Connect with us

Банки

Комерцијална банка: Внимавај на обиди за злоупотреба на картички со СМС и e-mail пораки од лажна веб страница

Објавено

на

Комерцијална банка предупредува дека е забележана измамничка кампања, зад која стои лажна веб-страница која се испраќа преку СМС и e-mail пораки со цел злоупотреба на финансиски податоци.

Заштити ги твоите платежни картички од можна злоупотреба и не кликај на линк добиен преку СМС или e-mail порака за наводна „погрешна адреса“ или „вратена пратка“. Со цел да се заштитиш од злоупотреба, воопшто не споделувај податоци од картичката на сомнителни страни.

Комерцијална банка обезбедува сигурни плаќања со безбедносниот процес 3DES, што го имаат сите Mastercard и Visa картички на банката.

Како да извршиш безбедно онлајн купување?

✅ Провери дали називот на трговецот и износот во СМС пораката се совпаѓаат со називот содржан во адресата на страната каде се врши плаќањето (URL),

✅ Ако податоците се идентични, внеси го кодот во прозорецот што се отвора на интернет-страницата и го содржи истото име на трговец како она во СМС пораката,

✅ Кликни Испрати и почекај потврда за (не)успешно реализирана трансакција,

✅ Доколку се сомневаш во можна злоупотреба на твојата картичка, веднаш треба да ја блокираш или да ги намалиш лимитите за нејзино користење преку м-Банка, Интернет банка или со јавување на телефонскиот број (+389 2) 3247-474, кој е достапен 24/7.

Повеќе совети за безбедно користење на картичките дознај на следниот линк: https://kb.mk/soveti-karticki.nspx

Банки

НЛБ Банка со промотивна понуда за потрошувачки кредити до 2,5 милиони денари

Објавено

на

НЛБ Банка објави промотивна понуда за потрошувачки кредити во износ до 2.500.000 денари, со фиксни каматни стапки и брзо одобрување.

Според понудата, клиентите кои ќе аплицираат преку мобилната апликација мКлик можат да добијат кредит со фиксна каматна стапка од 5,6 проценти, додека за апликациите поднесени во експозитурите на банката е предвидена фиксна каматна стапка од 5,7 проценти.

Од НЛБ Банка информираат дека процесот на одобрување трае само неколку минути, а промотивната понуда ќе биде достапна до 31 август.

Продолжи со читање

Банки

Славески им посака успешна пракса на студентите во Народната банка

Објавено

на

Гувернерот на Народната банка, Трајко Славески, ги пречека студентите кои ова лето ќе ја извршуваат својата практична работа во институцијата, охрабрувајќи ги максимално да ја искористат можноста за професионален развој и стекнување практични знаења.

На средбата, одржана во Музејот на Народната банка, Славески истакна дека младите се важен дел од иднината на централното банкарство и ги повика активно да учат, да поставуваат прашања и да бидат отворени за нови идеи.

Настанот се организира во годината кога Народната банка одбележува 80 години од развојот на централното банкарство, јубилеј што ја нагласува улогата на институцијата во зачувувањето на довербата во националната валута и одржувањето на макроекономската стабилност.

Во текот на практичната работа, студентите ќе имаат можност да се запознаат со функционирањето на повеќе организациски единици во Народната банка, меѓу кои секторите за монетарна политика и истражување, финансиски пазари, статистика, информатичка технологија, правни работи и трезорско работење, со цел да добијат поширок увид во работата на современа централна банка.

Продолжи со читање

Банки

Големо признание за НЛБ: Избрана меѓу 36 институции кои ќе го тестираат дигиталното евро

Објавено

на

Нова Љубљанска банка (НЛБ Групацијата) е избрана меѓу 36 банки и финтек компании кои ќе учествуваат во пилот-проектот на Европската централна банка (ЕЦБ) за тестирање на дигиталното евро.

Пилот-фазата треба да започне во втората половина на 2027 година и ќе трае 12 месеци. Во тој период ќе се тестираат техничките функционалности на дигиталното евро, неговата примена во секојдневните плаќања и корисничкото искуство пред евентуалното официјално воведување на новата европска дигитална валута.

Покрај НЛБ, во проектот учествуваат и големи европски банки, меѓу кои UniCredit, Deutsche Bank, Raiffeisen Bank и Piraeus Bank, како и водечки финтек компании како Revolut, Stripe, Nexi Payments, Satispay и хрватскиот CorvusPay.

Од Европската централна банка соопштија дека за повикот за учество биле доставени повеќе од 50 апликации, што, според институцијата, ја потврдува силната заинтересираност на приватниот сектор за развојот на европскиот систем за дигитални плаќања.

Членот на Извршниот одбор на ЕЦБ и претседател на работната група за дигиталното евро, Пјеро Чиполоне, изјави дека големиот интерес од пазарот ја потврдува подготвеноста на приватниот сектор активно да придонесе во развојот на проектот и во зајакнувањето на европскиот платен систем.

За време на тестирањето ќе се користи бета-верзија на дигиталното евро, а во проектот ќе бидат вклучени вработени во ЕЦБ, националните централни банки од еврозоната и избрани трговци. Корисниците ќе можат да тестираат различни видови трансакции, вклучувајќи плаќања во продавници, онлајн купувања и трансфери од лице до лице.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange