Connect with us
no baners

Банки

„Емоцијата има своја боја“ – нов проект на Халкбанк за едукација на најмладите

Објавено

пред 2 години

на

no baners

Халкбанк започнува нова активност за поддршка, едукација и забава на најмладите. „Емоцијата има своја боја“ е проект во кој преку видео приказни ќе се едуцираат децата како да ги препознаваат и изразуваат емоциите и да ги поврзуваат со одредени бои.
Станува збор за серија видеа во кои покрај штедливото слонче Халки, главен лик ќе биде Елиза, млада наградувана пијанистка и актерка. Елиза, исто како и Халки, многу сака да се дружи со пријателите, да глуми, да патува и да открива нови светови. Секое видео и текст ќе бидат внимателно креирани за да ги забавуваат и едуцираат најмладите. Во првите видео приказни во месец февруари, Елиза зборува за бојата на љубовта.

Преку проектот „Емоцијата има своја боја“, целта е да се поддржат родителите и воспитувачите да бидат подобри учители на децата, и да им помогнат да ги разберат своите емоции и подобро да се справат со нив. Во реализацијата на проектот е вклучена и м-р Катерина Димова, специјален едукатор и рехабилитатор, семеен системски советник, основач на Неуроклиник – Советувалиште за здрав раст и развој, ментално здравје, рана детекција, интервенција и стимулација на деца, адолесценти и возрасни.

„Важноста на валидизирањето на детските емоции е од огромно значење. За жал, ние често се фокусираме на однесувањето и дисциплината без да обрнуваме внимание на емоционалниот аспект. Во пракса и низ секојдневни примери се покажува дека е потребно да има емпатија, сослушување и именување на емоциите од страна на родителите за да се постигне валидизација на емоциите кај детето. Неприфаќањето на детските емоции може да ги натера децата да ги потиснат, што може да предизвика негативни последици. Затоа, важно е да им се дозволи на децата да ги изразат своите емоции и да се охрабруваат да го прават тоа“, објаснува Димова.

Халкбанк, како дел од својата политика за општествена одговорност, постојано спроведува различни активности за забава, едукација и дружење на најмалдите.

„Позитивните коментари за нашите активности во чиј фокус се токму децата се мотив повеќе да продолжиме со нови и иновативни пристапи за поддршка на детскиот развој. Сметаме дека денес е важно сите заедно да работиме на поттикнување на емоционалната интелигенција, социјализацијата и креативниот потенцијал на најмладите членови на општеството. Со видео приказните „Елиза раскажува“ заедно со креативните активности за различни бои и емоции, верувам дека ќе им овозможиме на децата да ги разберат и изразат своите емоции на посебен и креативен начин“, вели Маја Наумовска Савеска, директор на корпоративни и маркетинг комуникации во Халкбанк.

Следниот месец, емоција во фокус ќе биде емпатијата, претставена преку жолтата боја, што се насочува кон развивање на способноста на децата да разбираат и да се постават во положба на другите. Секој месец, една специфична емоција ќе се истражува и поврзува со одредена боја, со цел да им се помогне на децата полесно да ги научат и разбираат емоциите.

Слични Теми:

Банки

По повод Светскиот ден на штедењето – награди за најдобрите банкарски службеници

Објавено

пред 2 дена

на

Македонската банкарска асоцијација традиционално ги препознава и наградува најдобрите вработени во банкарскиот сектор.

Овој настан ја истакнува посветеноста, професионалноста и извонредните резултати на службениците кои го зголемуваат квалитетот на услугата и ја градат довербата на клиентите.

Преку ова признание, се промовира одговорното штедење и мотивира другите вработени да се стремат кон највисоки стандарди во работењето.

Главните цели на настанот се:

Поттикнување на професионалноста и посветеноста – наградените службеници се признаени за својот извонреден придонес во работењето и за квалитетната услуга кон клиентите.

Препознавање на успехот во банкарскиот сектор – наградите се доделуваат од страна на Македонската банкарска асоцијација (МБА) како дел од годишната традиција за идентификување на врвни професионалци.

