Бизнис
Вештачката интелигенција во фокусот на 8-та Регионална конференција за е-трговија
Во атмосфера полна со енергија, инспирација и нови идеи, овогодинешната 8-ма Регионална конференција за е-трговија уште еднаш покажа зошто е најочекуваниот настан за дигиталната заедница во регионот. Националната опера и балет на 4 ноември беше преполна со менаџери, маркетери, претприемачи, претставници на организации и лидери кои дојдоа да ја „забрзаат“ иднината под мотото „Fasten the Future“. Со повеќе од 900 учесници од над 10 земји и 25 говорници од водечки глобални и локални компании, конференцијата уште еднаш го постави Скопје на мапата на регионалните центри за е- трговија и дигитална трансформација.
Со две паралелни сцени кои создаваа динамичен простор каде идеите, технологијата и инспирацијата се преплетуваа, оваа година настанот го надмина концептот на класична конференција и се претвори во жив екосистем кој ги обедини податоците, однесувањето на потрошувачите, лидерството, маркетингот и вештачката интелигенција. Така, е-трговијата уште еднаш ја потврди својата централна улога во поврзувањето на бизнисите, потрошувачите и технологијата, создавајќи нови можности и стандарди.
Меѓу главните теми, особено се издвојуваше вештачката интелигенција (AI) – реалност што веќе го менува начинот на кој бизнисите размислуваат, комуницираат и создаваат вредност. Преку креативни презентации и дискусии на експерти од водечки компании како TikTok, Booking.com, Dolce & Gabbana и други, учесниците слушнаа како AI влијае врз маркетингот, персонализацијата, плаќањата и безбедноста, но и како иновативноста, креативноста и технологијата заедно ја обликуваат иднината на е-трговијата.
Од Асоцијацијата за е-трговија истакнуваат дека конференцијата годинава го надмина секое очекување и потврди дека заедницата расте со брзина на која треба да се гордееме. Тие нагласија дека темата за AI ја отвори значајната дискусија за тоа како технологијата може да ја подобри оперативноста и продуктивноста и со тоа да го забрза растот на е-трговијата, како и како да ја поттикне довербата, транспарентноста и иновативноста во дигиталниот свет.
Со инспиративни говори, одлична организација и рекордна посетеност, конференцијата уште еднаш ја потврди својата улога како водечки регионален настан што ги спојува иновацијата, технологијата и претприемништвото. Конференцијата испрати јасна порака: вештачката интелигенција е темел врз кој се гради иднината на е-трговијата и се овозможува на бизнисите да создаваат попаметни, поодговорни и поиновативни решенија.
Инаку, конференцијата оваа година беше поддржана од Visa како платинум партнер, Halkbank како стратешки партнер, Korpa како партнер за храна и достава, Brainster како AI партнер, A1 како дигитален партнер, а Ananas и Casys како златни партнери. Сребрени партнери беа Комерцијална банка, IUTE, Филип Морис Интернационал, Сава пензиско друштво, Гранд Скопје, Public Cloud Group и Wolt, заедно со повеќе бронзени партнери.
За три месеци одобрени околу 400 поволни кредити за прв стан
Годишната инфлација во Северна Македонија забрза на 5,7 отсто во април
Оглас за вработување во АЛТА банка АД Битола
Одржана седница на Советот на Народната банка – усвоен Кварталниот извештај со ревидираните макроекономски проекции
Бензинот во САД е поскап за 52% отколку пред војната со Иран
Оглас за вработување во ТТК Банка АД Скопје
Ана Митреска и Игор Величковски предложени за нови вицегувернери на Народната банка
Стопанска банка АД – Скопје од утре започнува со исплата на пензиите за месец март
Интервју | Гоце Новачевски | Портфолио менаџер, КБ Инвест АД Скопје
АЛТА Банка го продолжи промотивниот период до 30 јуни 2026 година за најповолниот потрошувачки кредит на македонскиот пазар
Бизнис
Цените на храната и пијалоците во угостителството растат, ноќевањата поевтинуваат
Цените на угостителските услуги во април 2026 година бележат умерен раст, покажуваат најновите податоци на Државниот завод за статистика. На годишно ниво, тие се зголемени за 2,8 проценти, додека во однос на март растот изнесува 0,6 проценти.
Најголемо поскапување е регистрирано кај храната во угостителските објекти, која во споредба со април минатата година е поскапа за 7,4 проценти. Цените на алкохолните пијалоци се зголемени за 7 проценти, додека безалкохолните пијалоци бележат раст од 3,3 проценти.
