Банки
Комерцијална банка по 15-ти пат прогласена за „Најдобра банка во Македонија“ од Global Finance
Комерцијална банка е прогласена за „Најдобра банка во Македонија за 2026 година“ од угледниот меѓународен финансиски магазин Global Finance, со што по јубилеен 15-ти пат го добива ова признание.
Наградата претставува потврда за континуираниот развој на Банката, нејзината стабилност, силните деловни резултати, вложувањата во дигитализација и иновации, како и за пристапот насочен кон потребите на клиентите.
Од Комерцијална банка посочуваат дека признанието доаѓа во период на зголемена неизвесност на глобалните финансиски пазари, кога банките се соочуваат со геополитички предизвици, регулаторни притисоци и засилена конкуренција од финтек секторот.
„Оваа јубилејна награда е големо признание за посветеноста, професионалноста и знаењето на целиот тим на Комерцијална банка. Таа е резултат на нашата јасна стратешка визија и на континуираното инвестирање во иновации, дигитални решенија и квалитет на услугите. Пред сè, ова е награда која ја делиме со нашите клиенти и партнери затоа што нивната доверба е наша силна мотивација“, изјави Хари Костов, главен извршен директор и претседател на Управниот одбор на Комерцијална банка.
Со признанието, Комерцијална банка повторно се вбројува меѓу банките наградени во рамки на 33-то издание на годишните награди на Global Finance, кои опфаќаат финансиски институции од повеќе од 150 земји.
Основачот и уреднички директор на Global Finance, Џозеф Д. Џарапуто, истакна дека наградите за 2026 година се насочени кон институциите кои успешно управуваат со средствата и обврските, а истовремено инвестираат во дигитални иновации и вештачка интелигенција со цел да одговорат на променливите потреби на клиентите.
При изборот на најдобрите банки, магазинот ги анализира квантитативните показатели, како растот на активата, профитабилноста, развојот на нови бизниси и производни иновации, но и квалитативни оценки од финансиски аналитичари, банкари, директори и банкарски консултанти.
Од Банката најавуваат дека и во следниот период ќе продолжат со инвестиции во дигиталната трансформација, развојот на иновативни финансиски услуги и создавањето одржливи решенија за граѓаните и компаниите.
Триглав Осигурување на нова адреса во Струга
Фишинг, лажни пораки и украдени картички: Колку се безбедни парите на Македонците во дигиталната ера?
Инфлацијата во Шпанија скокна на 4,9%, највисоко ниво од 2023 година
Централна кооперативна банка: Започна исплатата на септемвриските пензии
Ова е правилото за пензиска заштеда: колку годишни плати треба да имате на 30, 40, 50 и 60 години?
Народната банка вработува седум лица: Плати до 91.385 денари
НОВО: Комерцијална банка воведе штедење на 25 и на 40 месеци со фиксни каматни стапки
10% поврат на средства со Mastercard картичките на Стопанска банка секој први во месецот
Македонија ќе има два система за инстант плаќања: КИБС Инстант и мобилна апликација „Стрела“ преку КИБС и TIPS Clone преку Народната банка
Кој ќе биде македонскиот Revolut?
Банки
Централна кооперативна банка: Започна исплатата на септемвриските пензии
Централна кооперативна банка АД Скопје ги информира своите клиенти – пензионери дека од денес (01.10.2026 година) средствата по основ на пензии за месец септември 2026 година се префрлени на сметките на корисниците.
Пензионерите кои располагаат со дебитни картички можат да ги подигнат средствата на банкоматите на ЦКБ или да ги користат за безготовински плаќања во трговијата, почнувајќи од денес (1 октомври 2026 година).
Банки
Во Народната банка се одржа 59. сесија на Клубот на истражувачите
Во Народната банка се одржа 59. сесија на Клубот на истражувачите, платформа за презентација и разгледување научно-истражувачки трудови на Народната банка, којашто ја поддржува научно-истражувачката дејност во земјава во изминатите тринаесет години.
На оваа сесија беше претставен научниот труд „Дали може институционалната интеграција на берзите од Западен Балкан да ја зајакне монетарната трансмисија?”, (Can Institutional Integration of Western Balkans’ Stock Exchanges Strengthen Monetary Transmission?), од авторот Стефан Таневски. Авторот е добитник на првата награда за млади истражувачи на Народната банка за 2026 година.
Сесијата ја отвори директорката на Дирекцијата за монетарната политика и истражување Билјана Давидовска-Стојанова, којашто истакна дека интеграцијата на берзите не треба да се гледа само како реформа за развој на финансискиот пазар туку и како дел од пошироката макрофинансиска инфраструктура преку која монетарната политика влијае врз економијата. „Поинтегрираните пазари можат да овозможат побрз и поцелосен пренос на монетарните сигнали кон финансиските услови и реалната економија. Оттука, берзанската интеграција e потенцијално важен канал за поефикасно функционирање на монетарната политика. Сепак, самата консолидација на пазарите не е доволна, нејзините придобивки зависат од квалитетното управување, заштитата на инвеститорите и усогласената регулаторна рамка“, истакна Давидовска-Стојанова.