Промоција на одговорното штедење – преку наградување на посветените вработени, се нагласува значењето на финансиската дисциплина, довербата во банките и правилното управување со средства.

Мотивација за другите вработени – настанот ја нагласува важноста од континуирано усовршување, иновативност и високи стандарди во работењето.

Ова големо признание во 2025 година го добија:

1. Комерцијална банка АД Скопје

  • Дијана Мушовска
  • Ангела Ивановска
  • Цвета Јосифовска

2. Стопанска банка АД Скопје

  • Иванова Сања
  • Оџакова Верица
  • Петровска Викторија

3. НЛБ банка АД Скопје

  • Катерина Крстевска 
  • Милица Славковска
  • Марија Томевска

4. Шпаркасе банка Македонија АД Скопје

  • Анита Таневска
  • Јована Трпеска
  • Александар Богоевски

5. Халк банка АД Скопје

  • Халук Џафер
  • Симона Трајковска
  • Амра Салијовска

6. Прокредит банка АД Скопје

  • Панче Петрески 
  • Џемиљ Шефки

7. Универзална инвестициона банка АД Скопје

  • Наталија Стојменовиќ 
  • Даниела Стојановска

8. Развојна банка на Република Северна Македонија АД Скопје

  • Надица Павличковска
  • Габриела Димитриевска

9. Стопанска банка АД Битола

  • Бранкица Дамевска

10. Централна кооперативна банка АД Скопје

  • Зорица Шаламанова 

11. ТТК банка АД Битола

  • Ѓорѓи Атанасовски

12. Силк Роуд банка АД Скопје

  • Александар Божиќ

13. Капитал банка АД Скопје

  • Сашо Јовановски

14. Штедилница ФУЛМ ДОО Скопје

  • Атанас Манушев

15. Штедилница Можности ДОО Скопје

  • Ирена Вурмеска Боцевска

16. Клириншка куќа КИБС АД Скопје

  • Марија Манасова
  • Виктор Петрески

17. Македонско кредитно биро АД Скопје

  • Елена Поповска

Ова е настан кој се повторува секоја година за препознавање на квалитет и извонредни резултати, кој ја поврзува професионалната афирмација со промоција на финансиската култура и довербата на клиентите.

Продолжи со читање

Банки

Ѓорѓи Атанасовски е најдобриот банкарски службеник од ТТК Банка за 2025 година

Објавено

пред 2 дена

на

На настанот по повод Светскиот ден на штедењето, кој се одржа на 31.10.2025 година, во организација на Македонската банкарска асоцијација во соработка со Фондот за осигурување на депозити, беа избрани најдобрите банкарски службеници со постигнати особени резултати во нивната работа.

Со големо задоволство, ТТК Банка АД Скопје оваа година го номинираше Ѓорѓи Атанасовски, соработник во одделот за позадински обработки на ПП и средства и ликвидност, за најдобар банкарски службеник.

“Горди сме на нашиот колега Ѓорѓи Атанасовски за професионалноста, посветеноста и придонесот во работата. Честитки колега за ова заслужено признание! ТТК Банка АД Скопје останува посветена на развојот на потенцијалот на своите вработени, поттикнувајќи иновации и одржливи резултати во сите сегменти на работењето.” – велат од Банката.

Продолжи со читање

Банки

Јубилејни награди за 18 вработени за долгогодишна посветеност и успех во Комерцијална банка

Објавено

пред 3 дена

на

Комерцијална банка традиционално го одбележа Денот на штедењето и со доделување признанија и парични награди на 18 вработени, кои со години придонесуваат за развојот и успехот на Банката.

Наградените вработени оваа година одбележуваат 15 и 30 години работа во Комерцијална банка и се вистинска инспирација за новите генерации што ја градат својата кариера во Банката.

Тие заедно со целиот тим на Комерцијална банка секојдневно се посветени на потребите на клиентите, го движат напред развојот на Банката и го создаваат нејзиниот успех.

На сите наградени, Комерцијална банка им упатува благодарност за долгогодишната посветеност, професионализам и лојалност, со желба за уште многу заеднички достигнувања и нови успеси.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange