Агенцијата Thrivity објави оглас за вработување на администратор на бази на податоци (Database Administrator) за свој клиент, компанија провајдер на финансиски услуги која активно инвестира во дигитална трансформација и современи технологии.

Работната позиција е лоцирана во Скопје, а избраниот кандидат ќе работи на реални проекти поврзани со модернизација на дигиталните системи и управување со податоци.

Од компанијата истакнуваат дека новиот член на тимот ќе има можност да работи во професионална и отворена работна средина, со флексибилно работно време и можност за работа од различни локации. Воедно, се нуди континуирана едукација и можности за професионален развој.

Од кандидатите се очекува да имаат високо образование од областа на информатичките технологии или сродна техничка дисциплина, добро познавање на англискиот јазик, како и организираност и аналитичко размислување.

Заинтересираните кандидати можат да аплицираат преку следниот линк:
https://tinyurl.com/mhyyjvau

Агенцијата „Thrivity“, во име на свој клиент, реномирана компанија провајдер на финансиски услуги, објави оглас за вработување на позицијата референт за ликвидност со работна локација во Скопје.

Од компанијата информираат дека позицијата е наменета за финансиски професионалци со аналитички пристап кои сакаат да работат во динамична финансиска средина и да бидат дел од процесите што ја обезбедуваат стабилноста и ликвидноста на организацијата.

Работните задачи вклучуваат следење и управување со дневната ликвидносна позиција, анализа на паричните текови и ликвидносните показатели, како и тргување со финансиски инструменти на домашниот и меѓународниот пазар. Исто така, избраниот кандидат ќе учествува во подготовка на анализи и извештаи за менаџментот и ALCO, како и во соработка со банки, инвеститори и корпоративни партнери.

Компанијата нуди работна средина со високи етички стандарди, флексибилно работно време со можност за работа од различни локации, поддршка за професионален развој и континуирана едукација, како и можност за вклучување во дигиталната трансформација на финансиските процеси.

За позицијата се бара високо образование од областа на економија, финансии или банкарство, најмалку две до три години релевантно искуство во treasury, ликвидност или финансиски пазари, ACI Dealing лиценца, одлични аналитички способности и напредно познавање на Excel, како и добро познавање на англиски јазик.

Заинтересираните кандидати можат да аплицираат преку следниот линк.

Централна кооперативна банка АД Скопје објави оглас за вработување на соработник за клиентска услуга во експозитура во Скопје.

Работниот однос е на определено време, со можност за продолжување на неопределено време.

Работното време е од понеделник до петок, од 08:00 до 16:00 часот. Избраниот кандидат ќе биде задолжен за продажба и промоција на банкарски производи и услуги, обезбедување информации за клиентите, како и привлекување и услуга на клиенти кои банката ги категоризира како ВИП.

Во рамки на работните задачи спаѓа и ажурирање на податоци и досиеја поврзани со трансакциите, прием и обработка на барања од клиенти, следење на конкуренцијата, решавање поплаки, како и извршување благајнички работи по потреба. Од банката посочуваат дека кандидатот треба да ја претставува институцијата на професионален и позитивен начин во комуникацијата со клиентите.

За позицијата се бара високо образование, солидно познавање на англиски јазик и одлично познавање на MS Office пакетот и работа со компјутери. Од кандидатите се очекува да поседуваат комуникациски вештини, иницијативност, способност за тимска работа и висок степен на прецизност.

Основната нето плата ќе зависи од квалификациите и работното искуство на кандидатот, а од банката истакнуваат дека нудат добри услови за работа, можност за стручно усовршување и напредок во кариерата.

Заинтересираните кандидати треба да испратат своја биографија на електронската адреса: [email protected], со назнака за работното место за кое аплицираат. Огласот е отворен до 17 март 2026 година.

Само кандидатите кои ќе ги исполнат условите од огласот ќе бидат повикани на тестирање или интервју како дел од процесот на селекција.