Халкбанк АД Скопје продолжува да ги поставува стандардите во домашниот банкарски сектор со својата дигитална трансформација. Најновата иновација, можноста за онлајн отворање платежна сметка и електронскобанкарство значи чекор поблиску до концептот на комплетна дигитална банка, каде што клиентите можат да пристапат до целосната понуда на банкарски услуги од каде било и во секое време.

Од денеска, сите заинтересирани граѓани резиденти може да отворат платежна сметка и да станат корисници на електронско и мобилно банкарство без физичко присуство во филијала. Постапката е едноставна, брза и целосно безбедна, преку OneID – националниот систем за електронска идентификација, корисникот се најавува, а потоа се пренасочува до апликацијата за отворање платежна сметка и електронско банкарство. Дел од личните податоци автоматски се внесуваат, а договорите се потпишуваат електронски. По завршување на процесот, клиентот добива ЛИБ код за активирање на електронското банкарство.

Со ова, Халкбанк овозможува целосен дигитален пристап до своите услуги. Откако ќе отворите сметка, можете веднаш да аплицирате за дебитна или кредитна платежна картичка, дозволено пречекорување, кредитни производи и депозити, сè преку електронско банкарство.

Со воведување на вакви функционалности, Халкбанк ја потврдува својата посветеност кон унапредување на клиентското искуство и градење на модерна, технолошки напредна и достапна банка. Притоа, сите дигитални решенија се надополнување, а не замена за постојната банкарска инфраструктура – филијалите и понатаму остануваат на располагање за сите кои имаат потреба од физичка поддршка или консултација.

Започнете го своето дигитално банкарско искуство со Халкбанк уште денеска, брзо, сигурно и целосно онлајн.

Комерцијална банка со задоволство ја претставува новата мБанка, која го носи мобилното банкарство на повисоко ниво. Новата мБанка е наменета за клиентите кои очекуваат ефикасност, леснотија и достапност, секогаш и секаде.

Таа е одговор на современиот начин на живеење, кога времето е драгоцено, а флексибилноста привилегија. Доаѓа со современ, интуитивен и минималистички дизајн, брза и едноставна навигација, подобрени и поефикасни функционалности.

Новата мБанка ти овозможува:

• 24/7 контрола и пристап до сите твои банкарски производи,

• Брзи плаќања и преноси со шаблони, Плати на пријател, Подели сметка и новитетот Visa Direct,

• Бесплатни известувања за приливи и одливи,

• Лесна контрола и пристап до твоите платежни картички,

• До 80 % пониски надоместоци за платежни трансакции отколку на шалтер,

• Опција за целосно дигитален потрошувачки кредит до 1.000.000 денари преку OneID.

Новата мБанка постепено ќе станува достапна и очекувај наскоро твојот уред да преземе најнова верзија од апликацијата.

Со ова современо и технолошки напредно дигитално решение, Комерцијална банка уште еднаш потврдува дека инвестира во иднината на банкарството. 

„Банкарството го правиме дигитално, достапно и прилагодено на навиките и очекувањата на нашите клиенти затоа што веруваме дека модерното банкарство треба да биде во функција на секојдневните потреби и секогаш при рака. Новата мБанка е резултат на таа визија. Создадена е да понуди доверлива, брза и кориснички ориентирана услуга, со која клиентите ќе добијат уште поголема слобода и контрола во управувањето со своите лични финансии“, изјави Никола Џамбазовски, Главен директор за продажба и развој и член на Управниот одбор на Комерцијална банка.

Нов изглед, ново искуство и нови можности – сè е тука со новата мБанка, изработена во соработка со домашната компанија Некстсенс.

Повеќе информации за новата мБанка се достапни на следниот линк.

Во време на брзи промени, економски предизвици и зголемена потреба за финансиска стабилност, сè повеќе граѓани ги практикуваат навиките за штедење. Штедењето денес не значи само чување средства на страна, тоа е стратегија и начин да се обезбеди сигурност за подобро утре.

Халкбанк, како банка која со години вложува во довербата на граѓаните, нуди штедни производи кои ги следат различните животни ситуации и потреби – од флексибилни решенија за оние кои сакаат слобода, до стабилни депозити за оние кои имаат долгорочни планови.

Пет различни модели на штедење со една заедничка цел: финансиска сигурност

Онлајн депозит – за дигиталните штедачи

Овој производ е идеален за сите кои сакаат брзина, ефикасност и потполна контрола од дома. Онлајн депозитот може да се отвори преку електронското банкарство на Халкбанк, без посета на филијала. Со минимален влог од само 3.000 денари, добивате можност за фиксна каматна стапка и можност за избор на рок на орочување (од 3 до 36 месеци). Каматата се пресметува на крајот од рокот, а сè е целосно безбедно со електронски потпис. Овој депозит штеди за вас – додека вие се посветувате на тековните приоритети.

Флекси депозит – за оние што сакаат слобода и флексибилност

Флекси депозитот е наменет за штедачи кои сакаат да дополнат или повлечат средства во текот на периодот на орочување, без да ја изгубат целосно каматата. Со минимален влог од 60.000 денари, овој депозит ви овозможува повеќекратни дополнувања и исплати, преку шалтер или преку електронското банкарство. Рокот е 13 месеци, додека пак каматната стапка е фиксна. Ова е совршено решение за оние кои сакаат штедење со флексибилност и контрола.

Мој депозит – за редовни приматели на плата или пензија

Овој депозит е креиран специјално за клиенти со редовни месечни примања (плата, пензија или други приходи) кои се насочени кон штедење и имаат потреба од дополнителна сигурност и поволни услови. Минималниот износ е 3.000 денари, а можете да изберете рок од 13 или 25 месеци. Каматата се исплаќа на крај или месечно. Дополнителна вредност е можноста за уплата на нови средства до истекот на рокот, што го прави овој производ идеален за континуирано штедење без компликации.

Е-касичка – дигитална навика за секојдневно штедење

Сакате да штедите „неприметно“, без голем напор? Со е-касичката, секоја ваша трансакција со платежните картички на Халкбанк може автоматски да се претвори во заштеда. Овој производ работи така што со секое направено купување, автоматски се издвојува мал износ во е-касичката. Каматната стапка е 1%, минималниот влог е само 100 денари, а рокот е 12 месеци. Совршено решение за оние кои сакаат да создадат навика за штедење без да го почувствуваат тоа.

Детски депозит – за иднината на најмалите

Детското штедење никогаш не било полесно. Со дизајнирана детска штедна сметка и подарок од Халки, овој депозит нуди фиксна каматна стапка, орочување до 60 месеци и можност за дополнителни уплати. Минималниот влог е само 1.000 денари. По полнолетството на детето, средствата автоматски се префрлаат на новата сметка. Ова е одличен начин да изградите финансиска навика и сигурна иднина за вашето дете.

Без разлика дали сакате целосна контрола, флексибилност или сигурност за вашето семејство – секој чекор кон штедење е чекор кон посигурна иднина. Производите на Халкбанк ви овозможуваат да штедите заедно со постојана поддршка. Затоа што вистинската вредност на парите не е само во тоа колку ги имате, туку како ги насочувате.

А кога штедите паметно – живеете послободно.