Месецот на жената не е само симболично одбележување, туку и потсетник дека родовата еднаквост сè уште бара подобрувања, особено во областите на технологијата во нашата земја. Иако STEM секторот е еден од најбрзо растечките и најперспективните, учеството на жените во него останува значително пониско во споредба со мажите, како на глобално ниво, така и во Северна Македонија.

Овој јаз не е само прашање на еднаква застапеност на мажите и жените на технолошкиот работен пазар, туку и на изгубен потенцијал – за поединците, за компаниите, па и за општеството во целина. Во индустрија каде што иновацијата и различните перспективи се клучни, недоволната вклученост на жените претставува сериозен предизвик за одржлив и инклузивен развој.

По повод Месецот на жената, Алијансата за родова еднаквост на работното место (GEA) во соработка со Avenga Academy ја имплементираат иницијативата „STEM нема пол. Има иднина.“, која се спроведува во текот на март 2026 година.

Во рамки на оваа иницијатива ќе бидат доделени 6 целосни стипендии за ИТ и бизнис академии, со вкупна вредност од над 10.000 евра, со цел да се поттикне поголема вклученост на жените во технолошките професии и да се придонесе кон намалување на родовиот јаз во STEM во земјата. Кандидатките можат да аплицираат за една од 6те академии:

• Digital Marketing,
• Sales & Business Development,
• Product & Project Management,
• Front-End Development & AI,
• Data Analytics
• Automation Testing & AI with Playwright.

Програмите започнуваат во периодот од април до септември 2026 година и траат од 4 до 6 месеци, во зависност од избраната академија. Избраните кандидатки ќе треба да покријат само административен трошок (10%) за избраната академија.

Аплицирањето се реализира преку кратка онлајн форма, при што секоја кандидатка може да избере една академија. По затворањето на повикот, апликациите ќе бидат разгледани од страна на претставници на GEA и Avenga Academy, врз основа на неколку клучни критериуми:

• мотивацијата за развој на кариера во STEM,
• интересот и потенцијалот за избраната област,
• планот за понатамошен професионален развој.

Со оваа иницијатива, GEA и Avenga Academy не само што нудат конкретна образовна можност, туку и се испраќа и поширока порака за важноста на отворање на STEM секторот за повеќе жени. Во време кога дигиталните вештини стануваат неопходност, отворањето на повеќе врати за жените во технологијата не е само инвестиција во поединци, туку и во иднината на целото општество.

Апликациите се отворени до понеделник, 31 март 2026 година, а повеќе информации за иницијативата и начинот на аплицирање се достапни на следниот линк: https://genderequalityalliance.org/целосни-стипендии-за-жени-за-stem-академи/.

Инаку, Алијансата за родова еднаквост на работното место – GEA е иницијатива на Асоцијацијата за е-трговија која е посветена на создавање инклузивна работна култура и промовирање еднакви можности за сите. Алијансата се залага за три главни столба: еднаква застапеност на мажи и жени на сите нивоа и позиции, еднаква плата за иста работа и еднакви можности за напредок. Работата на GEA ја поддржуваат Eurolink, Casys и Halkbank како главни партнери, како и Филип Морис Тутунски Комбинат Прилеп, Пивара Скопје, А1 Македонија, Сава Пензиско Друштво, и CosLoveMetics како партнери. Поддржувачи на Алијансата се и Сава Осигурување, Евроинс Осигурување, Publicis Groupe, Property One Group, Aristocrat, Avenga Academy, IdeaLab и EOS Мatrix.

Повеќе информации за активностите и можностите за приклучување кон Алијансата за родова еднаквост на работното место се достапни на: https://genderequalityalliance.org.

Министерството за финансии на САД објави дека потписот на претседателот Доналд Трамп ќе се појавува на идните американски хартиени пари, заедно со потписот на секретарот за финансии. Ова ќе биде првпат во историјата потпис на актуелен претседател да се најде на американската валута.

Одлуката е донесена по повод 250-годишнината од основањето на Соединетите Американски Држави, која ќе биде одбележана во 2026 година.

Секретарот за финансии Скот Бесент изјави дека овој потег е симболично признание за, како што наведе, економските достигнувања под водство на Трамп, истакнувајќи дека земјата се движи кон „невиден економски раст, стабилност и доминација на доларот“.

И државниот благајник Брендон Бич оцени дека американската валута ќе продолжи да биде симбол на сила и просперитет, додавајќи дека вклучувањето на потписот на претседателот претставува соодветен начин за одбележување на овој значаен јубилеј.

Новите банкноти со потписот на претседателот се очекува да бидат пуштени во оптек во рамки на одбележувањето на 250-годишнината од независноста на САД.

Министерката за финансии Гордана Димитриеска-Кочоска порача дека македонската економија останува стабилна и покрај глобалните предизвици, по средбата со извршниот директор во Меѓународниот монетарен фонд, Јерон Клик.

На состанокот се разговарало за актуелните економски состојби, како и за предизвиците со кои се соочува земјата во услови на глобална неизвесност. Според министерката, институциите се целосно посветени на зачувување на економската стабилност.

Воедно, било отворено прашањето за натамошно продлабочување на соработката меѓу Министерството за финансии и ММФ, особено во делот на техничката и експертската поддршка. Оценката е дека ваквата соработка има значајна улога во креирањето поквалитетни економски политики и зајакнување на институционалните капацитети.

Димитриеска-Кочоска нагласила дека фокусот останува на внимателно управување со јавните финансии и спроведување политики што обезбедуваат сигурност, стабилност и предвидливост за граѓаните и бизнисот.

Средбата се одржува во период на засилени глобални економски неизвесности, при што Владата очекува дека преку внимателни политики и соработка со меѓународните институции ќе се одржи макроекономската стабилност.