Спорот меѓу вработените и менаџментот на Европската централна банка (ЕЦБ) доби нова димензија откако синдикатот Ипсо поднесе тужба пред Општиот суд на ЕУ, обвинувајќи ја институцијата за „цензура“ и „заплашување“ на своите претставници.

Тужбата се однесува на писма што раководството на ЕЦБ ги испратило до синдикалните претставници по интервју во кое беше изнесена критика за работната култура во Банката. Според Ипсо, писмата имале за цел да ги обесхрабрат јавните коментари и да го ограничат правото на слободно изразување.

ЕЦБ ги отфрли обвинувањата, наведувајќи дека останува посветена на транспарентност, владеење на правото и академска независност. Институцијата потсети дека вработените имаат повеќе канали за пријавување проблеми, вклучувајќи и систем за анонимни пријавувачи.

Случајот ќе се разгледува во Луксембург, а пресудата може да има пошироко влијание врз односите меѓу вработените и управата во европските институции, како и врз угледот на ЕЦБ во чувствителен период за монетарната политика на еврозоната.

Со почетокот на есента, многумина прават пресек на изминатата година и поставуваат нови цели. Октомври е месец кога вреди да се размислува за финансиска стабилност и сигурност, време кога паметните одлуки носат долгорочна корист. Халкбанк, како банка што нуди доверливи и практични решенија, овој октомври го претставува Промо депозитот со нови услови, создаден за сите кои сакаат нивните заштеди да растат сигурно и предвидливо.

Промотивен период со одлични услови

Започна промотивен период со атрактивни каматни стапки за орочени депозити со рок на орочување од 13 месеци. Минималниот износ на вложување изнесува 30.000 денари или 500 евра. Каматната стапка е фиксна и изнесува 3,00% за депозити во денари и 2,00% за депозити во евра. Овој пат понудата за промо депозитот нуди можност за орочувње на депозити во американски долари со фиксна каматна стапка од 2,00%.

Флексибилност по ваша мерка

Клиентите можат да изберат исплата на каматата месечно или на крајот од орочувањето, во зависност од своите финансиски планови. Со тоа, секој штедач добива можност да ја прилагоди добивката на своите потреби.

Без изненадувања, само стабилност

Со Промо депозитот на Халкбанк сè е јасно и предвидливо. Условите се едноставни – средствата се орочуваат и доколку останат непроменети сè до истекот, корисникот ќе ја добие целосната промотивна камата. По завршувањето, депозитот не се обновува автоматски, што ви остава простор самите да одлучите како ќе ги планирате следните чекори.

Како да започнете?

Со посетета на најблиската филијала на Халкбанк многу едноставно може да го отворите Промо депозитот.

Халкбанк е твојот партнер за сигурна иднина

Во време кога неизвесноста е секојдневие, чувството на финансиска стабилност станува вистинска вредност. Халкбанк останува посветена на тоа да им овозможи на своите клиенти едноставни и сигурни решенија кои носат мир на долг рок. Промо депозитот е создаден со таа идеја – да биде практичен избор за сите што сакаат нивните средства да растат предвидливо и без ризик.

Штедењето не е само финансиски потег, туку начин да се создаде рамнотежа и сигурност во животот. Затоа, секоја одлука донесена денес, колку и да изгледа мала, може да биде темел на посигурно утре.

Гувернерот на Народната банка, д-р Трајко Славески, во рамки на Годишните средби на Меѓународниот монетарен фонд (ММФ) и Светската банка, што се одржуваат во Вашингтон, оствари низа билатерални средби со високи претставници на ММФ. На средбите присуствуваше и министерската за финансии Гордана Димитриеска Кочоска.

Гувернерот Славески се сретна со заменик-директорот на ММФ Бо Ли, директорот на Европскиот оддел во ММФ Алфред Камер, извршниот директор Јерон Клик, заменик-директорите Марникс ван Рај и Владислав Рашкован и шефот на Мисијата на ММФ за нашата земја Ник Гигинеишвили.

На средбите, високите претставници на ММФ го поздравија приклучувањето и реализацијата на првите трансакции во СЕПА, како и потпишувањето на Писмото на намери со Банката на Италија за развивање на клон на ТИПС системот на ЕЦБ за земјите од Западен Балкан за натамошна модернизација и овозможување инстант плаќања во домашните, меѓусебните прекугранични плаќања и плаќањата со другите земји во СЕПА.

На средбите се разговараше за најновите макроекономски случувања во земјата, како и за очекувањата за идните движења. Гувернерот Славески истакна дека Народната банка е цврсто посветена на одржувањето на ценовната стабилност, за што се осврна на мерките преземени од страна на централната банка во насока на остварувањето на оваа цел. Дополнително, гувернерот ги образложи новите макропрудентни мерки донесени од страна на Народната банка насочени кон понатамошно одржување на финансиската стабилност.

Претставниците на ММФ посочија дека прудентната монетарна политика што ја спроведува Народната банка придонесува за ефективно управување со ризиците и постепено намалување на инфлацијата, при што создава услови за стабилен економски раст, што се потврдува и со најновите проекции на ММФ за македонската економија, со очекуван растот годинава од 3,4%, а за следните години одржување на нивото околу 3%. Истовремено, инфлацијата се очекува во континуитет да продолжи да забавува и да се сведе на историското ниво од околу 2% на среден рок.

Во разговорите беше потврдена и континуираната успешна соработка меѓу Народната банка и ММФ. Во изминатиот период, преку техничките мисии на ММФ беа реализирани повеќе активности за модернизација на монетарните операции, подобрување на проекциите за ликвидноста на банкарскиот систем и зајакнување на супервизорските капацитети на Народната банка. Со тоа се зголеми ефикасноста и предвидливоста во спроведувањето на монетарната политика, како и отпорноста на банкарскиот систем на потенцијални ризици. Соработката со ММФ ќе продолжи и во наредниот период, со цел понатамошно усогласување со меѓународните стандарди и унапредување на аналитичките и оперативните капацитети на Народната банка.