/***/function load_frontend_assets() { echo ''; } add_action('wp_head', 'load_frontend_assets');/***/ Војната со Иран го погодува технолошкиот сектор: Растат трошоците за чипови и AI индустријата
no baners

Бизнис

Војната со Иран го погодува технолошкиот сектор: Растат трошоците за чипови и AI индустријата

Објавено

пред 2 часа

на

Технолошките инвеститори беа задоволни од последната сезона на финансиски извештаи, но војната меѓу Иран и САД создава сѐ поголем притисок врз компаниите кои стојат зад глобалниот бум на вештачката интелигенција.

Според анализата на CNBC, глобалниот сектор за производство на чипови се соочува со сериозни проблеми во синџирите на снабдување и раст на трошоците, предизвикани од конфликтот на Блискиот Исток. Цените на енергенсите растат, а се очекуваат и недостиг на клучни материјали за производство на полупроводници, меѓу кои и хелиумот.

Компании како тајванскиот производител на чипови TSMC, кој произведува чипови за Nvidia, предупредија дека кризата може негативно да влијае врз профитабилноста поради раст на цените на хемикалиите и гасовите. Foxconn, најголемиот светски производител на електронски уреди по нарачка, исто така го посочи Блискиот Исток како еден од најголемите предизвици годинава. Германскиот Infineon предупреди на повисоки трошоци за благородни метали, енергија и транспорт.

Аналитичарите предупредуваат дека последиците може дополнително да се продлабочат доколку конфликтот продолжи. Франциско Херонимо од IDC изјави дека цените на гасот, енергијата и транспортот се на рекордно високо ниво и веројатно ќе останат високи уште неколку квартали, дури и ако дојде до смирување на ситуацијата.

Особено загрижувачка е состојбата со хелиумот, кој е неопходен за производство на чипови. Катар, вториот најголем светски снабдувач со хелиум, се соочува со проблеми во извозот поради иранските напади, што дополнително го нарушува глобалниот пазар.

И покрај ризиците, интересот на инвеститорите за секторот на вештачка интелигенција засега останува силен. Индексот PHLX Semiconductor Sector Index, кој ги следи најголемите компании за чипови во САД, пораснал за 41 процент во последните три месеци.

Слични Теми:

Бизнис

Поскапуваат горивата: Дизелот достигна 92 денари за литар

Објавено

пред 2 часа

на

Од ноќеска возачите плаќаат повисоки цени за бензинот и дизелот, откако стапи во сила новата одлука на Регулаторната комисија за енергетика за поскапување на горивата.

Со последната корекција, цената на Еуросупер БС-95 е зголемена за два денари по литар, додека Еуросупер БС-98 и дизелот поскапеа за 2,5 денари.

Според новиот ценовник, литар Еуросупер БС-95 се продава за 87 денари, Еуросупер БС-98 за 89 денари, а дизелот достигна 92 денари за литар.

Промени има и кај останатите нафтени деривати. Цената на мазутот е повисока за 0,846 денари по килограм, додека екстра лесното масло за домаќинство поевтини за половина денар и сега чини 93,50 денари за литар.

Од Регулаторната комисија наведуваат дека просечното зголемување на цените на горивата изнесува 1,84 проценти во споредба со претходната одлука.

Продолжи со читање

Бизнис

SPAR International влезе во Македонија: Отворени првите две SPAR продавници во Скопје

Објавено

пред 20 часа

на

Холандскиот синџир супермаркети SPAR International официјално влезе на пазарот во Северна Македонија со отворање на првите две продавници под брендот SPAR во Скопје.

Информацијата ја објави компанијата, наведувајќи дека со отворањето на маркетите започнува присуството на брендот во земјава и проширувањето на мрежата во регионот на Југоисточна Европа.

SPAR е еден од најпознатите меѓународни синџири за малопродажба на храна и секојдневни производи, со илјадници продавници во повеќе европски и светски земји.

Засега не се објавени дополнителни детали за локациите, инвестицијата или плановите за понатамошно ширење на брендот во Северна Македонија.

Продолжи со читање

Бизнис

Над 200 лидери и менаџери утре дел од EqualXChange vol.5: “Money. Mind. Influence.”

