Банки
Вицегувернерката Нацевска: Побрзи, поевтини и поефикасни прекугранични плаќања во евра од октомври 2025 година
„Од октомври 2025 година, деловните банки од земјава ќе можат да се приклучат кон платните системи на Единствената област за плаќања во евра (СЕПА), со што се отвора патот за побрзи, поевтини и поефикасни прекугранични плаќања во евра. Народната банка активно го следи процесот на подготовка на банките за пристап кон СЕПА, којшто опфаќа правна, техничка и оперативна усогласеност со европските стандарди“, посочува вицегувернерката на Народната банка, Емилија Нацевска, во интeрвју за националниот сервис МТВ.
Придобивките за граѓаните и компаниите ќе бидат значајни – намалени трошоци, поедноставени постапки и многу пократко време за трансакциите. Парите испратени од странство, вклучително и оние од иселениците, ќе пристигнуваат во текот на истиот или следниот работен ден, со значително пониски трошоци, а банките ќе треба да им ги пренесат овие придобивки и на клиентите преку пониски надоместоци.
Заради поедноставување на процедурите, Народната банка веќе ги укина обврските за доставување документација за тековните трансакции со странство, меѓу кои и за плаќање одмор или школарина во странство, а ќе се укине и за капиталните трансакции, освен за мал број трансакции за кои постојат експлицитни законски обврски. Ова значително ќе го олесни онлајн и шалтерското банкарство и ќе го поттикне користењето електронски и мобилни платежни услуги. Податоците покажуваат дека електронските плаќања во земјава веќе бележат годишен раст од над 40% во 2024 година.
Исто така, се работи и на олеснување на процедурите за приливните плаќања. Целта е средствата добиени од странство, вклучително и хонорарите, да се ставаат на располагање веднаш или најдоцна следниот ден, без потреба од приложување договор или фактура, освен во специфични случаи каде што тоа е законски обврзано.
Покрај ова, не се предвидуваат ограничувања за износите коишто може да се префрлат на основа на подарок, освен лимитот од 100 илјади евра кај инстант плаќањата, а контролите за спречување перење пари и финансирање тероризам и натаму ќе се применуваат, во согласност со меѓународните стандарди.
Македонски Телеком предлага повисока дивиденда за 2025 година
Плинот поевтини, цената намалена за околу 5 денари по литар
ЕУ предупредува на можни откажувања на летови и поскапи билети поради криза со авионско гориво
Кроација осигурување отвори нова филијала во Дебар
FinSight | Анчевска: Не е само платата – зошто вработените не го даваат максимумот?
НЛБ Банка со информација за исплатата на паричната помош од социјална, детска и цивилна заштита за февруари 2026 година
До 120.000 денари финансиска поддршка од Easy Finance – брзо и со транспарентни услови
Народна банка бара аналитичари: плата до 83 илјади денари и двегодишен договор
Оглас за вработување во ТТК Банка АД Скопје
Ана Митреска и Игор Величковски предложени за нови вицегувернери на Народната банка
Банки
Комерцијална банка повторно дел од Скопскиот маратон како златен спонзор на трката од 5 километри
Комерцијална банка и оваа година ќе биде дел од Скопскиот маратон, еден од најзначајните спортски настани во главниот град, информираат од банката.
Како златен спонзор на трката на 5 километри, од Комерцијална банка велат дека ја поддржуваат иницијативата за поттикнување на физичка активност, здрав начин на живот и заедништво.
„Скопскиот маратон е ден кога градот дише во ист ритам, исполнет со спортски дух, насмевки и позитивна енергија. Илјадници луѓе, со различни приказни, имаат една заедничка цел – да ги поместат сопствените граници“, посочуваат од банката.
Оттаму додаваат дека се горди што се дел од секоја лична победа на учесниците и ги повикуваат граѓаните да се приклучат на настанот.
„Подгответе се и придружете ни се, затоа што полесно е заедно до целта“, порачуваат од Комерцијална банка, потсетувајќи и на учеството и атмосферата од минатогодишното издание на маратонот.
Банки
УНИБанка со промотивни каматни стапки за штедење во евра
УНИБанка нуди промотивни каматни стапки за депозитниот производ „Депозит Фикс“ и штедење во евра, со пократки рочности од 3, 6 и 12 месеци.
Од банката информираат дека понудата е насочена кон клиенти кои бараат флексибилни и сигурни начини за штедење, со можност средствата да растат и на краток рок.
Новите услови овозможуваат избор на рочност според индивидуалните потреби, атрактивни каматни стапки и сигурност при штедењето во евра.
Оваа понуда е наменета за сите кои сакаат да го оптимизираат своето штедење, без разлика дали станува збор за краткорочни планови или за постепено зголемување на средствата.
Банки
Капитал Банка нуди долгорочни кредити за инвестиции за компании
Капитал Банка АД Скопје во својата понуда има долгорочни кредити за инвестиции наменети за правни лица, како поддршка за развој и унапредување на бизнисите.
Од банката посочуваат дека капиталните вложувања се важен чекор за зголемување на деловниот капацитет, подобрување на ефикасноста и зацврстување на пазарната позиција на компаниите.
Кредитот се одликува со фиксна каматна стапка од 1,95 проценти, рок на отплата до 144 месеци и грејс период до 12 месеци. Воедно, не се предвидени дополнителни трошоци.
Оваа финансиска можност е наменета за компании кои сакаат да изградат стабилна финансиска основа и да ги реализираат своите инвестициски планови.
Македонски Телеком предлага повисока дивиденда за 2025 година
Плинот поевтини, цената намалена за околу 5 денари по литар
ЕУ предупредува на можни откажувања на летови и поскапи билети поради криза со авионско гориво
Кроација осигурување отвори нова филијала во Дебар
FinSight | Анчевска: Не е само платата – зошто вработените не го даваат максимумот?
НЛБ Банка со информација за исплатата на паричната помош од социјална, детска и цивилна заштита за февруари 2026 година
До 120.000 денари финансиска поддршка од Easy Finance – брзо и со транспарентни услови
Народна банка бара аналитичари: плата до 83 илјади денари и двегодишен договор
Оглас за вработување во ТТК Банка АД Скопје
Ана Митреска и Игор Величковски предложени за нови вицегувернери на Народната банка
-
Интервјуапред 2 месециПензиски парадокс: Од минималец до доброволен фонд – новиот модел на младите вработени
-
Банкипред 2 месециКомерцијална банка: Започна исплатата на пензиите за февруари 2026 година
-
Банкипред 2 месециНЛБ Банка со информација за исплатата на паричната помош од социјална, детска и цивилна заштита за февруари 2026 година
-
Банкипред 2 месециЗошто е сменет директорот на Развојната банка и кој е неговиот наследник!?
-
Продуктипред 1 месецДо 120.000 денари финансиска поддршка од Easy Finance – брзо и со транспарентни услови
-
Банкипред 2 месециХалкбанк известува: Пензиите за февруари се достапни на пензионерите
-
Кариерапред 2 месециОглас за вработување во НЛБ Банка АД Скопје
-
Интервјуапред 2 месециFinSight | Павле Гацов | Готовината и сивата економија „јадат“ 500 милиони евра годишно