Авторот Таневски во својата презентација посочи дека трудот се фокусира на каналот на цените на средствата, како механизам преку кој се пренесуваат сигналите на монетарната политика во економијата. Во моментов, пазарите од Западен Балкан се фрагментирани и неликвидни, поради што и сигналите на централните банки само делумно и нерамномерно се пренесуваат врз цените на финансиските средства во различни сектори. Во својот труд авторот посочува дека интеграцијата на берзите од Западниот Балкан може значително да ја подобри оваа трансмисија, преку побрза и поефикасна реакција на цените на акциите на промените во каматните стапки и монетарните сигнали, при што се укажува дека структурата на финансискиот систем е директно поврзана со ефективноста на монетарната политика.
Сесиите на Клубот се одржуваат четирипати годишно. Народната банка објавува повик до истражувачите за презентирање труд, којшто може да биде и во работна верзија. Трудовите се работат во согласност со трендовите и стандардите на современите истражувања, односно со солидна емпириска анализа и систематизирани заклучоци од истражувањето. На сесиите учествуваат аналитичари и истражувачи од научно-образовни и финансиски институции, студенти и останати заинтересирани учесници или слушатели.
Зачленувањето е од отворен карактер и повеќе информации за Клубот може да се најдат на следнава врска: https://www.nbrm.mk/
Следната сесија е планирана за декември оваа година.
Банки
УНИ Банка исплаќа 387 денари дивиденда по акција, исплатата стартува на 26 октомври
Акционерите на УНИ Банка ќе добијат дивиденда во износ од 387 денари по акција, согласно одлуката донесена на Собранието на акционери.
За исплата на дивидендата Банката ќе издвои вкупно 211,3 милиони денари, односно околу 3,4 милиони евра. Средствата се обезбедуваат од акумулираната добивка остварена во периодот од јануари до декември 2025 година.
Исплатата на дивидендата ќе започне на 26 октомври 2026 година.
Според објавениот дивиденден календар, 7 октомври е последниот ден на тргување со акциите на УНИ Банка со право на дивиденда за 2025 година.
Првиот ден на тргување без право на дивиденда е 8 октомври, додека пресекот на акционерската книга ќе биде направен на 9 октомври 2026 година, заклучно со 16:00 часот.
Тоа значи дека право на дивиденда ќе имаат акционерите кои ќе бидат евидентирани во акционерската книга согласно утврдениот пресек.
Одлуката за распределба на добивката и исплатата на дивиденда беше усвоена на акционерското собрание на УНИ Банка одржано минатата недела.
Триглав Осигурување на нова адреса во Струга
Фишинг, лажни пораки и украдени картички: Колку се безбедни парите на Македонците во дигиталната ера?
Инфлацијата во Шпанија скокна на 4,9%, највисоко ниво од 2023 година
Централна кооперативна банка: Започна исплатата на септемвриските пензии
Ова е правилото за пензиска заштеда: колку годишни плати треба да имате на 30, 40, 50 и 60 години?
Народната банка вработува седум лица: Плати до 91.385 денари
НОВО: Комерцијална банка воведе штедење на 25 и на 40 месеци со фиксни каматни стапки
10% поврат на средства со Mastercard картичките на Стопанска банка секој први во месецот
Македонија ќе има два система за инстант плаќања: КИБС Инстант и мобилна апликација „Стрела“ преку КИБС и TIPS Clone преку Народната банка
Кој ќе биде македонскиот Revolut?
-
Банкипред 2 месециПремиум дебитната картичка на Стопанска банка овозможува пристап до над 1.800 аеродромски деловни зони
-
Кариерапред 2 месециНародната банка вработува седум лица: Плати до 91.385 денари
-
Кариерапред 2 месециНЛБ Групацијата вработува специјалист за Управување со ризици/финансии
-
Кариерапред 2 месециОглас за вработување во Централна кооперативна банка АД Скопје
-
Банкипред 2 месециНЛБ Банка ја исплати паричната помош за корисниците на социјална, детска и цивилна заштита
-
Банкипред 1 месецНОВО: Комерцијална банка воведе штедење на 25 и на 40 месеци со фиксни каматни стапки
-
Кариерапред 2 месеци
Оглас за вработување во Централна кооперативна банка АД Скопје
-
Банкипред 1 месец
10% поврат на средства со Mastercard картичките на Стопанска банка секој први во месецот