Малите и средни претпријатија во Македонија добиваат можност за инвестирање во зелени технологии и енергетска ефикасност преку наменска кредитна поддршка што ја нуди Комерцијална банка. Оваа финансиска поддршка има цел да им помогне на компаниите да ги намалат трошоците, да ја зголемат оперативната ефикасност и да придонесат за заштита на животната средина.

Кредитната линија е финансирана преку програмата GFF Македонија на Европската банка за обнова и развој (ЕБОР) и е наменета за мали и средни бизниси кои сакаат да инвестираат во одржливи решенија и модерни технологии со пониска потрошувачка на енергија.

Во рамки на оваа програма, компаниите можат да добијат кредит до 1.000.000 евра по клиент, со рок на отплата до 10 години и грејс период до 2 години. Дополнително, на располагање им стои бесплатна техничка помош и индивидуален пристап при подготовка и реализација на проектите.

По успешната реализација на инвестицијата, компаниите можат да добијат и финансиска стимулација до 10 проценти од вредноста на проектот.

Кредитната линија е обезбедена со заем од Европската банка за обнова и развој во рамките на заедничкиот Зелен финансиски фонд (Green Finance Facility), поддржан од Програмата за развој на Обединетите нации (УНДП), Обединетите нации, Заедничкиот SDG фонд, Владата на Република Северна Македонија и ЕБОР.

Повеќе информации за условите и начинот на аплицирање се достапни на веб-страницата на Комерцијална банка.

Растењето на децата е исполнето со мали, но значајни моменти во кои постепено учат да носат сопствени одлуки. Дел од тие искуства е и начинот на кој се запознаваат со вредноста на парите, како да ги користат, како да штедат и како одговорно да располагаат со нив.

Во време кога дигиталните плаќања се сè почести, родителите бараат начин како децата да ги научат овие навики постепено и безбедно, со доволно слобода за учење, но и со родителски надзор.

Токму со оваа цел, Халкбанк ја нуди Mastercard Debit Junior, платежна дебитна картичка наменета за деца од 9 до 15 години, која на едноставен и практичен начин ги воведува младите во светот на современите плаќања.

Практична картичка за секојдневни ситуации

Mastercard Debit Junior се издава со име и презиме на детето и е поврзана со негова платежна сметка. Со картичката децата можат да плаќаат на ПОС терминали, да подигнуваат средства од банкомати и да вршат интернет трансакции, како и бесконтактни плаќањана сите означени места. На овој начин, картичката станува дел од нивното секојдневие, без разлика дали станува збор за шопинг, училишни потреби или активности со пријателите.

Родителите секогаш имаат контрола

За дополнителна сигурност, дневниот лимит е поставен на 2.000 денари по канал, но родителите или старателите можат да го прилагодат во секое време преку електронското или мобилното банкарство или преку контакт центарот на банката. Истовремено, тие имаат постојан увид во трошењето на детето преку електронското и мобилното банкарство, а за секоја извршена трансакција добиваат СМС известување. Доколку картичката се изгуби, таа може веднаш да се блокира преку електронското банкарство.

Кога плаќањето станува уште поедноставно

Mastercard Debit Junior може да се дигитализира преку Apple Pay, Google Pay и Fidesmo Pay, што овозможува брзи и безбедни бесконтактни плаќања. На овој начин картичката може да се користи и преку мобилен телефон или друг дигитален уред, што ја прави уште попрактична за секојдневна употреба.

Без трошоци за првата година и со повеќе погодности

Отворањето, водењето и одржувањето на платежната сметка за малолетно лице се без трошоци, а средствата од сметката на родителот може бесплатно да се префрлат на сметката на детето. Дополнително, до 31 март 2026 година картичката се издава без надоместок за уписнина.

За Mastercard Debit Junior може да се аплицира во филијалите на Халкбанк во присуство на двајцата родители или старатели, со приложување на потребната документација.

На овој начин, Банката им помага на младите уште од најрана возраст да изградат одговорен однос кон парите и постепено да ги стекнат навиките што ќе им бидат важни и во иднина.

Стопанска банка АД – Скопје предупредува на сè почестите обиди за финансиски измами на интернет и апелира граѓаните да бидат внимателни при користење на електронските услуги.

Од банката посочуваат дека сајбер измамниците постојано осмислуваат нови начини за злоупотреба на лични и финансиски податоци. Најчесто се работи за лажни електронски пораки за наводни пратки, пораки за наградни игри или понуди со нереално високи попусти, кои ги насочуваат корисниците кон лажни веб-страници.

Целта на овие измами, нагласуваат од Стопанска банка, е да се добијат лични информации и податоци од платежни картички. Поради тоа, граѓаните се советуваат да не кликаат веднаш на сомнителни линкови, внимателно да ја прочитаат пораката, да го проверат изворот и никогаш да не внесуваат лични податоци на веб-страници за кои не се сигурни дека се веродостојни.

Доколку постои сомнеж за можна злоупотреба, од банката советуваат граѓаните веднаш да се јават на телефонскиот број (02) 3100 109, каде што можат да добијат дополнителни информации и поддршка.