Од друга страна, цените на ноќевањата значително се намалени, и тоа за 12,5 проценти во споредба со истиот период лани.
Во првите четири месеци од 2026 година, цените на угостителските услуги се повисоки за 3 проценти во однос на истиот период минатата година, додека споредено со декември 2025 година има зголемување од 0,6 проценти.
Банки
Anthropic лансира Claude AI агенти за банки, финансиски услуги и осигурување
Компанијата Anthropic претстави нов сет на алатки базирани на вештачка интелигенција, наменети за банкарскиот и финансискиот сектор, како и за индустријата за осигурување. Станува збор за 10 подготвени шаблони за Claude AI агенти, кои можат веднаш да се применат во секојдневните деловни процеси.
Овие агенти се дизајнирани да поддржат широк спектар задачи, меѓу кои изработка на инвестициски презентации (pitchbooks), кредитни анализи, KYC проверки, финансиско моделирање, проценки на вредност и активности поврзани со месечно затворање на финансиските книги.
Според компанијата, шаблоните можат да функционираат во рамки на платформите Claude Cowork, Claude Code и Claude Managed Agents, што овозможува флексибилна интеграција во постојните системи на организациите.
Дополнително, Anthropic најави и додатоци (add-ins) за Microsoft Excel, PowerPoint и Word, со цел подобра поврзаност и пренос на контекст меѓу различни апликации, што треба да ја зголеми продуктивноста и ефикасноста на корисниците.
Со овој чекор, компанијата дополнително ја зацврстува својата позиција на пазарот на деловни AI решенија, насочени кон автоматизација и оптимизација на комплексни финансиски процеси.
Бизнис
МБА и КаСис воспоставија партнерство за развој на платежниот систем и дигитализацијата
Македонската банкарска асоцијација и КаСис АД Скопје потпишаа Меморандум за соработка на 30 април 2026 година, со кој се дефинира рамка за заеднички активности во повеќе клучни области од банкарскиот сектор.
Со договорот, двете страни најавуваат засилена координација во унапредувањето на регулаторните политики и стратешките приоритети, како и во развојот на платежната инфраструктура. Посебен акцент се става на зајакнување на сајбер-безбедноста, спречување измами и поддршка на дигиталната трансформација во финансискиот систем.
Партнерството предвидува и реализација на едукативни иницијативи, размена на знаења и искуства, како и заедничко учество во процеси поврзани со законската и подзаконската регулатива.
Во рамки на соработката, претставниците на Македонската банкарска асоцијација и КаСис ќе одржуваат редовни работни состаноци со цел следење на имплементацијата на договорените активности и натамошно продлабочување на партнерството.
Со овој чекор, двете институции ја нагласуваат својата заложба за изградба на модерен, сигурен и ефикасен финансиски систем, во функција на стабилен развој на пазарот.
За три месеци одобрени околу 400 поволни кредити за прв стан
Годишната инфлација во Северна Македонија забрза на 5,7 отсто во април
Оглас за вработување во АЛТА банка АД Битола
Одржана седница на Советот на Народната банка – усвоен Кварталниот извештај со ревидираните макроекономски проекции
Бензинот во САД е поскап за 52% отколку пред војната со Иран
Оглас за вработување во ТТК Банка АД Скопје
Ана Митреска и Игор Величковски предложени за нови вицегувернери на Народната банка
Стопанска банка АД – Скопје од утре започнува со исплата на пензиите за месец март
Интервју | Гоце Новачевски | Портфолио менаџер, КБ Инвест АД Скопје
АЛТА Банка го продолжи промотивниот период до 30 јуни 2026 година за најповолниот потрошувачки кредит на македонскиот пазар
-
Продуктипред 2 месециДо 120.000 денари финансиска поддршка од Easy Finance – брзо и со транспарентни услови
-
Кариерапред 2 месециНародна банка бара аналитичари: плата до 83 илјади денари и двегодишен договор
-
Кариерапред 2 месециОглас за вработување во ТТК Банка АД Скопје
-
Кариерапред 1 месецАна Митреска и Игор Величковски предложени за нови вицегувернери на Народната банка
-
Банкипред 2 месециХалк банка нуди потрошувачки кредит до 2,5 милиони денари
-
Банкипред 1 месецСтопанска банка АД – Скопје од утре започнува со исплата на пензиите за месец март
-
Интервјуапред 1 месецИнтервју | Гоце Новачевски | Портфолио менаџер, КБ Инвест АД Скопје
-
Банкипред 2 месециАЛТА Банка го продолжи промотивниот период до 30 јуни 2026 година за најповолниот потрошувачки кредит на македонскиот пазар
