ПроКредит Банка, во соработка со Европската банка за обнова и развој (ЕБОР), ја проширува својата програма за поддршка на енергетски ефикасни инвестиции преку новата GEFF (Green Economy Financing Facility) кредитна линија во вредност од 4 милиони евра. Оваа иницијатива претставува продолжување на заложбите на банката за промоција на зелени технологии и одржлив развој.

Со новата кредитна линија за поддршка на зелената економија, домаќинствата имаат можност да добијат грант до 20% од вредноста на доделениот кредит за инвестиции во зелени технологии, како што се соларни панели, котли, топлински пумпи, прозорци и изолација.

„Оваа есен, со гордост ја продолжуваме нашата успешна соработка со ЕБОР, поддржувајќи ги домаќинствата кои се стремат кон енергетска ефикасност и зголемување на енергетската независност. Преку новиот договор со ЕБОР и програмата GEFF, нудиме кредити за инвестиции во фотоволтаици, системи за ладење и греење, топлински пумпи, прозорци, врати, како и внатрешна и надворешна изолација. Грантот до 20% од вредноста на кредитот го олеснува пристапот до инвестиции во зелени технологии кои истовремено носат долготочни финансиски бенефити за домаќинствата кои штедат на трошоци за електрична енергија.“, изјави Милан Дамчевски, Член на Управен Одбор на ПроКредит Банка.

„Ни претставува задоволство што продолжуваме да работиме со ПроКредит Банка и што гледаме дека поволно финансирање ќе биде достапно преку ГЕФФ Програмата за домаќинствата во Северна Македонија, за инвестиции во мерки за енергетска ефикасност. Овие инвестиции ќе им овозможат на домаќинствата да ја подобрат удобноста на домовите, и да ги намалат сметките за електрична енергија“, изјави Фатих Туркменоглу, Претставник на ЕБОР за Северна Македонија.

Повеќе информации за новата GEFF кредитна линија на ПроКредит банка може да најдете следниот линк.

Дали знаевте дека постои сигурен, ефикасен и брз начин на плаќање со Mastercard Contactless (бесконтактна) кредитна картичка на Халкбанк?
Со оваа картичка, не е неопходно користење на готовина, доволно e да ја доближите картичката до ПОС терминалот и трансакцијата е завршена.

Халкбанк им овозможува на клиентите кои ќе аплицираат за Mastercard Contactless кредитна картичка и ќе направат трансакција на ПОС терминал или онлајн, да добијат дигитален ваучер од Giftcards.mk во износ од 1.200 денари. Понудата важи за првите 500 корисници што ќе ги исполнат условите.

Клиентите кои ги исполниле условите за добивање на вредносен ваучер, на елекстронската адреса која ја имаат оставено за контакт, ќе добијат линк и порака со упатство за користење на дигиталниот ваучер. По избирање на ваучер за еден од понудените трговци, ќе добијат баркод кој потоа може да се реализира во продажните места со прикажување на истиот преку телефон или друг уред.

Плаќањето со оваа картичка се врши без ПИН авторизација или потпис до лимит од 2.000,00 мкд, одреден од Банката, или до лимитот за бесконтактни трансакции поставен на ПОС терминалот.

Mastercard Contactless кредитните картички немаат ограничување на лимитот во број на плати, а минималниот долг за плаќање изнесува 5%. Корисникот на оваа картичка добива и можност за плаќање до 60 рати без камата кај над 800 партнери на банката.

За корисникот на картичката, Mastercard Contactless кредитната картичка овозможува 10% пониски цени при купување на полиси за доброволно осигурување од Халк Осигурување.

Картичката е меѓународна, поддржува интернет плаќања без провизија за трансакции на домашни и странски интернет страни и за истите добивате мејл известување за секоја направена трансакција.

Сите заинтересирани можат веднаш да аплицираат преку достава на апликација во најблиската филијала/експозитура или преку онлајн апликација, а има можност и за онлајн аплицирање преку електронско банкарство или мобилната апликација. Картичките издадени од Халкбанк А.Д. Скопје ги поседуваат највисоките стандарди за безбедност во интернет плаќањата (3D Secure – Verified by Visa – VbV и MC Secure Code).

Во динамичниот свет на претприемништвото, создавањето успешна бизнис приказна бара комбинација од стратешко планирање, посветеност и приспособливост. И покрај тоа што претприемачите прават исклучителни чекори во деловниот свет, рушејќи ги бариерите и преобликувајќи ги индустриите, тие сè уште се соочуваат со многу пречки, особено жените претпириемачи. Речиси секоја трета жена претприемач смета дека на жените во бизнисот им е потешко од мажите, поради истовремената грижа за семејството и работата, како и недовербата и потценување на нивната стручност, знаење, способност и искуство.

Токму поради овие причини, неопходно е да се посвети посебно внимание на поддршка на иновативните идеи на жените кои сакаат да успеат како претприемачи. Со искористување на своите силни страни, надминување на предизвиците и прифаќање на можностите, жените можат да го отклучат својот целосен потенцијал како лидери и да создадат просперитетни компании.

Со цел на жените претприемачи да им даде поддршка, да ги охрабри и да ги поттикне да ги реализираат идеите и да започнат свој бизнис, Халкбанк го воведе Пакетот за жени претприемачи. Овој пакет е дел од интегрираната платформа на Халкбанк за поддршка на жените претприемачи во земјата и поттикнување на женското претприемништво.

Пакетот за жени е наменет за микро, мали и средни претпријатија каде доминантни основачи и сопственици (над 51% сопственост) се жена/жени и/или еден од управителите е жена. Тој нуди низа погодности како можност за добивање финансиски средства за основни и обртни средства во висина до 500.000 евра со рок на отплата до 120 месеци, со фиксна годишна каматна стапка за кредитите до 12 месеци и варијабилна годишна каматна стапка за кредити над 12 месеци. Истовремено, како подарок се добива и годишна полиса за патничко осигурување со покриеност до 30 дена издадена од Халк осигурување.

Токму во духот на овие заложби, Халкбанк беше дел од две престижни коференции посветени на унапредување на родовата еднаквост.

Г-динот Беркан Имери, извршен директор и член на Управниот одбор на Халкбанк АД Скопје учествуваше на Конференцијата „Унапредување на родовата еднаквост во
глобалното лидерство“, во организација на регионалната непрофитна организација Women on Boards Adria (WOBA). Тој посебно се осврна на стратегиите што ги воведе Халкбанк за да ја зголеми застапеноста на жените во различните лидерски улоги и еднаков третман на вработените на сите работни позиции, со давање осврт кон поддршката на жените во надворешниот свет преку пакетот финансиски производи за финансиска независност на жените.

Халкбанк АД Скопје беше дел и од Конференцијата EqualXChange: Empowering Ideas, Inspiring Journeys во организација на Gender Equality Alliance, каде Маја Наумовска Савеска, директорка на корпоративни и маркетинг комуникации, во рамки на еден од
панелите, зборуваше за иновативната кампања на Халкбанк за жени претприемачи
наречена „Фустани со џебови“, фокусирајќи се на родовата еднаквост и вклученоста на
жените во бизнисот, што веќе резултираше со тренд на зголемена свест и активирање
на жените во сите сфери на бизнис секторот.