Банки
Одбери модерна банка која е тука за тебе од самиот старт!
Доколку сте стартап компанија која влегува на пазарот и има потреба од квалитетна поддршка при управувањето со финансиите, тогаш овој пакет, создаден со карактеристики кои одговараат на уникатните потреби на бизнисите во развој, разликувајќи го од сè друго што моментално е достапно на пазарот, е вистинскиот избор за вас.
Стартап пакетот е дизајниран за сите нови бизниси и го олеснува начинот на кои се управува со финансиите.
Разбирајќи ги предизвиците со кои се соочуваат стартапите, ПроКредит во новиот пакет за стартапи вклучува:
- 0 ден провизија за одржување на сметка
- 0 ден платен промет во земјата
- Личен советник за бизнис клиенти
- Целосно електронско банкарско работење
- Автоматизирани приливи од странство со 0 ден провизија за обработка на прилив
- Најниски и фиксни провизии за промет со странство
- Можност за кредитирање по 12 месеци активност на компанијата
- Кредитна картичка

Личниот советник за бизнис клиенти e главна точка на комуникација со банката што ќе ви овозможи брзо и ефикасно да ги извршувате неопходните операции во банката. Советникот за клиенти нуди поддршка за да осигура дека ќе донесете информирани финансиски одлуки кои ќе доведат до раст и развој на вашиот бизнис.
Една од главните придобивки на стартап пакетот е целосно бесплатно одржување на сметката за првите 2 години од датумот на основање на компанијата. Како корисник на овој пакет ќе може да вршите неограничен број на трансакции во земјата со 0 денари надоместок.
Дополнително со најниски и фиксни провизии за трансакции со странски земји, како и со автоматизирани и бесплатни приливи од странство, ПроКредит Банка го прави меѓународниот бизнис полесен и поисплатлив.
За повеќе информации за Стартап пакетот контактирајте го вашиот иден советник за клиенти: Катерина 071 229 608 или Рената 070 376 969
Запознајте се со пакетите со сет услуги на ПроКредит банка за отворање на сметка. Надоместоците за дополнителни услуги и трансакции се прикажани во Тарифникот на Банката.
Банки
Народна банка домаќин на мисија на Европската комисија за јакнење на институционалната независност
Народна банка беше домаќин на TAIEX peer review мисија на Европската комисија, посветена на јакнењето на институционалната независност и размената на европски искуства и добри практики.
Од Народната банка истакнуваат дека независноста на централната банка претставува основа за одржување на стабилноста и довербата во финансискиот систем.
Преку посветеност на транспарентноста и отчетноста, Народната банка продолжува да го унапредува својот мандат во интерес на стабилноста на економијата.
Банки
Стопанска банка и годинава поддржувач на „Галичка свадба“
Стопанска банка АД – Скопје и годинава е пријател и поддржувач на традиционалната манифестација „Галичка свадба“, еден од најзначајните културни настани во Македонија.
Манифестацијата ќе се одржи од 10 до 12 јули во Галичник, каде повторно ќе оживеат традиционалните свадбени обичаи, народните носии и звуците на зурлите и тапаните.
Од банката посочуваат дека „Галичка свадба“ претставува симбол на љубовта, заедништвото и богатото македонско културно наследство, чии вредности се пренесуваат од генерација на генерација.

Со поддршката на настанот, Стопанска банка ја продолжува својата заложба за зачувување и промоција на традицијата и културните вредности.
Банки
Комерцијална банка предупредува на измамнички мејлови што содржат вирус
Комерцијална банка АД Скопје предупреди дека е забележана измамничка кампања преку која до граѓаните се испраќаат лажни пораки по електронска пошта.
Испраќачите лажно се претставуваат во име на Комерцијална банка, информираат за наводно извршено плаќање и испраќаат прикачен фајл што содржи вирус.
Од банката предупредуваат дека со отворање на фајлот, примателот се изложува на сериозен ризик, бидејќи може да се овозможи пристап до лозинки и други доверливи информации зачувани на уредот.
Граѓаните се повикуваат да не го отвораат прикачениот фајл и веднаш да ја избришат пораката.

Од Комерцијална банка посочуваат дека лажните пораки најчесто бараат итна реакција и се однесуваат на важни теми, како приливи или одливи на средства, опасност од губење пристап до сметка или слични предупредувања.
Ваквите пораки често содржат граматички и правописни грешки, поради што корисниците треба внимателно да ја прочитаат содржината и задолжително да ги проверат називот и доменот на електронската адреса на испраќачот.
Целта на ваквите измами е прибирање чувствителни податоци или инсталирање злонамерен софтвер на уредите, предупредуваат од банката.
-
Останатопред 2 месеци
Почна исплатата на средствата од МојДДВ за првиот квартал од 2026 година
-
Банкипред 2 месециХалкбанк со кредитна линија за поддршка и развој на одржлива земјоделска активност во соработка со Европскиот фонд за Југоисточна Европа (ЕФСЕ)
-
Банкипред 2 месециНЛБ Банка со зголемен максимален износ на станбените кредити и нова промоција – Без манипулативни трошоци и трошоци за проценка
-
Банкипред 1 месецХалкбанк АД Скопје информираше дека пензиите за месец мај се веќе исплатени и достапни за корисниците
-
Банкипред 1 месецАЛТА Банка: Денеска започнува исплатата на мајските пензии
-
Советипред 2 месеци
УЈП: За користење на „МојДДВ“ задолжителна е регистрација во е-Даночни услуги
-
Банкипред 1 месецКомерцијална банка АД Скопје: Исплатата на пензиите почнува од 1 јуни
-
Колумнипред 2 месеци
Најважни менаџерски вештини во дигиталното деловно опкружување

