Connect with us
no baners

Банки

Величковски од Народната банка: Создадовме основа за воведување на новата генерација технологии во нашиот платен систем

Објавено

пред 2 години

на

no baners

Хармонизирањето на националното со европското законодавство во областа на платните системи беше најважната цел од Стратегијата за развој на платните системи, од што произлезе носењето на Законот за платежни услуги и платни системи. Законот почна да се применува од почетокот на оваа година, додека Народната банка донесе 26 подзаконски акти за негова примена. Регулативата ќе придонесе за поттикнување на конкуренцијата и иновациите и зголемување на заштитата на потрошувачите. „Севкупно, создадовме правна рамка за новата генерација технологии којашто ќе ги поддржи иновациите и ќе ги направи плаќањата поедноставни, посигурни и поевтини“, истакнува директорот на Дирекцијата за платни системи при Народната банка, Игор Величковски, во интервју за меѓународната е-публикација „Вести на централните банки во платежната сфера“.

Величковски вели дека новата законска регулатива би ги трансформирала платните системи, пред сѐ преку поттикнување на конкуренцијата и внесување нови даватели на платежни услуги. Имено, ако порано само банките можеа да даваат платежни услуги и само одредени институции можеа да даваат услуги за прекуграничен трансфер на пари, тоа сега се менува. Директорот на Дирекцијата за платни системи нагласува дека низ годините, а особено по пандемијата, има висок раст на употребата на платежните картички во трговијата, како и на употребата на мобилните апликации за пренос на парични средства. Овие трендови во иднина ќе се поддржат и ќе се поттикнат со воведувањето на отвореното банкарство кај нас, коешто ќе донесе повеќе придобивки за корисниците на платежните услуги.

Преку транспонирањето на европските директиви од областа на платежните услуги, во националната законодавна рамка се зголемува и заштитата на потрошувачите. Величковски посочува дека се обезбедува поголема и подобра информираност на потрошувачите за платежните услуги, како и дека секој давател на платежни услуги треба да потпише стандардизиран рамковен договор со корисниците и на редовна основа да ги известува за надоместоците. Платежната сметка со основни функции е повисоко ниво на заштита на правата на потрошувачите, кај која се пропишува разумна висина на надоместокот којшто може да се наплаќа за работењето со оваа сметка. Дополнителна новина од аспект на информирањето на јавноста е можноста на едно место, на веб-страницата на Народната банка, да ги споредат надоместоците за единаесет најрепрезентативни платежни услуги од сите даватели, со што ќе се осигури и поголема конкуренција помеѓу давателите на платежни услуги.

Во интервјуто, директорот на Дирекцијата за платни системи зборува и за трендовите во областа на платежната сфера од аспект на активностите коишто ги преземаат регулаторите во земјата за развој на финтек-секторот и поголема финансиска вклученост на населението, меѓународната соработка, технологијата на дистрибуирани записи (блокчејн) и воведувањето дигитална валута издадена од централна банка. Целото интервју е достапно на следнава врска: https://cbpaymentsnews.com/assets/CBPN_Volume6/CBPN-2023_August_Vol6No8.pdf.

Слични Теми:

Банки

По повод Светскиот ден на штедењето – награди за најдобрите банкарски службеници

Објавено

пред 14 часа

на

Македонската банкарска асоцијација традиционално ги препознава и наградува најдобрите вработени во банкарскиот сектор.

Овој настан ја истакнува посветеноста, професионалноста и извонредните резултати на службениците кои го зголемуваат квалитетот на услугата и ја градат довербата на клиентите.

Преку ова признание, се промовира одговорното штедење и мотивира другите вработени да се стремат кон највисоки стандарди во работењето.

Главните цели на настанот се:

Поттикнување на професионалноста и посветеноста – наградените службеници се признаени за својот извонреден придонес во работењето и за квалитетната услуга кон клиентите.

Препознавање на успехот во банкарскиот сектор – наградите се доделуваат од страна на Македонската банкарска асоцијација (МБА) како дел од годишната традиција за идентификување на врвни професионалци.

Промоција на одговорното штедење – преку наградување на посветените вработени, се нагласува значењето на финансиската дисциплина, довербата во банките и правилното управување со средства.

Мотивација за другите вработени – настанот ја нагласува важноста од континуирано усовршување, иновативност и високи стандарди во работењето.

Ова големо признание во 2025 година го добија:

1. Комерцијална банка АД Скопје

  • Дијана Мушовска
  • Ангела Ивановска
  • Цвета Јосифовска

2. Стопанска банка АД Скопје

  • Иванова Сања
  • Оџакова Верица
  • Петровска Викторија

3. НЛБ банка АД Скопје

  • Катерина Крстевска 
  • Милица Славковска
  • Марија Томевска

4. Шпаркасе банка Македонија АД Скопје

  • Анита Таневска
  • Јована Трпеска
  • Александар Богоевски

5. Халк банка АД Скопје

  • Халук Џафер
  • Симона Трајковска
  • Амра Салијовска

6. Прокредит банка АД Скопје

  • Панче Петрески 
  • Џемиљ Шефки

7. Универзална инвестициона банка АД Скопје

  • Наталија Стојменовиќ 
  • Даниела Стојановска

8. Развојна банка на Република Северна Македонија АД Скопје

  • Надица Павличковска
  • Габриела Димитриевска

9. Стопанска банка АД Битола

  • Бранкица Дамевска

10. Централна кооперативна банка АД Скопје

  • Зорица Шаламанова 

11. ТТК банка АД Битола

  • Ѓорѓи Атанасовски

12. Силк Роуд банка АД Скопје

  • Александар Божиќ

13. Капитал банка АД Скопје

  • Сашо Јовановски

14. Штедилница ФУЛМ ДОО Скопје

  • Атанас Манушев

15. Штедилница Можности ДОО Скопје

  • Ирена Вурмеска Боцевска

16. Клириншка куќа КИБС АД Скопје

  • Марија Манасова
  • Виктор Петрески

17. Македонско кредитно биро АД Скопје

  • Елена Поповска

Ова е настан кој се повторува секоја година за препознавање на квалитет и извонредни резултати, кој ја поврзува професионалната афирмација со промоција на финансиската култура и довербата на клиентите.

Продолжи со читање

Банки

Ѓорѓи Атанасовски е најдобриот банкарски службеник од ТТК Банка за 2025 година

Објавено

пред 1 ден

на

На настанот по повод Светскиот ден на штедењето, кој се одржа на 31.10.2025 година, во организација на Македонската банкарска асоцијација во соработка со Фондот за осигурување на депозити, беа избрани најдобрите банкарски службеници со постигнати особени резултати во нивната работа.

Со големо задоволство, ТТК Банка АД Скопје оваа година го номинираше Ѓорѓи Атанасовски, соработник во одделот за позадински обработки на ПП и средства и ликвидност, за најдобар банкарски службеник.

“Горди сме на нашиот колега Ѓорѓи Атанасовски за професионалноста, посветеноста и придонесот во работата. Честитки колега за ова заслужено признание! ТТК Банка АД Скопје останува посветена на развојот на потенцијалот на своите вработени, поттикнувајќи иновации и одржливи резултати во сите сегменти на работењето.” – велат од Банката.

Продолжи со читање

Банки

Јубилејни награди за 18 вработени за долгогодишна посветеност и успех во Комерцијална банка

Објавено

пред 1 ден

на

Комерцијална банка традиционално го одбележа Денот на штедењето и со доделување признанија и парични награди на 18 вработени, кои со години придонесуваат за развојот и успехот на Банката.

Наградените вработени оваа година одбележуваат 15 и 30 години работа во Комерцијална банка и се вистинска инспирација за новите генерации што ја градат својата кариера во Банката.

Тие заедно со целиот тим на Комерцијална банка секојдневно се посветени на потребите на клиентите, го движат напред развојот на Банката и го создаваат нејзиниот успех.

На сите наградени, Комерцијална банка им упатува благодарност за долгогодишната посветеност, професионализам и лојалност, со желба за уште многу заеднички достигнувања и нови успеси.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange