Connect with us
no baners

Банки

Митреска на настан на ЕБОР за младите претприемачи: Посилната вклученост на младите во бизнисот го зголемува потенцијалот на економијата

Објавено

пред 3 години

на

„Народната банка особено ги цени, ги вреднува и ги поддржува иницијативите коишто ја поткрепуваат посилната вклученост на младите во целокупното општество. Спојувањето на финансиите и знаењето се важни за поттикнување на младите во бизнисот, искористувањето на нивниот потенцијал и потенцијалот на економијата во целина“,  истакна вицегувернерката на Народната банка, Aна Митреска на настан во организација на Европската банка за обнова и развој, на кој се презентираа наоди од процената на пазарот спроведена во рамките на програмата на ЕБОР „Младите во бизнисот“.

Говорејќи за желбите на младите луѓе и фактичката состојба на пазарот на трудот, вицегувернерката Митреска истакна дека невработеноста кај младите во Европа е намалена во последната декада, од 20 % на 11 %, додека, пак, во македонската економија стапката исто така се намалува, но и натаму е значително повисока од таа во ЕУ и изнесува 25%. Таа истакна дека дури 45% од младите според анкетните истражувања на ЕК/ОЕЦД планираат да станат претприемачи по завршувањето на образованието, претпочитајќи да бидат самовработени. Сепак, само 5% од младите активно работат на развивањето бизниси во зародиш (стартап), а според официјалните статистички податоци само 6% од младите во ЕУ се самовработени. Притоа додаде: „Истражувањата укажуваат дека младите се соочуваат со посебни предизвици во пристапот до финансии бидејќи често се случува новите бизниси, вклучително и оние на младите луѓе, да останат надвор од периметарот на традиционалното банкарско финансирање поради недостаток на кредитна историја, недостаток на обезбедување, високи трансакциски трошоци и отсуство на соодветен финансиски инструмент“. Во обраќањето беше укажано дека е потребно вложување и во поддршката за развивање на бизнисот и зголемување на знаењата и вештините на младите лица, како и подобрување на пристапот до пазарите, структурите за институционална поддршка и правните аспекти коишто се исто така особено важни за деловната автономија на младите луѓе.

„Нашата улога како општество е да го премостиме јазот помеѓу желбите и можностите на младото претприемаштво. За таа цел, од посебен интерес за Народната банка е финансиската писменост, бидејќи пристапот до финансии за помладите бара повисоко ниво на финансиска писменост, како основа за посилна финансиска вклученост“, дополни Митреска, појаснувајќи дека со масовното навлегување на дигиталната технологија во светот на финансиите, веќе не е важна само конвенционалната финансиска писменост, туку и дигиталната.

Слични Теми:

Банки

Со картичките на АЛТА Банка 20 отсто попуст во SushiCo, SushiCo ZEN и Salvatore

Објавено

пред 5 часа

на

Корисниците на платежните картички на АЛТА Банка (СТББТ) можат да остварат 20 отсто попуст во рестораните SushiCo, SushiCo ZEN и Salvatore.

Од банката информираат дека понудата е дел од програмата за поволности наменета за клиентите кои плаќаат со нивните картички, овозможувајќи им заштеда при користење на угостителските услуги во овие ресторани.

„Резервирајте вечера во добра атмосфера и уживајте во одлична заштеда. Со платежните картички на ALTA Банка (СТББТ), добивате 20% попуст во SushiCo, SushiCo ZEN и Salvatore“, соопштија од банката.

Од АЛТА Банка додаваат дека секое уживање е уште подобро кога е проследено со дополнителна заштеда за клиентите.

Продолжи со читање

Банки

Комерцијална банка: Плаќање сметки без провизија и без чекање на дигиталните киосци

Објавено

пред 7 часа

на

Граѓаните можат брзо и едноставно да ги плаќаат сметките за струја, интернет и телефон преку дигиталните киосци на Комерцијална банка, без провизија и без чекање на шалтер.

Од Банката информираат дека на киосците може да се изврши плаќање кон ЕВН, ЕСМ Снабдување, Телеком, А1 и Телекабел со картичка од која било банка. Дополнително, корисниците на Интернет банка имаат можност бесплатно да испечатат извод од платежна сметка.

За полесно користење на услугата, до крајот на јуни во повеќе филијали и експозитури во Скопје ќе бидат присутни асистенти кои ќе им помагаат на клиентите при реализирање на плаќањата и запознавање со придобивките од дигиталните киосци.

Од Комерцијална банка посочуваат дека плаќањето сметки преку дигиталните киосци е достапно 24 часа дневно, седум дена во неделата, што им овозможува на граѓаните да ги завршат своите обврски и во денови кога останатите услуги не работат.

Локациите на дигиталните киосци се достапни на веб-страницата на Комерцијална банка.

Продолжи со читање

Банки

Комерцијална банка со поволности за корисниците на Visa Signature и Visa Gold картичките

Објавено

пред 1 ден

на

Комерцијална банка ги промовира поволностите што им се достапни на корисниците на Visa Signature и Visa Gold картичките преку програмата „Visa свет на придобивки“.

Преку оваа програма, клиентите можат да користат специјални попусти и ексклузивни понуди кај бројни партнери во земјата, регионот и низ светот. За пристап до поволностите потребна е регистрација на Visa ChatBot платформата преку апликациите Viber или Telegram.

По регистрацијата, корисниците можат да ја изберат опцијата „Privileges by Visa“ и веднаш да ги активираат достапните понуди. Системот овозможува добивање QR-код за користење на попустите или директен контакт со партнерите кои учествуваат во програмата.

Од Комерцијална банка посочуваат дека програмата е наменета за полесно и поповолно користење на картичките при шопинг, патувања и други услуги, овозможувајќи дополнителни бенефиции за корисниците на премиум Visa картичките.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange