Банки
Двајца уметници од регионот победници на НЛБ Муза, повикот на НЛБ Групацијата за интермедијална уметност

Помеѓу 15 февруари и 21 март 2024 година уметници помлади од 35 години од Словенија, Хрватска, Босна и Херцеговина, Србија, Црна Гора, Македонија и Косово имаа можност да се пријават на меѓународниот јавен повик за интермедијална уметност на НЛБ Групацијата, наречен „На раскрсница“. Свои уметнички дела доставија 83 уметници од сите пазари каде што работи НЛБ Групацијата, а меѓународното стручно жири избра дела на двајца уметници од регионот, кои ќе бидат изложени на отворањето на изложбата во новата галерија „Банкариум“ во центарот на Љубљана, на почетокот на следната година.
На повикот се бараа уметнички дела што одговараат на концептот на уметничката колекција на ЈИЕ, која ги претставува различните култури, идентитети и сеќавања кои со текот на времето ја обликувале заедничка историја во регионот. Колекцијата има за цел да го подобри разбирањето и знаењето за различните културни и општествени средини, да промовира толеранција и различност, а во исто време да раѓа нови одржливи идеи и акции со различни изрази на современата уметност.
Автор на прво-избраното уметничко дело со наслов „Од присуство до сеќавање и назад“ е Аријана Кадиќ од Црна Гора. Станува збор за уметнички перформанс во кој уметникот користи наследен тепих како централен елемент, кој делува како портал што ја поврзува со нејзините предци, како мост помеѓу сегашноста и вечноста. Автори на второто уметничко дело, се Далеа Ковачец и Марко Дамиш од Словенија со нивната интерактивна инсталација насловена „Од раѓање до бајт: генеративен животен пејсаж“. Станува збор за инсталација која користи камери, екрани и огледала за да прикаже разновидна палета на лични, директни наративи на социјалните мрежи, прикажувајќи го широкиот спектар на човечкиот живот од раѓање до смрт.

Меѓународното стручно жири на конкурсот во состав: Тевж Логар – независен кустос, уредник и писател, претседател на Уметничкиот совет на НЛБ, Мира Гаќина – историчар на уметност и критичар, кустос, член на Уметничкиот совет на НЛБ, Ана Херман – проект менаџер за комуникации во НЛБ и Матко Миоч – директор на НЛБ Културно наследство го аргументираше изборот на делата:
„Решивме да ја поканиме уметницата Аријана Кадиќ да изложи во нашата галерија поради личната наративност на уметникот. Нејзината приказна е длабока и автентична, рефлектирајќи вистинско човечко искуство што може да зборува за пошироката публика и да создаде силна емотивна врска. Од друга страна, работата на Далеа Ковачец и Марко Дамиш е елоквентна и многу актуелна. Оваа способност овозможува директна интеракција помеѓу уметничкото дело и гледачот, создавајќи динамично искуство кое постојано се менува и се прилагодува според сегашните податоци и околности“.
Инаку, Групацијата НЛБ не е само водечка банкарска и финансиска групација со седиште и ексклузивен стратешки интерес во Југоисточна Европа, туку и важен поддржувач и покровител на регионалната култура и уметност. НЛБ МУЗА, програмата за културно наследство на НЛБ се состои од уметнички и музејски збирки, како и музеи и галерии на НЛБ Групацијата. Колекцијата SEE Art, која е основана во јануари 2023 година, е дел од програмата на НЛБ МУЗА. Со нарачка, купување, презентирање и промовирање на современата уметност, НЛБ Групацијата станува нејзин главен поддржувач и партнер во Југоисточна Европа. Во оваа прилика, НЛБ Групацијата упатува благодарност до сите уметници кои учествуваа на повикот, како и на стручното жири за нивната посветена работа.
Банки
РАСТАТ ДЕВИЗНИТЕ РЕЗЕРВИ – во февруари достигнале близу 5 милијарди евра

Девизните резерви на Македонија во февруари изнесуваат 4,86 милијарди евра, покажуваат податоците на Народната банка.
Моменталната вредност е пониска во однос на историскиот максимум достигнат на крајот од минатата година, кога изнесуваа повеќе од пет милијарди евра. Сепак, растот на девизните резерви претставува солидна основа за обезбедување на монетарната стабилност.
Најголемиот дел од девизните резерви или точно 76,2 проценти, се вложени во хартии од вредност, додека пак монетарното злато сочинува 12,5% од вкупните девизни резерви. Валутите и депозитите, пак сочинуваат 11,3% од резервите.
Како што посочуваат од Народната банка, сигурноста и ликвидноста во управувањето со девизните резерви се обезбедува преку пласмани во финансиски инструменти со висок кредитен рејтинг, кои овозможуваат брза достапност до ликвидни средства.
Банки
Комерцијална банка со нова стипендија за студентка на Економскиот факултет при УКИМ