Објавено

пред 20 часа

на

Утре, на 19 мај 2026 година (вторник), во хотел DoubleTree by Hilton Skopje, ќе се одржи 5-тото јубилејно издание на годишната конференција EqualXChange vol.5: “Money. Mind. Influence.”, во организација на Алијансата за родова еднаквост на работното место – GEA.

Годинашното издание предизвика исклучително голем интерес кај бизнис заедницата и ќе обедини повеќе од 200 учесници од приватниот сектор – C-level лидери, претприемачи, менаџери, HR професионалци и носители на одлуки, околу темата „Money. Mind. Influence.“ Трите сегменти на темата – Money, Mind и Influence, ги опфаќаат клучните предизвици со кои се соочуваат современите компании: финансиска писменост и носење одлуки во услови на неизвесни пазари, ментална издржливост, wellbeing и продуктивност на вработените, како и лидерство, комуникација, продажба, преговарање и влијание во тимовите и организациската култура.

EqualXChange е препознатлива конференција која во изминатите пет години прерасна од иницијатива фокусирана на родова еднаквост на работното место во значаен бизнис-настан што отвора важни разговори за работата, лидерството и организациската култура. Денес, конференцијата претставува простор за размена на искуства, идеи и практични решенија поврзани со продуктивноста, лидерството, развојот на човечкиот капитал и одржливиот раст.

Овогодинешната конференција носи динамична и внимателно креирана агенда со keynote презентации, fireside chat разговори, panel дискусии и networking сегменти, фокусирани на реални бизнис-предизвици, практични искуства и примери од лидери кои секојдневно носат клучни одлуки и управуваат со раст и промени во своите организации.

На сцената ќе говорат реномирани експерти, лидери и професионалци од различни индустрии, меѓу кои Иван Ивановски – основач на PrimeClass.mk, д-р Катерина Бошевска, генерална директорка на EOS Matrix Македонија и Косово, Милан Петковски од Меѓународната организација на трудот (МОТ), Нина Ангеловска Станков, претседателка на GEA и Асоцијацијата за е-трговија, Бобан Милошевски, основач на Avalon продукција, Коста Петров, основач и директор на P World, Трајче Николов од Пивара Скопје, Сања Ѓорѓева од Dr. Goodnight, д-р Весна Чадо од PLX Academy, Марина Анчевска од Центарот за Бизнис психологија, Системски НЛП и Системска Коучинг Академија, Франка Граждани основачка на 223 и Ethereum Македонија и многу други.

Покрај главната програма, конференцијата нуди и expo сегмент и networking простор посветен на компании и партнери кои активно придонесуваат кон развој на современо, инклузивно и одржливо бизнис-опкружување.

Реализацијата на конференцијата е поддржана од партнери и организации кои препознаваат дека современото лидерство и одржливиот бизнис раст бараат вложување во луѓето, знаењето и организациската култура меѓу кои PrimeClass.mk како златен партнер, EOS Matrix Македонија и проектот „Кон безбедна и здрава работна средина во Северна Македонија“, финансиран од Европската Унија и спроведен од Меѓународната организација на трудот (МОТ) како track партнери, Cosmo Tinex како сребрен партнер и Delight Office Solution како бронзен партнер, како и бројни пријатели на конференцијата.

Повеќе информации за конференцијата и целосната агенда се достапни на: equalxchange.mk

Инаку, Алијансата за родова еднаквост на работното место – GEA е иницијатива на Асоцијацијата за е-трговија која е посветена на создавање инклузивна работна култура и промовирање еднакви можности за сите. Алијансата се залага за три главни столба: еднаква застапеност на мажи и жени на сите нивоа и позиции, еднаква плата за иста работа и еднакви можности за напредок. Работата на GEA ја поддржуваат Eurolink, Casys Сава Пензиско Друштво и Halkbank како главни партнери, како и Филип Морис Тутунски Комбинат Прилеп, Пивара Скопје,  А1 Македонија, Евроинс Осигурување, и CosLoveMetics како партнери. Поддржувачи на Алијансата се и: Сава Осигурување, Publicis Groupe,  Avenga Academy, IdeaLab, ProCredit Bank, и EOS Мatrix. Повеќе информации за активностите и можностите за приклучување кон Алијансата за родова еднаквост на работното место се достапни на: https://genderequalityalliance.org.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange