Банки
ПроКредит Куманово на нова локација во строгиот центар на градот
ПроКредит Банка продолжува со активно ширење и модернизирање на својата мрежа. Вчера официјално започна со работа новата експозитура во Куманово, во строгиот центар на градот на улицата Моша Пијаде број 18, во рамките на трговскиот центар Сума.
Ова е една од најголемите филијали на ПроКредит банка, која со својот модерен дизајн и проширени капацитети нуди современо искуство за своите клиенти кои можат брзо и лесно да пристапат до сите модерни банкарски услуги.

Покрај современиот ентериер и дигиталните услуги, клиентите на банката ќе наидат и на тим од посветени професионалци, стручни да понудат брза и персонализирана услуга, како и советодавна поддршка за своите клиенти со цел да донесат правилни и информирани одлуки.
„Во ПроКредит Банка задоволството и удобноста на нашите клиенти се наши најголеми приоритети. Токму затоа остануваме посветени на континуирано унапредување на мрежата на филијали со решенија кои ќе ги задоволат потребите и ќе понудат технолошки напредни решенија. Пример за ова се 24/7 зоните, опремени со модерни банкомати коишто во секое време овозможуваат уплати и исплати во денари и евра, како и користење на сефови за дневен промет за бизнис корисниците“, велат од ПроКредит Банка.

Покрај подобреното искуство за клиентите, новата филијала овозможува и попродуктивна и поудобна работна средина за своите вработени, зголемувајќи ја нивната ефикасност и задоволство.
По филијалата во Куманово се очекуваат нови и модернизирани решенија за уште неколку постоечки филијали, но и отворање на нови локации. Сите информации за услугите во 24/7 зоните се достапни на веб страницата на ПроКредит Банка.

Банки
Комерцијална банка предупредува на измамнички мејлови што содржат вирус
Комерцијална банка АД Скопје предупреди дека е забележана измамничка кампања преку која до граѓаните се испраќаат лажни пораки по електронска пошта.
Испраќачите лажно се претставуваат во име на Комерцијална банка, информираат за наводно извршено плаќање и испраќаат прикачен фајл што содржи вирус.
Од банката предупредуваат дека со отворање на фајлот, примателот се изложува на сериозен ризик, бидејќи може да се овозможи пристап до лозинки и други доверливи информации зачувани на уредот.
Граѓаните се повикуваат да не го отвораат прикачениот фајл и веднаш да ја избришат пораката.

Од Комерцијална банка посочуваат дека лажните пораки најчесто бараат итна реакција и се однесуваат на важни теми, како приливи или одливи на средства, опасност од губење пристап до сметка или слични предупредувања.
Ваквите пораки често содржат граматички и правописни грешки, поради што корисниците треба внимателно да ја прочитаат содржината и задолжително да ги проверат називот и доменот на електронската адреса на испраќачот.
Целта на ваквите измами е прибирање чувствителни податоци или инсталирање злонамерен софтвер на уредите, предупредуваат од банката.
Банки
Девизните резерви на Народната банка во јуни зголемени за два отсто на годишно ниво
Девизните резерви на Народната банка на Република Северна Македонија на крајот на јуни изнесувале 4,15 милијарди евра, што претставува раст од околу два отсто во споредба со истиот месец минатата година, кога изнесувале 4,07 милијарди евра.
Сепак, на месечно ниво е забележано намалување. Во однос на мај, девизните резерви во јуни се намалиле за 4,4 отсто, покажуваат податоците на Народната банка.
Вкупните меѓународни резерви на крајот на јуни изнесувале 4,94 милијарди евра, наспроти 5,21 милијарда евра во мај и 4,70 милијарди евра во јуни минатата година.
Од вкупните девизни резерви, 511,5 милиони евра биле во валути и депозити, додека 3,64 милијарди евра биле вложени во хартии од вредност.
Вредноста на монетарното злато во јуни изнесувала 780,5 милиони евра, што е повеќе во споредба со 620,55 милиони евра во истиот период минатата година, но помалку од 863,44 милиони евра регистрирани во мај.
Банки
Шпаркасе Банка ги промовира услугите достапни преку S-Banka мобилната апликација
Шпаркасе Банка АД Скопје ги потсетува клиентите на можностите што им се достапни преку мобилната апликација S-Banka, со која корисниците можат да управуваат со своите финансии во секое време и од кое било место.
Според објавата на банката, преку апликацијата клиентите можат да плаќаат сметки без трошоци, да аплицираат за онлајн потрошувачки кредит, да отворат онлајн депозит, како и да го проверат PIN-кодот на својата картичка.
Дополнително, S-Banka овозможува блокирање картичка кога е потребно, онлајн аплицирање за кредитна картичка и поднесување барање за дозволено пречекорување на сметка.
Од Шпаркасе Банка посочуваат дека мобилната апликација е наменета за поедноставно и побрзо банкарско искуство, без потреба од чекање во редови и посета на филијала.

Повеќе информации за услугите достапни преку S-Banka се објавени на официјалните канали на банката.
-
Останатопред 2 месеци
Почна исплатата на средствата од МојДДВ за првиот квартал од 2026 година
-
Бизниспред 2 месециОд полноќ нови цени на горивата
-
Бизниспред 2 месециДизелот од полноќ поевтинува за 4 денари
-
Банкипред 2 месециХалкбанк со кредитна линија за поддршка и развој на одржлива земјоделска активност во соработка со Европскиот фонд за Југоисточна Европа (ЕФСЕ)
-
Банкипред 2 месециНЛБ Банка со зголемен максимален износ на станбените кредити и нова промоција – Без манипулативни трошоци и трошоци за проценка
-
Банкипред 1 месецХалкбанк АД Скопје информираше дека пензиите за месец мај се веќе исплатени и достапни за корисниците
-
Банкипред 1 месецАЛТА Банка: Денеска започнува исплатата на мајските пензии
-
Советипред 1 месец
УЈП: За користење на „МојДДВ“ задолжителна е регистрација во е-Даночни услуги

