Претставници на АЛТА банка вчера го посетија Клубот на пензионери во Прилеп, каде што разговараа со пензионерите и ги презентираа производите и поволностите наменети за оваа категорија клиенти.

Посебен акцент беше ставен на новиот, поповолен кредит за пензионери, како и на банкарските решенија кои, според Банката, се креирани со цел да обезбедат поедноставно, појасно и посигурно корисничко искуство.

Од АЛТА банка посочуваат дека директната комуникација со пензионерите е важен дел од нивниот пристап, со цел подобро да ги слушнат нивните потреби и да им ги доближат услугите и можностите што им се достапни.

Комерцијална банка АД Скопје нуди промотивни услови за станбен кредит, со кои клиентите до 30 септември можат да аплицираат без трошоци за одобрување на кредитот и за процена на имотот.

Според објавата на Банката, станбениот кредит е достапен со фиксна каматна стапка од 3 проценти во првите пет години од отплатата, додека максималниот рок за отплата изнесува до 30 години.

Корисниците имаат можност и за грејс период до 12 месеци, а како дополнителна опција е достапен и кредит со вклучено животно осигурување од Триглав Осигурување Живот АД Скопје.

Средствата од кредитот може да се користат за купување, изградба, доградба или реконструкција на стан, куќа или деловен простор. Финансирањето е достапно и за купување градежно земјиште, како и за недвижен имот во странство.

Од Комерцијална банка посочуваат дека со промотивната понуда се намалуваат почетните трошоци при реализација на инвестиција во недвижност.

Промотивните услови важат до 30 септември, а повеќе информации и можност за оставање податоци за контакт се достапни на интернет-страницата на Банката.

Стопанска банка АД – Скопје ги објави новите шест добитници од третото извлекување во рамки на големата наградна игра „Имај мастерплан! Плаќај со Mastercard и освојувај!“.

Од банката информираат дека наградната игра продолжува и во следниот период, при што месечни награди ќе се доделуваат сѐ до извлекувањето на главните награди на крајот од годината.

„По третото извлекување од големата наградна игра, ги имаме и новите 6 добитници! Имај мастерплан! Плаќај со Mastercard и освојувај!“, објавија од Стопанска банка.

Правилата и сите дополнителни информации за наградната игра се достапни на официјалната интернет-страница на Стопанска банка.