Глобалните финансиски пазари во вторникот останаа релативно стабилни, додека цената на нафтата порасна поради геополитичките тензии на Блискиот Исток. Во исто време, јапонскиот јен зајакна откако Централната банка на Јапонија одлучи да ја задржи краткорочната каматна стапка непроменета.

Централната банка ги остави каматните стапки на ниво од 0,75%, но одлуката не беше едногласна – тројца од деветте членови на управниот одбор предложиле нејзино зголемување. Оваа поделба на гласовите се толкува како сигнал дека во наредниот период е можно постепено затегнување на монетарната политика.

Инвеститорите со внимание ги следат и коментарите на гувернерот Казуо Уеда, барајќи индиции за тоа како продолжените геополитички тензии и високите цени на енергенсите би можеле да влијаат врз идните одлуки на централната банка.

По одлуката на централната банка, јапонскиот јен зајакна на околу 159,12 јени за американски долар, задржувајќи се близу до психолошката граница од 160. Тоа ниво внимателно се следи на пазарите поради можноста јапонските власти да интервенираат за поддршка на валутата.

Во меѓувреме, јапонскиот берзански индекс „Nikkei 225“ благо се повлече од рекордните нивоа достигнати претходниот ден, додека пазарите на државни обврзници покажаа умерени осцилации по објавувањето на одлуката на централната банка.

Силк Роуд Банка нуди дигитална услуга која им овозможува на граѓаните да отворат платежна сметка онлајн, користејќи го системот за електронска идентификација OneID. Со оваа услуга, банката прави чекор поблиску до целосно дигитално банкарство.

Процесот започнува со едноставно пополнување на апликативна форма, со што корисникот дава согласност банката да го преземе неговиот дигитален идентитет преку платформата OneID. Потоа, во зависност од тоа дали корисникот веќе има креиран дигитален идентитет, постапката се одвива на два начина.

Корисниците кои веќе имаат активен OneID ќе добијат нотификација на својот мобилен уред дека банката бара пристап до нивниот идентитет, по што треба да ја потврдат согласноста преку апликацијата. По потпишувањето, добиваат е-пошта или СМС порака за продолжување на процесот на внесување податоци.

За оние кои немаат креирано дигитален идентитет, банката испраќа упатства за инсталирање на OneID апликацијата и креирање на профил. По завршување на регистрацијата, корисникот добива барање за согласност за преземање на податоците од страна на банката.

Со онлајн аплицирањето, клиентите потврдуваат дека се запознаени и се согласуваат со условите за користење, вклучително и рамковниот договор, тарифите и правилата за електронска идентификација. Дополнително, потребно е да се изјаснат дека не се носители на јавна функција, немаат САД индиции и се резиденти на Северна Македонија.

Од банката информираат дека услугата не е достапна за нерезиденти, малолетни лица и политички изложени лица, како и за граѓани со САД индиции.

Се нагласува дека КИБС АД Скопје, како оператор на OneID, функционира како независен контролор на личните податоци. Со давање согласност, корисниците дозволуваат преземање на нивните лични и контакт податоци, како и податоци од Централниот регистар на население, неопходни за отворање на платежната сметка.

НЛБ Банка успешно ги заокружи првите три месеци од годинава, покажува анализата на финансиските резултати на Банката за периодот од 01.01.2026 до 31.03.2026 година. Како резултат на доследно спроведување на планот за 2026 и иницијативите од „Стратегијата 2030“, оперативната ефективност и засилените продажни активности, но и ефикасното управување со ризиците и унапредување на корисничкото искуство, во првиот квартал од годината, НЛБ Банка забележа раст во сите сегменти од деловното работење.

Во анализираниот период, НЛБ Банка оствари нето добивка во износ од 732,2 милиони МКД, а вкупната актива на Банката достигна 154,3 милијарди МКД, што претставува годишен раст од 21,7%.

Потврдувајќи ја својата улога на активен финансиер на реалната економија, НЛБ Банка ги зголеми кредитите кон небанкарскиот сектор на 104,7 милијарди МКД, што претставува годишен раст од 21,8%. Истовремено, потврда за големата доверба на депонентите е и зголемувањето на депозитната база на Банката на годишно ниво за 15,8%, при што депозитите на комитенти достигнаа 116,6 милијарди МКД.

Иновации, одржливост и раст фокусиран на клиентите

Како еден од двигателите на иновации во банкарскиот сектор во земјата, НЛБ Банка во првиот квартал од 2026 година, направи динамичен исчекор преку активности насочени кон одржлив раст, дигитална трансформација и унапредување на корисничкото искуство.

Во март годинава, НЛБ Банка обезбеди 30 милиони евра од ЕБОР од Рамката за финансирање поврзана со зелени резултати на Западен Балкан (WB GOLD), позиционирајќи се како носител на првиот, и до сега најголем кредит во земјата за поддршка на зелената транзиција на бизнис секторот.

Фокусот кон идните генерации и нивната финансиска независност беше заокружен со лансирањето на пакетот за млади „NLB Next“.

Истовремено продолжи и модернизацијата на експозитурите како дел од проектот за трансформација на деловната мрежа на Банката, во рамките на кој беше отворена нова, современа експозитура во центарот на Скопје.

Активностите беа надополнети и со низа општествено одговорни иницијативи во насока на поддршка на спортот, културата и образованието. 

Награди и признанија

Во првиот квартал, НЛБ Банка доби две престижни признанија – по осми пат „Најдобра банка“ во Македонија и за прв пат, „Најдобра дигитална банка“ во регионот на Централна и Источна Европа според критериумите на финансискиот магазин EMEA Finance Europe од Лондон. Признанијата се потврда за извонредните перформанси и отпорноста, иновациите и трансформативната улога на Банката кон дигиталните технологии и вештачката интелигенција, како и обликувањето на иднината на банкарството во земјата и споменатиот регион.

Трансформацијата како двигател кон „Стратегијата 2030“

НЛБ Банка и натаму ќе продолжи да биде поддршка на населението и бизнис секторот во земјата, давајќи притоа значаен придонес во макроекономскиот и финансискиот амбиент на државата. Годинава, а во рамки на „Стратегијата 2030“, Банката ќе реализира повеќе стратешки иницијативи поврзани со дигитално вклучување на правните лица, дигитализација на дополнителни кредитни продукти за домаќинствата, инстант плаќањата, надградба на платформата за Контакт-центарот и имплементација на вештачка интелигенција. Во 2026 година, продолжуваат следните фази од трансформација на деловната мрежа на Банката, активностите од стратегијата за транзиција во управувањето со готовината, програмата за луѓе, таленти и организациска култура, но и вложувања во заедницата преку активности за поддршка на спортот, културата, образованието и ранливите категории граѓани.