Банки
Двајца уметници од регионот победници на НЛБ Муза, повикот на НЛБ Групацијата за интермедијална уметност

Помеѓу 15 февруари и 21 март 2024 година уметници помлади од 35 години од Словенија, Хрватска, Босна и Херцеговина, Србија, Црна Гора, Македонија и Косово имаа можност да се пријават на меѓународниот јавен повик за интермедијална уметност на НЛБ Групацијата, наречен „На раскрсница“. Свои уметнички дела доставија 83 уметници од сите пазари каде што работи НЛБ Групацијата, а меѓународното стручно жири избра дела на двајца уметници од регионот, кои ќе бидат изложени на отворањето на изложбата во новата галерија „Банкариум“ во центарот на Љубљана, на почетокот на следната година.
На повикот се бараа уметнички дела што одговараат на концептот на уметничката колекција на ЈИЕ, која ги претставува различните култури, идентитети и сеќавања кои со текот на времето ја обликувале заедничка историја во регионот. Колекцијата има за цел да го подобри разбирањето и знаењето за различните културни и општествени средини, да промовира толеранција и различност, а во исто време да раѓа нови одржливи идеи и акции со различни изрази на современата уметност.
Автор на прво-избраното уметничко дело со наслов „Од присуство до сеќавање и назад“ е Аријана Кадиќ од Црна Гора. Станува збор за уметнички перформанс во кој уметникот користи наследен тепих како централен елемент, кој делува како портал што ја поврзува со нејзините предци, како мост помеѓу сегашноста и вечноста. Автори на второто уметничко дело, се Далеа Ковачец и Марко Дамиш од Словенија со нивната интерактивна инсталација насловена „Од раѓање до бајт: генеративен животен пејсаж“. Станува збор за инсталација која користи камери, екрани и огледала за да прикаже разновидна палета на лични, директни наративи на социјалните мрежи, прикажувајќи го широкиот спектар на човечкиот живот од раѓање до смрт.

Меѓународното стручно жири на конкурсот во состав: Тевж Логар – независен кустос, уредник и писател, претседател на Уметничкиот совет на НЛБ, Мира Гаќина – историчар на уметност и критичар, кустос, член на Уметничкиот совет на НЛБ, Ана Херман – проект менаџер за комуникации во НЛБ и Матко Миоч – директор на НЛБ Културно наследство го аргументираше изборот на делата:
„Решивме да ја поканиме уметницата Аријана Кадиќ да изложи во нашата галерија поради личната наративност на уметникот. Нејзината приказна е длабока и автентична, рефлектирајќи вистинско човечко искуство што може да зборува за пошироката публика и да создаде силна емотивна врска. Од друга страна, работата на Далеа Ковачец и Марко Дамиш е елоквентна и многу актуелна. Оваа способност овозможува директна интеракција помеѓу уметничкото дело и гледачот, создавајќи динамично искуство кое постојано се менува и се прилагодува според сегашните податоци и околности“.
Инаку, Групацијата НЛБ не е само водечка банкарска и финансиска групација со седиште и ексклузивен стратешки интерес во Југоисточна Европа, туку и важен поддржувач и покровител на регионалната култура и уметност. НЛБ МУЗА, програмата за културно наследство на НЛБ се состои од уметнички и музејски збирки, како и музеи и галерии на НЛБ Групацијата. Колекцијата SEE Art, која е основана во јануари 2023 година, е дел од програмата на НЛБ МУЗА. Со нарачка, купување, презентирање и промовирање на современата уметност, НЛБ Групацијата станува нејзин главен поддржувач и партнер во Југоисточна Европа. Во оваа прилика, НЛБ Групацијата упатува благодарност до сите уметници кои учествуваа на повикот, како и на стручното жири за нивната посветена работа.
Банки
Одржана редовна седница на Извршниот одбор за монетарната политика – Каматните стапки на благајничките записи и на расположливите депозити остануваат непроменети

