Банки
Халкбанк ја воведе можноста за ажурирање на личните податоци преку мобилен телефон, со користење на апликацијата OneID
Ажурирањето на личните податоци како обврска која мора да се направи на секои две години, или порано, во случај да постои промена во податоците или при обновен документ за лична идентификација, клиентите на Халкбанк АД Скопје сега веќе може да ја исполнат и без посета на филијала на банката. Банката, меѓу првите на пазарот им овозможи на клиентите ажурирањето да го извршат електронски, од својот мобилен телефон преку апликацијата OneID.
Во духот на денешните дигитални трендови и како банка која е лидер во креирањето и понудата на услуги базирани на новите технологии, Халкбанк од неодамна ја воведе новата функционалност – електронско ажурирање на податоците. Истото се прави преку симнување на апликацијата за електронска идентификација и дигитално потпишување OneID од AppStore, Play Store или App Gallery. Со нејзино симнување на паметниот телефон, самата апликација ве насочува кон следните чекори што треба да се направат. Односно, треба да се изврши регистрација со внесување име, презиме, e-mail адреса и лозинка со што се активира вашиот OneID.
Следни чекори доколку сте корисник на iOS мобилен уред ќе бидат: Пристапување во делот Поставки (Settings) > Face ID &Passcode/Touch ID & Passcode и внесување отпечатокот од прстот или следење на насоките за идентификација на лице, како белези за потврдување на потеклото и интегритетот на податоци преку кои што може да се утврди вашиот идентитет, во зависност од опциите што ги поддржува вашиот уред.
Доколку сте корисник на Android мобилен уред: Пристапете во делот Поставки (Settings) > Biometrics & Security и во делот Fingerprints додадете го својот отпечаток од прст како начин на автентикација на мобилниот уред.
Потоа, за да извршите ажурирање на податоците треба да се најавете со OneID на https://portal.halkbank.mk. Со потврдувањето на условите, следен чекор е аплицирање, со што е завршено ажурирањето на вашите податоци брзо и едноставно.
Инаку, од креирањето на OneID сертификат, кој важи две години, во иднина секој може да има повеќекратна корист бидејќи истиот ќе служи како дигитален потпис при најразлични услуги и услови и истиот ќе биде достапен во секое време 24/7. Наскоро дигитално ќе се потпишуваат барања и договори за различни производи на банката без посета на шалтер.
Но, исто така OneID ќе биде средство за електронска идентификација и електронско потпишување пред најразлични компании кои нудат услуги. Нејзин креатор се клириншката куќа КИБС, како дел од платниот систем на земјата, и компанијата Некстсенс. Услугата е изработена и сертифицирана согласно европските стандарди и европската регулатива и согласно македонскиот Закон за електронски документи, електронска идентификација и доверливи услуги. OneID е дел од официјалните квалификувани шеми за електронска идентификација на Министерството за информатичко општество и администрација и обезбедува високо ниво на доверливост.
Банки
Среќен тим, успешен бизнис: Како Комерцијална банка гради позитивна работна средина?
На конференцијата „Среќен тим, успешен бизнис: Моќта на здрава работна средина“ во организација на М6 Едукативен центар, како панелист учествуваше д-р Маја Стевкова Штериева, Главен финансов директор и член на Управниот одбор на Комерцијална банка, која истакна дека создавањето здрава и среќна работна средина е клучно за успехот на секој бизнис. Таа сподели успешни практики од Комерцијална банка кои допринесуваат за создавање на силен КБ тим, нагласувајќи дека задоволството на вработените е важен приоритет.
Д-р Стевкова Штериева посочи дека работата во банка е динамична и бара постојано усовршување на вработените преку специјализирани обуки и притоа додаде дека со воведувањето на кариерни интервјуа, Комерцијална банка им дава можност на вработените да ги изразат своите мислења и потреби, со што го подобрува квалитетот на работната средина.
„Работењето во банка е динамично и бара стекнување нови вештини и знаење. Затоа вработените во Комерцијална банка постојано се усовршуваат со специјалистички обуки, но и со обуки за soft skills и за специфични области, како што е ЕСГ, кое бара усогласување на работењето до последната клетка во организацијата. Воведовме и кариерни интервјуа со цел вработените да ја кажат својата страна на нештата“, истакна д-р Маја Стевкова Штериева.
Генералната порака од панелистите на конференцијата беше дека среќата на вработените е еден од најголемите предизвици за секоја компанија, особено кога треба да се излезе во пресрет на навиките и потребите на вработените од Генерацијата Z.
