Системот „МојДДВ“ е повторно во функција, информира Управата за јавни приходи.

Оттаму соопштија дека е извршено унапредување на системот, а планираните активности за миграција на нова ИТ инфраструктура успешно завршиле вчера попладне.

Со надградбата, според УЈП, се обезбедува поголема сигурност, побрза работа и поголема достапност на услугата за сите корисници.

Апликацијата „МојДДВ“ од вчера, 23 јуни 2026 година, од 16 часот е целосно функционална, стабилна и достапна за користење. Граѓаните можат да продолжат со скенирање на своите фискални сметки.

Управата за јавни приходи (УЈП) информира дека денеска, 23 јуни 2026 година, од 12:00 часот апликацијата „МојДДВ“ привремено ќе биде недостапна поради техничка надградба на системот.

Од УЈП соопштуваат дека прекинот е поврзан со миграција на системот на нова инфраструктура, со цел да се обезбедат поголема сигурност, стабилност и достапност на услугата за корисниците.

Надлежните посочуваат дека апликацијата повторно ќе биде ставена во функција веднаш по завршувањето на планираните активности.

Од Управата за јавни приходи им се заблагодаруваат на граѓаните за разбирањето и трпението за време на техничката надградба.

Македонската берза најави дека јубилејната 25. Годишна конференција ќе се одржи од 21 до 23 септември 2026 година во хотелскиот комплекс „Метропол Лејк Ресорт“ во Охрид.

Како што информираат од Берзата, конференцијата претставува еден од најзначајните финансиски настани во земјата, на кој ќе учествуваат експерти од Македонија и регионот. Учесниците ќе имаат можност да проследат презентации и панел-дискусии посветени на актуелни теми од финансиската индустрија, како и да разменат искуства и да воспостават нови професионални контакти.

Организаторите најавуваат присуство на реномирани говорници и експерти, а деталната агенда и начинот на регистрација ќе бидат објавени дополнително.

Конференцијата ќе се одржи во период кога финансискиот сектор се соочува со нови предизвици и можности, што се очекува да биде една од клучните теми на годинешниот собир.