Асоцијацијата за е-трговија на Северна Македонија (АЕТСМ) и Министерството за дигитална трансформација потпишаа Меморандум за соработка, со кој Министерството официјално пристапува како почесен член на Асоцијацијата.

Меморандумот воспоставува рамка за институционална соработка во областите на е-трговијата, дигитализацијата, вештачката интелигенција, дигиталните вештини и иновациите, со цел забрзување на дигиталната трансформација и развојот на дигиталната економија во земјата.

На состанокот беше истакната важноста на е-трговијата како интегрален дел од дигиталната економија и како клучен двигател на конкурентноста на микро, малите и средните претпријатија. АЕТСМ ја нагласи својата улога во поддршка на бизнис-секторот преку развој на нови онлајн продажни канали, едукација, истражувања и иницијативи за унапредување на пазарот.

Во рамки на соработката, страните ќе разменуваат информации, анализи и експертиза, ќе учествуваат на заеднички настани и обуки, ќе развиваат едукативни и развојни програми и ќе разгледуваат можности за заедничка подготовка и реализација на проекти на национално и меѓународно ниво.

„Поттикнување на дигитализацијата на бизнис секторот е еднакво важна како и дигитализацијата на државната управа. Таа нуди нови можности за раст на бизнисите, поголеми приходи, рационализација на расходи и простор за иновации. Оттука, партнерството со Асоцијацијата за е-трговија сметаме дека ќе придонесе кон поголема мобилизација на бизнис секторот во насока на откривање на можностите кои ги нудат новите алатки.” – истакна г-дин Андоновски

Асоцијацијата изрази подготвеност да придонесе во имплементацијата на Стратегијата за дигитализација „Смарт МК 2030“, особено во делот на дигитализација на ММСП, развој на дигитални вештини и поттикнување на безготовинските плаќања.

„Е-трговијата не е само уште еден канал на продажба – таа е инфраструктура на модерната економија. Преку оваа соработка со Министерството за дигитална трансформација, правиме чекор кон системско позиционирање на е-трговијата како двигател на дигиталната економија и конкурентноста на македонските компании.” – истакна Ангеловска-Станков, Претседателка на АЕТСМ.

Дополнително, на средбата се разговараше за важноста од стимулирање на безготовинските плаќања и можните заеднички иницијативи во таа насока, кои во наредниот период ќе бидат дополнително разгледувани и разработувани.

Министерството за дигитална трансформација денеска потпиша Меморандум за соработка со компанијата Visa, со што се отвора нова фаза во развојот на дигиталните јавни услуги и модернизацијата на административните процеси во земјата. Меморандумот го потпишаа министерот за дигитална трансформација, Стефан Андоновски, и Ана Драшковиќ, потпретседателка и генерална директорка на Visa за Југоисточна Европа.

Со ова партнерство, двете страни ќе работат на унапредување на дигиталниот идентитет, развој на дигитален паричник и примена на современи технологии за дигитални плаќања, со цел зголемување на достапноста, ефикасноста и квалитетот на електронските државни услуги за граѓаните и деловните субјекти.

Во фокусот на соработката се:

-Унапредување на дигиталниот идентитет и функционалностите за плаќање на Националниот портал за е-услуги uslugi.gov.mk и мобилната апликација m.Uslugi;

-Развој на инфраструктура за прифаќање дигитални плаќања на шалтерите во институциите од јавниот сектор;

-Промоција и подигнување на свеста за придобивките од е-услугите и електронските плаќања кај граѓаните, бизнисите и државните службеници.

Министерот Андоновски истакна дека дигитализацијата на услугите и воведувањето сигурни и едноставни начини на електронско плаќање се клучни за изградба на модерна и ефикасна јавна администрација.

„Нашата цел е јасна – помалку време на шалтери, повеќе услуги достапни онлајн и современи, сигурни начини на плаќање каде што е потребно. Со оваа соработка правиме конкретен чекор кон дигитална држава што работи во интерес на граѓаните“, изјави Андоновски.

Со потпишувањето на Меморандумот, Министерството за дигитална трансформација продолжува со имплементација на конкретни решенија за поедноставување на процедурите, намалување на административниот товар и подобрување на корисничкото искуство во користењето на јавните услуги.

Илон Маск, извршниот директор на „Tesla“ и „SpaceX“, повторно алармира за сериозните ризици од растечкиот јавен долг на САД, предупредувајќи дека земјата се соочува со „практичен финансиски колапс“ доколку не се забрза технолошкиот развој и не се стави под контрола задолжувањето.

Според Маск, националниот долг на САД надминува 38,5 трилиони долари, додека годишните каматни плаќања се приближуваат до 1 трилион долари, износ што е поголем од буџетот за одбрана. Ова, како што истакнува Маск, создава сериозен фискален притисок и ја ограничува долгорочната економска стабилност.

„Без значителни иновации во вештачката интелигенција и роботиката, САД 1.000 проценти ќе банкротираат“, изјави Маск, нагласувајќи дека токму технолошкиот напредок може да обезбеди побрз економски раст и да ѝ даде на земјата време за фискална консолидација.

Тој додава дека развојот на напредните технологии може да доведе и до дефлациски притисоци, поради побрз раст на производството и услугите во однос на паричната маса, што дополнително го зголемува реалниот товар на долгот.

Иако, статусот на доларот како светска резервна валута ѝ овозможува на Америка поголема флексибилност во задолжувањето, Маск предупредува дека таквиот модел не е одржлив без сериозни инвестиции во технологија и продуктивност.

Во услови на растечки буџетски дефицити и зголемена загриженост за одржливоста на јавните финансии, пораката на Маск повторно ја отвора дебатата за улогата на иновациите како клучен фактор за долгорочна финансиска стабилност.

Фото: gazeta.ru