Именувани се нови членови на Надзорниот одбор на Развојна банка на Северна Македонија АД Скопје, се вели во соопштението објавено на Македонска берза.

„Врз основа на Решение на Владата на Република Северна Македонија за изменување на членови на Надзорниот одбор на Развојна банка на Северна Македонија oд 22 јули 2025 година, а согласно решенијата на Извршниот одбор на Народна банка на Северна Македонија од 10 октомври 2025 година, за членови на Надзорниот одбор на Развојна банка на Северна Македонија АД Скопје за период од 4 (четири години) сметано од 14 октомври 2025 година се именувани: Тања Михајловска Димитриевска, Андриана Матлиоска, Христина Келеман и – Александар Горѓиевски“, стои во соопштението. 

Со овие назначувања, Развојна банка ја засилува својата управувачка структура со стручност, искуство и посветеност кон долгорочниот финансиски развој на земјата, со цел поддршка на економскиот раст и развој на инвестициите во јавниот и приватниот сектор.

Мандатот на досегашните членови на Надзорниот одбор заврши со приемот на решенијата за новите членови на 14 октомври 2025 година, отворајќи ново поглавје во стратегиското управување и развој на Банката.

Вработените во Комерцијална банка уште еднаш го покажаа својот тимски дух, спортски елан и посветеност, освојувајќи златен медал во одбојка и сребрен медал во куглање на традиционалните спортски игри по повод Денот на штедењето.

Настанот, организиран од Синдикатот на финансиски организации на Македонија – СФОМ, ги обедини вработените од повеќе финансиски институции, кои се натпреваруваа во духот на спортот, соработката и пријателството.

Со освоените медали, КБ тимот уште еднаш потврди дека тимската работа, меѓусебната поддршка и позитивниот дух се вредности кои ја водат Банката и во работниот процес и надвор од него.

„Им честитаме на нашите колеги за заслужените медали и им посакуваме уште многу успеси“ – порачаа од Комерцијална банка.

Халкбанк АД Скопје ја реализира најавената кредитна линија во вредност од 12 милиони евра, во партнерство со Европскиот фонд за Југоисточна Европа (ЕФСЕ), насочена кон поддршка и развој на одржливо земјоделство и како и поттикнување на сигурен раст на трговците поединци, микро, малите и средни претпријатија.

Средствата ќе бидат достапни во наредните пет години за индивидуални земјоделци, трговци поединци, како и микро, мали и средни претпријатија, со цел полесен пристап до поволно финансирање за:

• Работен капитал
• Инвестициони потреби

Целта на кредитната линија е да овозможи финансиска поддршка за одржлив развој, модернизација на земјоделското производство и зголемување на конкурентноста на претпријатијата во сите сектори на економијата.

Услови на кредитната линија:

• Износ: од 5.000 до 250.000 евра
• Рок на отплата: до 5 години

Со оваа иницијатива, Халкбанк продолжува да ја реализира својата стратегија за поддршка на зеленото финансирање и зајакнување на локалната економија преку обезбедување пристапни извори на средства за оние кои создаваат реална вредност и развој во земјата, создавајќи можности за посилна економија и подобра иднина за домашните производители.