Банки
Вицегувернерката Митреска: Очекуваме понатамошно намалување на инфлацијата следната година
„Инфлациските очекувања се поволни, a притисоците од глобалните цени на храната и енергентите се намалија, со што за наредната година Народната банка очекува натамошно забавување на просечната инфлација, сведувајќи се на 2,5%, а на среден рок на историските просеци од 2 отсто“. Ова го истакна вицегувернерката Ана Митреска на гостувањето во емисијата „Утрински брифинг“ на ТВ „Слободен печат“.
„Нашата последна оцена за инфлацијата за следната година е околу 2,5 проценти и таа се заснова врз претпоставки за умерен пад на цените на нафтата следната година, умерен раст на цените на храната на светско ниво, по нивниот пад изминатата година, како и некои домашни фактори коишто ги земаме предвид“, вели Митреска.
Добар сигнал е и тоа што инфлациските очекувања се поволни, односно потрошувачите веќе подолг период очекуваат намалување на цените. За сето ова значајна улога имаа и мерките што ги спроведе Народната банка. Сепак вицегувернерката Митреска нагласи дека ризиците коишто произлегуваат од глобалните случувања, растот на платите, како и растот на цените на услугите сѐ уште постојат.
„Во изминатиот период на неколку последователни кризи, она што го гледаме и низ Европа и кај нас е задржување на позитивните и релативно солидни профитни маржи, со умерен раст по одредени години и ова веројатно е една од причините поради кои некои ценовни категории сѐ уште не се приспособуваат надолу, па дури и кај дел од цените на храната“, посочи вицегувернерката Митреска и напомена дека позитивниот профит покрај тоа што може да делува врз нивото на цените, може и да го ублажи досегашниот раст на платите, но и евентуалните шокови со коишто може да се соочиме во следниот период.
Вицегувернерката Митреска напомена дека Народната банка и натаму претпазливо ќе ја води монетарната политика со примена на макропрудентни мерки, коишто дополнително ќе ја зајакнат финансиската стабилност.
„Во текот на кризите, не само што се задржа, туку и дополнително се зајакна отпорноста на банкарскиот систем, којшто во целиот овој период постојано обезбедува кредитна поддршка за економијата. Главниот параметар преку кој се утврдува стабилноста на системот секако е неговата капитализираност, којашто во моментов изнесува околу 19% и е повисока во однос на нивото пред пандемијата, но и стабилната и солидна ликвидност и добриот квалитет на кредитното портфолио“, истакна вицегувернерката Митреска.
Банки
Шпаркасе Банка доби нов член на Надзорниот одбор
Во согласност со член 158 од Законот за хартии од вредност, Шпаркасе Банка АД Скопје, како Акционерско друштво со посебни обврски за известување, го доставува следново тековно соопштение за спроведени промени во органите на Банката:
„По добивање на согласност од Гувернерот на Народната банка на Република Северна Македонија и упис на именувањето во Централниот Регистар на Република Северна Македонија, Габриела Шмол е нов член на Надзорниот одбор на Шпаркасе Банка АД Скопје со мандат од 4 години“, се вели во соопштението на Банката.
Со решенија на Гувернерот на Народната банка на Република Северна Македонија, постоечките членови на Надзорниот одбор на Шпаркасе Банка, Георг Бухер, Валбурга Зајдл, Славиша Којиќ, Глигор Бишев, Горан Петревски и Татјана Шишковска повторно се именувани за Членови на Надзорниот одбор на Шпаркасе Банка АД Скопје за период од 4 години.
Во моментов Надзорниот одбор на Шпаркасе Банка АД Скопје го сочинуваат:
- Д-р Георг Бухер – претседател
- Валбурга Зајдл – заменик претседател
- Славиша Којиќ – член
- Габриела Шмол – член
- Глигор Бишев – член
- Горан Петревски – независен член
- Татјана Шишковска – независен член
- Банкипред 2 месеци
Тројца кандидати во трка за испразнетото место во Управниот одбор на Стопанска банка АД – Скопје?
- Банкипред 3 недели
Катерина Велиновски, Катерина Митровска и Павлина Симиџиоска Тодороска се најдобрите банкарски службеници од Стопанска банка АД – Скопје за 2024 година
- Банкипред 3 недели
Марија Даниловска, Зоран Митрески и Дејан Георгиевски се најдобрите банкарски службеници од Комерцијална банка за 2024 година
- Колумнипред 1 месец
Интервју во банка: Вашиот таен рецепт за успех!
- Продуктипред 2 месеци
Станбен кредит од Комерцијална банка сега со пониска каматна стапка и без трошоци за одобрување и процена
- Банкипред 2 месеци
Стевчо Јолакоски и Игор Камбовски нови членови на Надзорниот одбор на Стопанска банка а.д. Битола
- Продуктипред 2 месеци
Комерцијална банка: Активирајте ја алатката мТокен како метод на засилена автентикација!
- Банкипред 2 месеци
ТТК Банка им оддаде почит на своите поранешни вработени, а сегашни пензионери