Connect with us

Банки

Јавен повик за учество на Собрание на акционери на Шпаркасе Банка АД Скопје

Објавено

на

Врз основа на член 30 став 4 и став 5 од Статутот на Шпаркасе Банка АД Скопје, Надзорниот одбор на

ШПАРКАСЕ БАНКА АД СКОПЈЕ
ДО АКЦИОНЕРИТЕ НА БАНКАТА ОБЈАВУВА

П О В И К
за учество на Собрание на акционери

 59-то Собрание на акционери на Шпаркасе Банка АД Скопје кое ќе се одржи на 04.12.2024 година (среда), со почеток во 12:00 часот, во седиштето на Шпаркасе Банка АД Скопје на ул. Васил Иљоски бр. 14 Скопје, со следниот 

ДНЕВЕН РЕД

1. Избор на претседавач со Собранието, Нотар и бројач на гласови;

2. Разгледување на Записник од 58.седница на Собранието на акционери;

3. Предлог Одлука за избор на друштво за ревизија на Шпаркасе Банка АД Скопје за 2024 година

4. Предлог Одлука за измена и дополнување на Статутот на Шпаркасе Банка АД Скопје

Се повикуваат акционерите да го пријават своето учество на Собранието.

Секој акционер кој има намера да учествува на Собранието на Банката, е должен да го пријави своето учество на Собранието (пријава за учество на Собранието) најдоцна пред почетокот на седницата на закажаното Собрание.

Приjавите да се достават до Банката – Кабинет на Управен одбор.

Собранието ќе одлучува само за прашања кои се уредно ставени на дневен ред, согласно Статутот на Банката и Законот за трговски друштва.

Гласањето по точките од дневниот ред ќе се врши на начин согласно Статутот и Законот за трговските друштва.

Секој акционер може да овласти свој полномошник со писмено полномошно, за што е должен да ја извести Банката по писмен пат или електронски. Податоците за начинот на испраќање на известувањата за полномоштвата и обрасците за гласање преку полномошник се достапни на официјалната интернет-страница на Банката www.sparkasse.mk.

Согласно Законот за трговските друштва, акционерите кои поединечно или заедно поседуваат најмалку 5% од вкупниот број на акции со право на глас, имаат право да доставуваат предлог за дополнување на дневниот ред и одлуки по точките од дневниот ред.

Акционерите можат да доставуваат предлози за вклучување на нови точки во дневниот ред, предози на одлуки и прашања и тоа во рок од 8 (осум) дена од денот кога е објавен јавниот повик, а подетални информации за постапката на доставување предлози и прашања може да се најдат на официјалната интернет-страница на Банката www.sparkasse.mk.

Барањето за вклучување на една или повеќе точки во дневниот ред на Собранието што е свикано, се испраќа до органот што го свикал Собранието на Банката, и тоа во рок од 8 (осум) дена од денот кога е испратена поканата, односно од денот кога е објавен јавниот повик за учество на Собранието.

Материјалите за Собранието на Банката и дополнителни информации согласно Законот за трговските друштва, им се достапни на акционерите од денот на објавувањето на овој повик, секој работен ден во просториите на Шпаркасе Банка АД Скопје и на интернет-страницата на Банката www.sparkasse.mk.

Банки

Пауел: ФЕД ќе почека со каматните стапки, трговските политики внесуваат зголемена економска неизвесност

Објавено

на

Гувернерот на американската централна банка (Федерални резерви), Џером Пауел, изјави дека ФЕД ќе ја задржи моменталната монетарна политика и ќе почека со евентуални промени на каматните стапки додека не добие појасни сигнали за насоката во која се движи економијата на САД.

Во своето обраќање, внимателно следено од економистите, инвеститорите и пазарните аналитичари, Пауел предупреди дека трговската политика на американската администрација, особено воведувањето царини, може да предизвика девијации од двата основни приоритети на ФЕД – ценовната стабилност (инфлација од околу 2%) и максималната вработеност.