Комерцијална банка верува во моќта на жените да создаваат, водат и да постигнуваат големи работи и затоа ги поддржува како работодавец и како општествено одговорна компанија. Во таа насока Банката обезбеди стипендија за Теодора Тиквешанска, студентка на Економскиот факултет при УКИМ во Скопје, која е на самиот почеток од своите студии.
„Со оваа поддршка ќе ѝ помогнеме на младата девојка во текот на нејзините студии и во успешно остварување на нејзините амбиции и професионални определби. Финансиската поддршка е симбол и на континуираната заложба на Банката за поттикнување на младите жени да ја изградат својата професионална иднина во светот на финансиите, бизнисот и економијата.
Економското јакнење на жените е еден од клучните фактори за одржлив развој на општеството, а со тоа и за градење стабилна и просперитетна иднина. Горди сме што во Комерцијална банка жените се движечка сила – тие сочинуваат најголем дел од нашиот тим, на различни позиции, сѐ до највисоките раководни функции во Банката.
Нивниот успех е доказ дека посветеноста, знаењето и упорноста се клучни за градење успешна кариера и финансиска независност. Токму затоа, Банката не само што создава можности за професионален развој во институцијата, туку и активно вложува во идните генерации на жени лидери во економијата“, велат од Комерцијална банка.
Банки
Ангеловска-Бежоска: Финансиската вклученост на жените – клучен фактор за економски напредок

„Родовата нееднаквост е едно од светските прашања за кои мора постојано да се зборува и да се преземаат активности. Според истражувањата на Светската банка, иако во последната деценија има одреден напредок, родовиот јаз кај сопственоста на сметките во економиите во развој и натаму е значителен“, посочува гувернерката на Народната банка, Анита Ангеловска-Бежоска во интервју за веб-порталот „Пари.мк“. Во 2021 година, разликата во поседувањето платежни сметки меѓу мажите и жените на светско ниво се намалила на 6 процентни поени, но сè уште има поголема веројатност дека жените ќе располагаат со неактивни сметки и ќе имаат помал пристап до финансиски услуги.
Слична е состојбата и во нашата земја. Иако е забележано подобрување, родовиот јаз во пристапот до финансии сè уште постои. Според последните податоци, во 2021 година, 79,9% од жените и 90,6% од мажите во Северна Македонија поседувале платежна сметка. Овој родов јаз од 10,7 процентни поени е значително поголем од просекот во Европа и Централна Азија, каде што изнесува 3,2 процентни поена.
„Овие податоци не се само статистика – тие се јасен показател дека е неопходно да се преземат натамошни мерки за подобрување на финансиската вклученост на жените. Пристапот до финансии е од големо значење за нивната економска независност, подобро управување со личните и семејните финансии, како и за создавање посигурна иднина“, истакна гувернерката на Народната банка, Анита Ангеловска-Бежоска.
Пристапот до финансиски услуги создава можности за претприемаштво, инвестирање и активно учество во економијата. Достапноста до банкарски услуги, кредити и штедење придонесува за намалување на економските разлики и создавање подобри услови за живот на жените и нивните заедници. Исто така, родовата рамноправност во финансискиот сектор носи придобивки како за жените, така и за општеството во целост, преку поттикнување на економскиот раст и напредок.
„За да се надмине овој предизвик, треба да се направат промени во корпоративните политики, да се зголеми заложбата за финансиско образование и да се поттикне поголема застапеност на жените во лидерски улоги. Жените сè повеќе го освојуваат финансискиот свет, но за вистинска еднаквост е неопходно системско справување со препреките поради кои долги години биле на маргините“, додаде гувернерката Ангеловска-Бежоска.
Народната банка и натаму ќе се залага за политиките што ќе придонесат кон унапредување на финансиската вклученост на жените, како дел од пошироките напори за создавање одржлив и инклузивен економски развој.
- Банкипред 1 месец
Комерцијална банка: Исплатата на пензиите за јануари започнува на 31 јануари
- Банкипред 2 месеци
Даниела Ѓоршевска нов член на Управниот одбор на Стопанска банка а.д. Битола
- Банкипред 1 месец
КОМЕРЦИЈАЛНА БАНКА ЈА ЗГОЛЕМИ ДОБИВКАТА ЗА НЕВЕРОЈАТНИ 40% – во 2024 година оствари добивка од рекордни 80,7 милиони евра!
- Банкипред 1 месец
Халкбанк АД Скопје: Јануарските пензии се веќе исплатени!
- Банкипред 1 месец
Добивката на ТТК Банка порасна за 2,9% и дојде до 1,76 милиони евра во 2024 година
- Банкипред 1 месец
Комерцијална банка ќе подели бруто дивиденда од 1.250 денари по акција за 2024 година!?
- Анализипред 1 месец
Наглиот пад на Nvidia: Дали конкуренцијата од Кина ја загрозува технолошката доминација?
- Банкипред 1 месец
Европската централна банка за разлика од ФЕД одлучи да намали три клучни каматни стапки