Connect with us

Банки

ВНИМАВАЈТЕ: НЛБ и Шпаркасе Банка повторно изложени на phishing напади

Објавено

пред 11 месеци

на

Во изминатиов период се случуваат повеќекратни обиди за phishing напади каде преку SMS пораки за недоставена пратка преку Македонска пошта („погрешна адреса“ или „вратена пратка“) од примачот се бара на лажна веб страница да остави свои лични податоци и податоци за платежната картичка.

Кога примачот ќе ги внесе податоците, напаѓачите прават трансакции преку интернет со податоците од картичката.

“НЛБ банка апелира до своите клиенти да внимаваат и да не наседнуваат на СМС пораките со содржина за наводни поштенски пратки. Се работи за обид со цел злоупотреба на личните податоци и а финансиските средства, предупредуваат од Банката. Доколку добиете СМС порака со ваква содржина, ве молиме не ги споделувајте податоците од вашата платежна картичка, ниту пак вашите лични податоци. Се работи за лажни СМС пораки преку кои се прави обид за измама, односно злоупотреба на вашите лични податоци и финансиски средства.“ се вели во објавата упатена кон сите што имаат сметки во НЛБ банка.

“Доколку сте кликнале на линкот од SMS пораката и сте оставиле податоци за Вашата платежна картичка, преку системите за електронско или мобилно банкарство поставете ги Вашите лимити за интернет плаќања на 0 мкд и веднаш јавете се на контакт центарот на Шпаркасе Банка 02/15050 за да ја блокирате картичката. За да се заштитите од тековните напади, доколку сте добиле таква SMS порака, немојте да оставате Ваши лични податоци или број на картичка, CVV2 број (трицифрениот број испечатен на задната страна на Вашата картичка) или датум на истекување на картичката.” известуваат од Шпаркасе Банка.

Генерално, советот е секогаш да бидете скептични кога ќе добиете порака која не сте ја очекувале. Не отворајте линкови кои ги имате добиено преку SMS или електронска пошта, туку сами внесете ја соодветната адреса на сајтот во пребарувачот. При плаќање со ОТП код секогаш проверувaјте го износот наведен за потврда на трансакцијата.

Слични Теми:

Банки

НЛБ Банка со известување до своите клиенти: Личните податоци во видеото не потекнуваат од нашите системи

Објавено

пред 14 часа

на

НЛБ Банка АД Скопје ги известува своите почитувани клиенти дека на социјалните мрежи се појави видео во кое се прикажуваат лични податоци кои се поврзуваат со НЛБ Банка.

По направената темелна анализа, се утврди дека овие податоци не потекнуваат од системите на Банката и нема нарушување на безбедноста на сервисите на Банката. Случајот е пријавен до сите надлежни институции за преземање на соодветни мерки.

Заштитата на информациите и средствата на клиентите е највисок приоритет на НЛБ Банка.

„Ги уверуваме нашите клиенти дека системите на Банката работат според најнапредните безбедносни стандарди и дека нивните податоци и финансиски средства се безбедни“, велат од НЛБ Банка.

Продолжи со читање

Банки

ТТК Банка започна со исплата на паричните права од социјална, детска и цивилна заштита

Објавено

пред 19 часа

на

ТТК Банка АД Скопје ги известува своите почитувани клиенти дека oд денес – 05.12.2024 година започна со исплата на паричните права од социјална, детска и цивилна заштита (сите парични права) за месец ноември 2024 година за корисниците кои ја примаат паричната помош на нивната платежна сметка во Банката.

Корисниците на Visa и Mastercard® дебитните картички можат да располагаат со средствата од денес – 05.12.2024 година, преку мрежата на банкомати и во трговската мрежа.

За корисниците кои не користат картички, исплатата да се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

  • 05.12.2024 – А, Б, В, Г, Д, Ѓ, Е, Ж, З, Ѕ; И, Ј, К, Л, Љ
  • 06.12.2024– М, Н, Њ, О;П, Р С, Т, Ќ, У, Ф, Х, Ц, Ч, Џ, Ш

ТТК Банка препорачува средствата да се користат првенствено со безготовински плаќањa во трговската мрежа, со плаќања преку интернет банкарство TTK E-bank или мобилната апликација TTK M-bank, или да се подигнуваат без провизија со дебитните картички преку мрежата на банкомати на ТТК Банка АД Скопје.

Продолжи со читање

Банки

Бојан Стојаноски именуван за заменик-претседател на Македонската банкарска асоцијација

Објавено

пред 24 часа

на

Македонската банкарска асоцијација со задоволство ја информира јавноста дека на 48. Седница на Собранието го именуваше г-дин Бојан Стојаноски за заменик-претседател на Асоцијацијата, со мандат од четири години.

Г-дин Стојаноски е истакнат банкарски професионалец со повеќе од 25 години искуство во банкарскиот сектор, од кои 15 години на раководни позиции. Тој е долгогодишен и активен член на Македонската банкарска асоцијација уште од нејзиното основање, при што се истакна со својот значаен придонес како претседавач на Комисијата за реструктурирање корпоративен долг.

Моментално, г-дин Стојаноски е Генерален директор за управување со ризици и член на Управниот одбор на Стопанска банка АД – Скопје, функција што ја извршува од март 2020 година. Неговото професионално портфолио вклучува и високи раководни позиции во Халк Банка АД – Скопје. Дополнително, тој бил член на Управниот одбор и втор Генерален директор на КБ Прво пензиско друштво АД – Скопје.

Македонската банкарска асоцијација e уверена дека неговото искуство, стручност и посветеност ќе донесат голем придонес во остварувањето на целите на Асоцијацијата.

Македонската банкарска асоцијација му честита на г-динот Стојаноски и му посакува многу успех на новата функција.

Продолжи со читање

Популарно