На 11 март 2025 година се одржа редовна седница на Извршниот одбор за поставеноста на монетарната политика на Народната банка, на која беа разгледани најновите податоци и информации за светската и за домашната економија и најновите случувања на меѓународните и на домашните финансиски пазари во контекст на поставеноста на монетарната политика.
На седницата беше оценето дека тековната поставеност на монетарната политика е соодветна на условите во економијата, но и на ризиците, коишто и натаму постојат и се нагласени. Следствено, на седницата беше одлучено каматната стапка на благајничките записи да остане на нивото од 5,35%, а каматните стапки на депозитите преку ноќ и на 7 дена на нивоата од 3,95% и 4%, соодветно.Непроменета е и понудата на благајничките записи на редовната аукција и изнесува 10 милијарди денари. Со ваквата одлука се задржува внимателниот карактер на монетарната политика. И натаму се очекува дека нивото на каматните стапки, заедно со досегашните промени кај задолжителната резерва и преземените макропрудентни мерки ќе придонесат за ценовна стабилност на среден рок и за стабилноста на девизниот курс на денарот во однос на еврото.
Во услови на стабилен девизен пазар, главниот акцент при носењето на одлуката беше ставен на остварувањата кај инфлацијата и на ризиците поврзани со надворешното окружување и со домашните фактори што влијаат на агрегатната побарувачка. Во услови на нестабилен геополитички амбиент и воведување протекционистички мерки, забележлива е и зголемена променливост на пазарите на примарни производи.
Просечната инфлација, во периодот јануари − февруари 2025 година, изнесува 5%, при пониска споредбена основа од истиот период од претходната година, но и при натамошен умерен раст на дел од ценовните категории на месечна основа. Месечната динамика на инфлацијата од почетокот на годината главно произлегува од цените на храната и енергетската компонента, додека базичната инфлација има неутрален придонес.Воедно, и годишната динамика на базичната инфлација е релативно стабилна, при што во февруари беше забележано и одредено забавување. Во однос на инфлациските очекувања, во рамките на февруарските анкети на Европската комисија за очекувањата на потрошувачите преовладуваат очекувања за посилно намалување на цените во следниот период. Последните проекции за берзанските цени на примарните производи за следниот период се променети претежно во нагорна насока, што упатува на ризици и потреба за внимателност.
Состојбата на девизниот пазар е стабилна и движењата се поволни. Нивото на девизните резерви, на крајот на февруари, изнесува 4.861,3 милиони евра, што е соодветно за одржување на стабилноста на курсот на домашната валута. Промената кај девизните резерви од почетокот на годината е близу до очекувањата за првиот квартал на 2025 година. Во однос на последните расположливи податоци од надворешниот сектор, трговскиот дефицит во јануари 2025 година засега е малку понизок во споредба со очекувањата за првиот квартал од октомврискиот циклус проекции. Остварувањата на менувачкиот пазар заклучно со февруари 2025 година упатуваат на поумерени нето-приливи од приватните трансфери, во споредба со проекциите за првиот квартал. Остварениот дефицит во тековната сметка на билансот на плаќања во четвртиот квартал од 2024 година е незначително повисок од очекувањата во согласност со октомвриската проекција, при истовремено повисоки остварени нето финансиски приливи во однос на очекувањата, особено кај директните инвестиции.
Во однос на политиката на Европската централна банка (ЕЦБ), на последната седница во март беше донесена одлука за намалување на каматните стапки за по 0,25 п.п., под влијание на согледувањата за движењето на инфлацијата и силината на преносот на монетарните сигнали во еврозоната.
Економскиот раст, во последниот квартал на 2024 година, благо забрза и достигна 3,2%, што е речиси идентично со проекциите на Народната банка. Просечниот раст остварен за целата 2024 година изнесува 2,8% и е повисок од очекувањата, при нагорни ревизии во податоците за првата половина на годината. Расположливите високофреквентни податоци за првиот квартал од 2025 година во моментов се ограничени за попрецизни согледувања. Во однос на ризиците за растот во следниот период, тие и натаму постојат и се поврзани пред сѐ со случувањата во надворешното окружување, но и со брзината и обемот на остварување на домашните инфраструктурни проекти.
Во монетарниот сектор, депозитите и кредитите бележат солидни стапки на раст, коишто и натаму се повисоки од очекувањата за првиот квартал од годината, укажувајќи на поголема кредитна поддршка на економијата од очекувањата.
Општо земено, последните остварувања кај клучните макроекономски показатели, како и согледувањата во однос на нивната идна патека, наметнуваат натамошно внимателно водење на монетарната политика. Ризиците поврзани со надворешното окружување и натаму постојат и добиваат на интензитет, додека внимателно се следат и домашните фактори коишто можат да влијаат врз побарувачката и ценовната динамика во наредниот период. Оттука, водењето внимателни макроекономски политики ќе биде приоритет и во иднина. Народната банка и натаму е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс на денарот во однос на еврото и ценовната стабилност на среден рок.
Банки
Силк Роуд Банка со нова, модерно уредена експозитура во Автокоманда

Силк Роуд Банка АД Скопје ја отвори својата нова, современо уредена експозитура во Автокоманда, со цел да овозможи подобро корисничко искуство и поголема удобност при користење на банкарските услуги.
Новата експозитура се наоѓа на ул. Јани Лукровски бр. 8, 1000 Скопје и е отворена за клиентите секој работен ден, од понеделник до петок, од 08:30 до 16:30 часот.
Модерен простор за подобрено корисничко искуство
Со оваа релокација, Силк Роуд Банка продолжува да инвестира во подобрување на условите за своите клиенти, создавајќи модерен и функционален простор кој нуди брза и ефикасна услуга, подобрена достапност и персонализиран пристап.
Новата експозитура е дизајнирана според највисоките банкарски стандарди, овозможувајќи комфор, сигурност и врвен квалитет на услуга. Просторот е уреден за да обезбеди пријатна и професионална атмосфера при извршување на банкарските активности, со посебен акцент на дискретноста при консултации со банкарските советници.

Целосен спектар на банкарски услуги
Клиентите во новата експозитура ќе имаат пристап до широк опсег на банкарски производи и услуги – од услуги за население и правни лица, до кредитни и депозитни производи, како и дигитални решенија што овозможуваат побрз и поедноставен пристап до финансиските средства.
Со оваа иницијатива, Силк Роуд Банка ја потврдува својата посветеност кон континуирано унапредување на корисничкото искуство, прилагодување кон потребите на клиентите и обезбедување на високо ниво на банкарски услуги.
Посетете ја новата експозитура во Автокоманда или контактирајте го тимот на Силк Роуд Банка за повеќе информации.
Банки
Повисоки лимити со мобилната апликација мБанкаКо на Комерцијална банка за зголемени можности за компаниите

Следејќи ги потребите на современиот бизнис, Комерцијална банка обезбеди зголемени лимити за вршење ПП30 трансакции преку мобилната апликација мБанкаКо за правни лица.
Современото работење бара брзина, сигурност и финансиска флексибилност, што беше причина Комерцијална банка да воведе зголемени лимити за вршење трансакции преку мБанкаКо за правни лица, овозможувајќи полесно и поефикасно управување со средствата од страна на компаниите.
Нов лимит за плаќање преку мБанкаКо апликацијата:
- Лимит по налог 1.000.000 денари
- Дневен лимит 10.000.000 денари
Новитетите во дигиталното банкарство на Комерцијална банка за бизнисот значат поголема финансиска слобода без дополнителни административни процедури, подобра ликвидност со плаќања без доцнење поради лимити, ефикасно управување со средствата без потреба од чести трансфери, безбедност и контрола со напредни алатки за поставување интерни лимити согласно потребите.
Оваа услуга е дизајнирана да ги поддржи компаниите во нивниот раст и развој, овозможувајќи брзи, сигурни и поедноставни финансиски трансакции.
Дознајте повеќе на следниот линк https://www.kb.mk/pravni.nspx
- Банкипред 1 месец
Комерцијална банка: Исплатата на пензиите за јануари започнува на 31 јануари
- Банкипред 2 месеци
Даниела Ѓоршевска нов член на Управниот одбор на Стопанска банка а.д. Битола
- Банкипред 1 месец
КОМЕРЦИЈАЛНА БАНКА ЈА ЗГОЛЕМИ ДОБИВКАТА ЗА НЕВЕРОЈАТНИ 40% – во 2024 година оствари добивка од рекордни 80,7 милиони евра!
- Банкипред 1 месец
Халкбанк АД Скопје: Јануарските пензии се веќе исплатени!
- Банкипред 1 месец
Добивката на ТТК Банка порасна за 2,9% и дојде до 1,76 милиони евра во 2024 година
- Банкипред 1 месец
Комерцијална банка ќе подели бруто дивиденда од 1.250 денари по акција за 2024 година!?
- Анализипред 1 месец
Наглиот пад на Nvidia: Дали конкуренцијата од Кина ја загрозува технолошката доминација?
- Банкипред 1 месец
Европската централна банка за разлика од ФЕД одлучи да намали три клучни каматни стапки