Connect with us

Домашни банки

Комерцијална банка прогласена за „Банка на годината во 2023“ од магазинот The Banker

Објавено

пред 5 месеци

на

Комерцијална банка АД Скопје е прогласена за „Банка на годината во 2023 година во Република Северна Македонија“ од угледниот финансиски магазин The Banker. Оваа престижна награда и е доделена на Комерцијална банка по јубилеен 10-ти пат.

Наградата е признание за силните финансиски перформанси што ги испорача Комерцијална банка, а кои се резултат на тоа што во актуелните економски услови Банката ги претвори предизвиците во можности за развој и стабилна поддршка на клиентите. The Banker оваа година низ целиот свет ги препозна банките кои одиграа клучна улога во развојот на нови производи и бизниси за клиентите преку издигнување над предизвиците на индустријата и развој на иницијативи со кои финансиските сервиси ги доближија до многу повеќе луѓе.

Комерцијална банка е особено горда што наградата „Банка на годината за 2023“ ја добива по 10. пат, но и затоа што со оваа награда ја заокружува годината во која на клиентите им понуди врвни производи и услуги кои за нив значат модерно банкарство на едноставен и ефикасен начин.

Главниот финансов директор и член на Управниот одбор, д-р Маја Стевкова Штериева, во своето обраќање во магазинот The Banker по повод наградата изрази голема благодарност што стручната комисија го препозна целокупниот придонес на Комерцијална банка за македонската економија.

„Горди сме и веруваме дека ова признание е потврда на посветеноста на Комерцијална банка на зголемените и комплексни потреби на клиентите во овие турбулентни времиња. Компаниите и граѓаните се соочуваат со ранлива економија, инфлаторни притисоци и геополитички тензии, а нашата континуирана поддршка им обезбедува средства за поуспешно да се справат со овие предизвици. Комерцијална банка, како најголема во земјава, но и како лидер во иновативните финансиски процеси во 2023, им обезбеди на клиентите бројни поволности, како и дигитални услуги и алатки прилагодени на нивната сегашна и идна финансиска благосостојба. Остануваме посветени на обезбедување извонредни решенија за клиентите, но и на придонесот во општеството, истовремено фокусирајќи се на потребите на нашите акционери и на напредокот на Банката“, истакна д-р Стевкова Штериева.

Наградата „Банка на годината“ е стандард за извонредност во банкарската индустрија, а се доделува на банки во повеќе од 120 земји низ светот врз основа на клучниот критериум – подобрувања и новитети реализирани во тековната година.

Комерцијална банка ја завршува 2023 година со многу реализирани цели, пресликани во бројни иновативни и ефикасни производи и услуги, истакната корпоративна филантропија и придонес за подобро општество и во силни финансисики резултати. Но, и со силна агенда за наредната година, која сигурно ќе донесе уште многу нови предизвици, кои веруваме дека ќе ги претвориме во нови можности.

Слични Теми:

Домашни банки

Стопанска банка АД Скопје со зголемена добивка за 17% во првиот квартал на 2024 година

Објавено

пред 1 недела

на

Стопанска банка АД Скопје во првиот квартал од 2024 година продолжи со остварување солидни резултати и висока профитабилност.

Добивката пред оданочување и резервации во анализираниот период изнесува 1.345.050 илјади денари, што е 17 % повеќе споредено со претходната година. Задржувајќи го високо прудентниот пристап во однос на управување со квалитетот на кредитното портфолио, во истиот период Банката издвои исправка на вредност на финансиските средства и посебна резерва за вонбилансна изложеност, на нето-основа, во износ од 387.330 илјади денари. Со тоа, добивката на Банката пред оданочување на 31.03.2024 година изнесува 957.720 илјади денари и во однос на истиот период од минатата година е повисока за 23 %. Во најголем дел, ова е резултат на зголемените приходи по сите основи поради зголемувањето на обемот на деловните активности.

Нето-приходите од камати изнесуваат 1.565.359 илјади денари и се зголемени за 21% во однос на истиот период од минатата година, како резултат на кредитните активности и вложувањето на вишокот ликвидни средства во првокласни инструменти.

Нето-приходите од провизии и надоместоци изнесуваат 213.431 илјади денари и се зголемени за 3% во однос на анализираниот период во 2023 година, што се должи на зголемен обем на активности, односно зголемен обем на испорачани услуги на клиентите, од кои најмногу во делот на услугите во платниот промет и картичното работење.

Вкупната актива на Банката во анализираниот период изнесува 129.303.255 илјади денари.

Капиталот и резервите изнесуваат 26.626.451 илјади денари, што претставува зголемување за 3% во однос на крајот на 2023 година. Дополнително, Банката пренамени износ од 2.460.000 илјади денари од задржаната добивка од претходни години во добивка ограничена за распределба на акционерите во иднина, со што се зголемија сопствените средства и стапката на адекватност на капиталот, која на 31.03.2024 година изнесува 19%.

Во следниот период се очекува продолжување на деловните активности во согласност со дефинираниот деловен план на Банката со целосна ориентираност кон поддршка на клиентите, прудентно управување со ризиците и одржување на високата стабилност, сигурност и ефикасност во сите сегменти од нејзиното работење. Исто така, Банката продолжува со реализација на започнатите проекти, пред сè, во делот на дигитализацијата, како и подготовка на понуда на нови услуги. Секако, фокусот останува на редовното и ефикасно извршување на основните деловни активности, одржување на лидерското пазарно учество од околу 27% во сегментот на кредитирање на населението, со фокус за натамошно зголемување на пазарното учество во делот на кредитирање на компаниите.

Оваа година Стопанска банка прославува 80 години од основањето и следствено целиот натамошен период ќе биде исполнет со многубројни новитети и изненадувања на задоволство на нашите клиенти и соработници, но и на пошироката заедница.

Продолжи со читање

Домашни банки

Филијалите и експозитурите на Комерцијална банка нема да работат на 1 мај 2024 година

Објавено

пред 1 недела

на

Филијалите и експозитурите на Комерцијална банка АД Скопје нема да работат на 1 мај (среда) поради прослава на 1 Мај – Денот на трудот.

“Ги известуваме нашите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка“, велат од Комерцијална банка.

За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид.

Продолжи со читање

Домашни банки

Комерцијална банка: Во тек е исплатата на пензиите за месец април

Објавено

пред 1 недела

на

Комерцијална банка АД Скопје започна со исплата на пензиите за април од денес (вторник – 30.04.2024 година).

Пензионерите кои имаат активна дебитна картичка со својата пензија може да располагаат од денес – вторник 30.04.2024 година, и ќе може да ја подигнат на банкомат или да ја користат за безготовинско плаќање низ трговската мрежа.

Пензионерите кои не користат дебитна картичка, пензијата од 30.04.2024 година ќе може да ја подигнат во експозитурите и филијалите на Банката.

Повеќе филијали и експозитури на Комерцијална банка им овозможуваат на клиентите трансакции преку шалтер до 17 часот, со што бројни шалтери им се достапни со најдолго работно време на пазарот од понеделник до петок. А, секако и во сабота, кога филијалите на Банката низ целата земја и повеќе експозитури во Скопје работат од 9 до 12 часот, додека експозитурата во East Gate mall, пак, е отворена до 14 часот.

Продолжи со читање

Популарно