Connect with us

Компании

Вработуваме новинар за банкарство и финансии

Објавено

на

www.bankarstvo.mk, водечка веб страна во областа на банкарство и финансии, е во потрага по иновативен новинар за придружување на нашиот тим. Оваа позиција претставува важен дел од нашата мисија да обезбедиме квалитетни и релевантни финансиски информации за нашата читателска публика.

Обврски и одговорности:
– Истражување, собирање и пишување на квалитетни вести и информации во областа на банкарството и финансиите.
– Креирање на креативни и привлечни текстови, статии и репортажи.
– Поврзување со експерти, банкарски институции и финансиски лидери за обезбедување на релевантни информации.
– Проактивно следење на трендовите во финансиската индустрија и објавување на актуелни содржини.

Квалификации:
– Искуство во новинарството или слична област.
– Знаење и интерес за банкарство, економија и финансии.
– Одлични комуникациски и пишувачки вештини.
– Способност за работа во тимско окружување и способност за соработка со различни оддели.

Предности:
– Познавање на WordPress платформата.
– Искуство во работа со различни медиумски платформи и социјални мрежи.
– Мотивација за постојано учење и усовршување во областа на банкарството и финансиите.

Понуда:
– Работа од дома.
– Флексибилни работни услови и можности за професионален развој.
– Конкурентно платено вработување и додатни бенефиции.

Како да аплицирате:
Сите заинтересирани кандидати може да испратат својата биографија и мотивациско писмо на [email protected]. Молиме вклучете “Апликација за новинар” во насловот на е-поштата.

Вашата пријава треба да вклучува примери од вашите објави како и други релевантни информации кои би сакале да ги споделите.

Рок за аплицирање: 17.01.2024 година.

www.bankarstvo.mk е поддржувач на различни форми на рамноправност во вработувањето. Сите квалификувани кандидати се потенцијални за вработување без разлика на раса, вероисповест, пол, сексуална ориентација, возраст, националност или било која друга карактеристика заштитена со закон.

Со почит,

Тимот на www.bankarstvo.mk

Компании

MINT Fintech Group: Осум години иновации и револуција во финансискиот сектор

Објавено

на

MINT Fintech Group, лидер во финтек индустријата во Македонија, вчера го одбележа својот 8-годишен јубилеј со свечен настан кој привлече истакнати претставници од деловниот свет и финансискиот сектор. Централна тема на вечерта беа ребрендирањето на компанијата и премиерата на нејзината иновативна мобилна апликација.

Новата апликација на MINT Fintech Group претставува интегрирано решение кое обединува клучни финансиски услуги – плаќања, осигурување, програми за лојалност, туристички услуги и менувачки курсеви – сè на едно место. Со современ дизајн и едноставност, апликацијата обезбедува врвно корисничко искуство и високо ниво на транспарентност.

Генералниот директор на MINT Fintech Group, Никола Јошевски, истакна дека компанијата влегува во нова ера со овој значаен проект: „Нашето ребрендирање и новата апликација не се само технологија – тие се визија за иднината на финансиските услуги во Македонија. Со овој чекор, ние создаваме нова платформа која ќе ги задоволи и надмине очекувањата на нашите клиенти, нудејќи им сигурност, брзина и лесен пристап до сите потребни услуги.“

На настанот, покрај промоцијата на апликацијата, беше претставена и изложбата „Патот на парите, од праисторијата до денес“, која ја визуализираше еволуцијата на финансиските услуги низ времето – од првите монети до денешните дигитални решенија.

За MINT Fintech Group

Од своето основање пред осум години, MINT Fintech Group прерасна во симбол на иновации и прогрес во финансискиот сектор во Македонија. Со тим од стручни професионалци и напредни технолошки решенија, компанијата продолжува да воведува стандарди кои го обликуваат пазарот и обезбедуваат иднина ориентирана кон корисниците.

Продолжи со читање

Бизнис

Бобан Томески именуван за нов извршен член на Одборот на директори на „Кроација осигурување – Живот“ АД Скопје

Објавено

на

Во согласност со Законот за хартии од вредност , а по одржаното Собрание на акционери на Друштвото, КРОАЦИА ОСИГУРУВАЊЕ АД – Друштво за осигурување на живот Скопје преку соопштение на Македонска берза ја информира јавноста дека на г-ѓа Маја Станковска Костова досегашен извршен член на Одборот на директори и престана функцијата поради поднесена оставка заклучно со 01.12.2024 година.

За нов извршен член на Одборот на директори на КРОАЦИА ОСИГУРУВАЊЕ АД – Друштво за осигурување на живот Скопје е именуван г-дин Бобан Томески, почнувајќи од 01.12.2024 година.

„Управувањето со Кроациа осигурување – Живот, друштво кое е лидер на пазарот за осигурување и најстара осигурителна компанија за животно осигурување во Македонија, е голема привилегија, но и одговорност за водечката личност. Во текот на петгодишниот мандат, Маја Станковска Костова даде значаен придонес за развојот на Друштвото, за подобрување на услугите кон клиентите, креирање прилагодени понуди на производи како и зголемување на профитабилноста. Ѝ благодариме за досегашниот ангажман и за сето она што го постигна, и ѝ посакуваме успешна кариера надвор од компанијата. На Бобан Томески му посакуваме многу успех на новата функцијата – извршен член на Одборот на директори и во водењето на друштвото кон нови деловни достигнувања“ – изјави Марио Батарило, претседател на Одборот на директори на Кроациа осигурување – ЖИВОТ АД Скопје.

Новиот состав на Одборот на директори на КРОАЦИА ОСИГУРУВАЊЕ АД – Друштво за осигурување на живот Скопје е:

  • Марио Батарило – неизвршен член и Претседател на Одборот на директори;
  • Бобан Томески – извршен член на Одборот на директори;
  • Иван Залар – неизвршен член на Одборот на директори;
  • Владимир Стефановски – независен неизвршен член на Одборот на директори.
Продолжи со читање

Банки

Ексклузивната соработка на Триглав Осигурување Живот и ТТК Банка продолжена со нов договор за стратешко партнерство

Објавено

на

Триглав Осигурување Живот АД Скопје и ТТК Банка АД Скопје, на заемно задоволство, ја продолжија заедничката ексклузивна соработка за банкоосигурување со потпишување нов договор за стратешко партнерство.

Благодарение на стратешката соработка што двете компании партнерски ја градат и негуваат од 2019 година, граѓаните имаат можност да добијат кредит со вклучена полиса за осигурување на живот, која обезбедува финансиска сигурност за семејството на кредитобарателот при немил настан. А, како дополнителна придобивка добиваат значително поповолни услови за кредитирање, достапни во која било од 30-те експозитури и филијали на ТТК Банка АД Скопје.

Новиот договор за соработка претставува зацврстување на стратешкото партнерство меѓу ТТК Банка АД Скопје и Триглав Осигурување Живот АД Скопје, како и збогатување на портфолиото финансиски производи на ТТК Банка АД Скопје, којашто ќе им понуди на своите клиенти низа придобивки кои, пред сѐ, обезбедуваат дополнителна финансиска заштита.

Развојот на банкоoсигурувањето претставува стратешка определба за Триглав Осигурување Живот АД Скопје.

„Ни претставува вистинско задоволство што ја продолжуваме успешната и силна соработка со ТТК Банка АД Скопје, соработка што активно ја градевме и ја развиваме како партнери во изминатите 5 години. Соработката со ТТК Банка АД Скопје за нас е од големо значење, а особено бидејќи тоа е Банката што прва ни ја даде својата доверба за партнер во доменот на банкоосигурувањето. Преку развој на иновативни производи и заеднички проекти, ќе продолжиме да ја негуваме соработката и да им нудиме на клиентите финансиски производи што ќе им донесат максимално корисничко задоволство и погодности“, изјави Христина Џамбазовска Анастасов, Генерален директор на Триглав Осигурување Живот АД Скопје.

„Нашето партнерство со Триглав Осигурување Живот АД Скопје обезбедува значајни придобивки за клиентите преку иновативни решенија што ги комбинираат кредитите со полиси за осигурување на живот. Со тоа, нудиме повеќе од финансиски производи –  нудиме сигурност, заштита и поволни услови за сите наши клиенти. Новиот договор е потврда за нашата заедничка визија за унапредување на финансиската стабилност на клиентите и поддршка на најважните животни одлуки. Ќе продолжиме партнерски да создаваме додадена вредност за корисниците и да поставуваме нови стандарди во банкарските и осигурителните услуги, секогаш ставајќи ги клиентите на прво место“, изјави проф. д-р Драгољуб Арсовски, претседател на Управниот одбор на ТТК Банка АД Скопје.

ТТК Банка АД Скопје се издвојува како доверлив партнер на корисниците на кредитни производи коишто вклучуваат животно осигурување, а кои Банката ги нуди со атрактивни фиксни каматни стапки од 5,3% за целиот период на отплата од 10 години за СМАРТ ненаменски потрошувачки кредит, како и 3,7% фиксна каматна стапка во првите 10 години за СУПЕР станбен кредит, односно 4,0% фиксна каматна стапка во првите 3 години за хипотекарен кредит.

Во изминатите години Триглав Осигурување Живот АД Скопје изгради успешна соработки со дури 5 банки во земјата кои имаат лиценца за застапување во осигурување издадена од Агенцијата за застапување во осигурување. Со ова, се издвои на пазарот како осигурителна компанија – лидер во банкоосигурувањето, односно како компанија со најголем број банки соработници и доминантно учество од 45% во вкупната бруто-полисирана премија за осигурување на живот преку банко канал за продажба.

ТТК Банка АД Скопје, со својата широка мрежа од 30 експозитури и над 80 банкомати ширум земјата, е препознатлива како доверлив партнер на граѓаните и деловните субјекти во обезбедување квалитетни финансиски услуги. Преку иновативни производи што ги исполнуваат потребите на клиентите, Банката ја зацврстува својата позиција во банкоосигурувањето, придонесувајќи за поголема достапност на осигурителните производи и на финансиската заштита. И во иднина, ТТК Банка АД Скопје ќе се фокусира на развојот на експертизата во креирање производи коишто директно соодветствуваат на потребите на клиентите и можните ризици, сè со цел да им помогне на клиентите да инвестираат во сопствената иднина.

Продолжи со читање

Популарно