКредит Банка, а за сите новитети следете ги профилите на банката на Facebook, Instagram и LinkedIn.