Оваа година, Народната банка одбележува 80 години институционализирано централнобанкарско работење во земјава – значаен јубилеј што сведочи за долгорочен, динамичен и одговорен институционален развој, обележан со постојани трансформации и приспособувања кон економските и општествените промени.

Институционалните темели на централнобанкарското работење во земјава беа поставени со Уредбата за спојување на кредитните претпријатија од државниот сектор од 25 септември 1946 година, со која Македонската стопанска банка беше определена како Централа на Народната банка на ФНРЈ за Народна Република Македонија. Тие беа дополнително зацврстени со фактичкото спојување со Народната банка на ФНРЈ на 19 октомври истата година. Со конституирањето на независната држава и со прогласувањето на монетарната самостојност во април 1992 година, Народната банка прерасна во самостојна централна банка, носителка на сите значајни функции на современото централно банкарство.

Во текот на изминатите осум децении, Народната банка работеше во различни општествени и економски околности, од периоди на стабилност и напредок до фази на длабоки трансформации. Притоа, постепено ги воспостави своите надлежности, функции и институционален интегритет на независна и современа централна банка на нашата држава.

Денес, Народната банка е модерна, професионална и кредибилна институција, со високо ниво на доверба кај јавноста и признат углед во меѓународните финансиски и централнобанкарски кругови. Преку доследно спроведување на своите законски цели – одржувањето на ценовната и финансиската стабилност, таа создава стабилни макроекономски услови и придонесува кон одржлив економски раст и развој на општеството.

Континуитетот, стабилноста и кредибилитетот на Народната банка се темелат врз професионалното знаење и искуство, интензивната меѓународна соработка, но пред сè врз трудот, посветеноста и одговорноста на генерации вработени и раководни лица кои го вградиле својот професионален век во институцијата. Токму оваа институционална зрелост ѝ овозможи на Народната банка успешно да се справува со сложени економски предизвици и периоди на зголемена неизвесност, оправдувајќи ја довербата на граѓаните како највреден капитал на секоја држава.

По повод јубилејот „80 години централнобанкарско работење“, Народната банка ќе оствари низа активности со кои ќе се одбележи богатото институционално наследство и ќе се афирмира улогата на централното банкарство во современото општество.

Со почит кон патеката трасирана од претходните генерации и со одговорност и визија за иднината, Народната банка го одбележува овој значаен јубилеј, уверена дека стабилноста, професионалноста и довербата ќе останат нејзини трајни вредности и во децениите што доаѓаат.

Замислете се себеси како навивате од трибините опкружени со неверојатната енергија на илјадници страсни навивачи, адреналин што се чувствува во воздухот и уникатно искуство што се памети цел живот. Ако некогаш сте сонувале да бидете дел од најпрестижниот светски фудбалски настан, шансите да го остварите вашиот сон се тука.

Пазарувајте со Visa НЛБ картичките и учествувајте во наградната игра на НЛБ Банка и Visa – „Навивај во живо на FIFA World Cup 26™“. Само една трансакција од минимум 500 денари може да ве однесе на најголемата фудбалска сцена во светот.

До 20 март 2026 година, љубителите на фудбалот и клиентите на НЛБ Банка имаат единствена можност да учествуваат во наградната игра „Навивај во живо на FIFA World Cup 26™“. Двајца среќни добитници ќе добијат пакет аранжмани за патување за двајца на четвртфиналето во Мајами, а ќе бидат доделени и триесет други вредни награди, овозможени од Visa. Главното извлекување на наградите е на 23 март, 2026 година.

Никогаш поблиску до трибините на „FIFA World Cup“

Секоја безготовинска трансакција од минимум 500 денари со која била Visa НЛБ картичка е вашата шанса да учествувате во извлекувањето. Двојно поголема можност за добивка ви носи секоја безготовинска трансакција со која била Visa НЛБ картичка од минимум 500 денари, направена преку NLB Pay. Без разлика дали купувате во продавница или онлајн, секоја трансакција се брои и ги зголемува вашите шанси да навивате од трибините на „FIFA World Cup 26™“. Можност за учество имаат сите иматели на Visa дебитни и Visa кредитни картички (Visa Debit, Visa Classic, Visa Gold).

Направете го победничкиот потег

Побарајте ја вашата нова Visa НЛБ картичка и не заборавајте да ја дигитализирате за уште поголеми шанси за победа. Единствено во НЛБ Банка можете да ја имате вашата Visa дигитална картичка веднаш, подготвена за плаќање. А кога пазарувате, не само што уживате во леснотијата и безбедноста со Visa НЛБ картичките, туку сте и чекор поблиску до извонредни награди. Патот до незаборавните моменти на „FIFA World Cup 26™“ започнува со само една трансакција.

Централна кооперативна банка АД Скопје доби согласност од Народната банка на Република Северна Македонија за вршење финансиска активност во областа на осигурување односно застапување во осигурувањето.

„Со Решение на Извршниот одбор на Народната банка на Република Северна Македонија, бр. 15-2820/2 од 11.2.2026 година, на Централна кооперативна банка АД Скопје и се издава претходна согласност за вршење на финансиска активност – застапување во осигурувањето“, се вели во соопштението објавено на Македонска берза.

Решението, донесено од Извршниот одбор на Народната банка, овозможува на Централна кооперативна банка да врши застапување во осигурителни услуги, со што се прошируваат нејзините можности за понуда на финансиски производи и услуги на клиентите.