Connect with us

Банки

Богата програма на СинтЕЗа, настан кој ги обединува уметноста, технологијата и науката

Објавено

пред 5 месеци

на

Денес, 25 октомври, во Јавна Соба – Скопје ќе се одржи мултимедијалниот настан СинтЕЗа, организиран од Халкбанк. Овој уникатен неколкучасовен настан ќе ги обедини младите таленти од седум факултети на УКИМ, кои преку уметност, наука и технологија ќе ги споделат своите иновативни идеи и визии. Настанот ја слави креативноста и мултидисциплинарната соработка, и е отворен за сите љубители на културата и иновациите.

Програмата започнува со почеток од 16 часот со изложба на макети, истражувачки проекти и прототипови, каде студентите од архитектура, пејзажна архитектура и инженерство ќе ги водат посетителите низ нивните креации. Овие дела се плод на долгогодишна работа и посветеност, а изложбата од Факултетот за ликовна уметност ќе биде збогатена со звучна инсталација која доаѓа од талентираните студенти на музичките уметности, создавајќи синергија помеѓу визуелното и аудитивното искуство.

Во текот на вечерта, посетителите ќе имаат можност да уживаат и во театарска претстава подготвена од студентите на драмските уметности, која ќе понуди уникатно сценско искуство. Покрај театарот, ќе има и танцов перформанс кој преку движење ќе го долови духот на креативноста, додека музичките перформанси ќе додадат енергија на целиот настан, завршувајќи со опуштен Jam session.

Во духот на младешката креативност, вечерта ќе кулминира со проекција на кратки филмови и динамичен DJ сет од DJ Denzell, кој ќе ги задоволи сите со својот музички избор.

Покрај тоа, Халкбанк ќе го претстави и пакетот Halk EZ (Halk Easy), создаден за модерниот, дигитално ориентиран млад човек. Со Halk EZ, младите добиваат мобилно и електронско банкарство, Visa бесконтактна картичка и низа дигитални услуги, како GarminPay и SmartCash, кои го олеснуваат секојдневното живеење.

Овој настан посветен на иновациите, уметноста и технологијата е од отворен карактер, со слободен влез за сите љубопитни и креативни души.

Слични Теми:

Банки

ХАЛКБАНК УШТЕ ЕДНАШ НА ДЕЛО ЈА ПОКАЖА СВОЈАТА ГОЛЕМИНА – донираше 50.000 евра како поддршка за погодените од трагедијата во Кочани

Објавено

пред 1 час

на

Со длабоко сочувство и емпатија, Халкбанк АД Скопје стои во поддршка на сите погодени од трагедијата во Кочани. Во знак на солидарност, Банката донираше 50.000 евра на наменскиот фонд на Црвениот крст на Македонија, со цел да им помогне на семејствата на загинатите и повредените.

„Со голема тага ја примивме веста за оваа трагедија и изразуваме најискрено сочувство до семејствата настраданите. Нашите мисли се и со повредените, на кои им посакуваме брзо закрепнување и сила за надминување на овие тешки моменти“, велат од Халкбанк.

Халкбанк АД Скопје и понатаму ќе остане посветена на поддршката на заедницата, особено во моменти кога е најпотребна.

Продолжи со читање

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 2 дена

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Банки

Информација за одложување на 54. сесија на Клубот на истражувачите

Објавено

пред 2 дена

на

Народната банка ја информира јавноста дека се одложува 54. сесија на Клубот на истражувачите којашто требаше да се одржи на 27 март 2025 година (четврток), со почеток во 14:00 часот, во просториите на Народната банка.

За дополнителни информации и за новиот термин на одржувањето на сесијата на Клубот, јавноста ќе биде дополнително известена.

Продолжи со читање

Популарно