Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Лизинг ве охрабрува да се придружите на нивниот тим и заедно, секојдневно да ги живеете корпоративните вредности!

Шпаркасе Лизинг вработува Член на Управен одбор задолжен за управување со ризици и финансии.

Што ќе биде твојата улога:

• Учество во донесување одлуки и грижа за спроведување на деловната политика и плановите на ШПАРКАСЕ ЛИЗИНГ ДОО Скопје, со цел остварување на стратешките, оперативните и финансиските цели, дефинирани од страна на Надзорниот одбор и другите релевантни управни и надзорни органи и тела
• Одлично да ја познавате работата на Секторот за Финансии и Секторот за управување со ризиците
• Јасна визија за правецот на движење на ШПАРКАСЕ ЛИЗИНГ ДОО Скопје во делот на дигитализацијата и унапредување на ефикасноста
• Учество во изработка на програмски решенија и планови на активности за потребите на ШПАРКАСЕ ЛИЗИНГ ДОО Скопје
• Координира и учествува во изработка на стратешкиот план и го координира процесот на оперативно планирање и предвидување
• Управување и надзор на процесите поврзани со годишно буџетирање и учество во дефинирање и следење на стратешките цели (KPI’s)
• Се грижи за изработка, имплементација и примена на Риск политиките и процедурите во согласност со Групациските стандарди и законската регулатива
• Организира изработка на периодични и годишни сметки и се грижи за нивно навремено доставување
• Организира навремено доставување на интерните извештаи и екстерните извештаи до надлежните институции
• Активно учество во заедничките/групациските лизинг проекти, координација и известување
• Го координира процесот на обезбедување на податоци за екстерна и интерна ревизија на финансиските извештаи
• Врши контрола и мониторинг на планските остварувања на деловните линии и ги контролира изготвените анализи за работењето
• Дава предлози за поефикасно управување со активата и пасивата на Лизингот
• Воведување на АЛМ групациски стандарди и развој на Funds Transfer Pricing систем
• Го следи работењето на вработените и изготвува цели за систем за наградување
• Учество во процесот на утврдување на резервациите на месечна основа
• Планирање, буџетирање и форкаст на салдото на NPL, default rates, резервациите и исправката на вредност покриеноста на портфолиото со резервации, дистрибуцијата на кредитното портфолио, SRC, адекватноста на капиталот
• Пресметка на ризично пондерираната актива (RWA) дефинирање на методологија за пресметка на ризично пондерираната актива, мониторинг, известување и стрес-тестирање
• Го поттикнува тимскиот дух, соработката и развивање на лидерски вештини помеѓу клучните вработени
• Ги запознава вработените за насоките на деловната политика и се грижи за овозможување нивен развојот

Квалификации кои се потребни:

• Најмалку 5 години релевантно работно искуство во областа на управување со ризици и финансии и 3 години менаџерско искуство, ќе се смета за предност
• ВСС – Економски факултет
• Активно познавање на англиски јазик и MS Office
• Лидерски и менаџерски способности и изразени комуникациски вештини
• Енергичност, креативност, ентузијазам, способност за тимска работа, прифаќање на предизвиците и превземање на одговорност, иницијативност, доверливост, флексибилност и посветеност кон работата

Шпаркасе Лизинг Ве охрабрува да ја искористите оваа можност и да аплицирате на отворената позиција со испраќање на CV и мотивационо писмо на: [email protected], заклучно со 07.07.2023 со назнака „Член на Управен одбор во Шпаркасе Лизинг Доо Скопје“.

* Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

* Ве молиме за доставување на Ваша согласност Вашите податоци и поднесени документи да се чуваат во базата на податоци на Банката во период од 1 година, доколку сте согласни со тоа. Оваа согласност кандидатот може да ја повлече во секое време со писмено барање.

За дополнителни информации, посетете ја страницата www.s-leasing.mk.