„Економијата може да се соочи со предизвици доколку тарифите ги зголемат ценовните притисоци, а растот и пазарот на труд може да забават. Ова може да доведе до понатамошни отстапки од таргетираната инфлација од 2 проценти и максимална вработеност – двата основни приоритети на Фед“, изјави Пауел.

Тој ја опиша нестабилноста на пазарите како очекувана реакција на глобалните трговски тензии, но додаде дека сè уште нема индикации за системска економска криза која би барала итна интервенција на ФЕД. Сепак, предупреди дека ефектите од новите тарифи се посилни отколку што укажуваа дури и најпесимистичките сценарија.

„Ефектите од царините се посилни отколку што укажуваа дури и најпесимистичките сценарија на Фед, а растот на економијата видливо забавува. Потрошувачката е скромна, а зголемениот увоз во обид да се избегнат новите царини може негативно да се одрази врз бруто-домашниот производ. Дополнително, економското расположение кај бизнисите и потрошувачите се влошува“,нагласи Пауел.

Иако економијата формално останува во солидна состојба, Пауел забележа дека неизвесноста околу идните движења станува сѐ поголема. Неговите коментари веднаш предизвикаа реакција на Волстрит, американските технолошки и индустриски индекси бележат пад, а тргувањето продолжи во негативна насока.

ФЕД останува внимателен и фокусиран на новите макроекономски податоци, додека пазарните учесници будно ги следат сигналите за можни идни насоки на монетарната политика.

Продолжи со читање

Банки

Предупредување од Комерцијална банка: Забележана е нова измамничка e-mail кампања

Објавено

на

Комерцијална банка АД Скопје ја информира јавноста дека е детектирана нова форма на измамничка кампања преку електронска пошта, при што се испраќаат лажни пораки во име на Комерцијална банка и известува за пристигнат прилив.

Во рамки на оваа измамничка кампања, испраќачот користи стара e-mail порака, која на прв поглед изгледа како автентична комуникација од Комерцијална банка, при што ја проследува со додавање на текстот: „Почитуван клиент, приложена потврда за прилив.“

Овие пораки содржат прилог (attachment) со наслов од облик:
„Прилив-283-687…pdf….xz“ или „Прилив-83-679…pdf…rar“ кои во себе содржат злонамерна датотека.

Особено е важно да се обрне внимание на e-mail адресата на испраќачот, иако визуелно може да изгледа како да доаѓа од Банката, реалната адреса е:
[email protected], која не е од доменот на Комерцијална банка и претставува обид за фишинг.

Доколку добиете ваква порака, не ги отворајте прилозите, не ја препраќајте и избришете ја!

Целта на овие пораки е инсталирање на малициозен софтвер и/или прибирање лични податоци кои подоцна може да бидат злоупотребени. Комерцијална банка ги повикува сите корисници на електронска пошта да постапуваат внимателно, да проверуваат детално од кого доаѓа пораката и да не отвораат сомнителни прилози.

Споделете ја оваа информација со вашите колеги, пријатели и семејство за да се спречи потенцијална штета.

Продолжи со читање

Банки

Соопштение од Стопанска банка АД – Скопје: Неработни денови за велигденските празници

Објавено

на

Стопанска банка АД – Скопје ги информира своите клиенти дека поради претстојните велигденски празници, филијалите на Банката нема да работат на следните денови:

  • Петок, 18 април 2025 година – Велики Петок
  • Понеделник, 21 април 2025 година – Втор ден на Велигден

За време на празниците, на располагање ќе бидат сите i-bank дигитални услуги, вклучувајќи ги мобилното и електронското банкарство (m-banking и e-banking), банкоматите на Стопанска банка, како и широката партнерска мрежа на трговци кои прифаќаат картички издадени од Банката.

ЗАБЕЛЕШКА: Согласно официјалниот календар, МИПС плаќањата ќе бидат достапни само во петок, 18 април 2025 година.

Раководството и вработените на Стопанска банка АД – Скопје на сите клиенти и соработници им ги честитаат велигденските празници, со желби за здравје, среќа и благосостојба.

Продолжи со читање

Популарно