Стопанска банка ја промовира Mastercard Platinum кредитната картичка, наменета за корисници кои бараат поголема флексибилност при плаќањето, но и дополнителни привилегии при патување и секојдневно користење.

За сите апликации примени до 30 септември 2026 година важи промотивна каматна стапка од 4,9% до крајот на годината. Картичката е меѓународна и бесконтактна, поврзана со денарска сметка, а максималниот кредитен лимит може да достигне до 600.000 денари, во зависност од примањата и исполнувањето на кредитните критериуми на банката.

Една од позначајните поволности е бесплатниот пристап до повеќе од 1.800 аеродромски деловни зони преку LoungeKey, со шест бесплатни посети годишно. На корисниците им е достапна и Mastercard Travel Rewards програмата, преку која може да се добие cashback при купување кај избрани меѓународни брендови.

Mastercard Platinum овозможува и плаќање до 36 рати без камата кај опфатените продажни места, како и подигнување готовина без провизија во рамки на промотивниот „КЕШ викенд“ секој последен викенд во месецот.

Месечната отплата изнесува 3% од вкупниот долг, а при целосно подмирување на обврските за трансакциите направени во трговската мрежа е предвиден бескаматен грејс период до 50 дена.

Дополнителна придобивка е бесплатното патничко осигурување со покритие од 20 дена и важност од 365 дена. Картичката може да се додаде и во Google Wallet и Apple Wallet, додека преку електронското и мобилното банкарство на Стопанска банка корисниците можат да ги управуваат трансакциските лимити и да ја блокираат или деблокираат картичката.

Аплицирањето е достапно преку филијалите на Стопанска банка и преку контакт-центарот 15-110, а картичката може да се користи во земјата и во странство.

Mastercard Platinum е изработена од 100% рециклиран PVC и има тактилен аголен засек, дизајниран да им помогне на корисниците полесно да ја препознаат и разликуваат картичката.

НЛБ Банка Скопје вчера беше покровител и генерален спонзор на настанот „Запознај ја Студентска Словенија 2026“, организиран во соработка со Македонската студентска организација во Словенија.

Настанот се одржа во експозитурата на НЛБ Банка во East Gate Mall и на едно место ги собра идните студенти, нивните родители и младите кои веќе студираат во Словенија.

Идните студенти имаа можност од прва рака да слушнат повеќе за студирањето и студентскиот живот во Словенија, како и да добијат одговори на прашањата поврзани со еден од нивните следни големи животни чекори.

Во рамки на настанот, НЛБ Банка го претстави и пакетот NLB NEXT, наменет за млади од 18 до 25 години. Беа презентирани и услугите Visa Direct, за едноставно испраќање средства, како и SEPA плаќањата, наменети за побрзи и поедноставни плаќања во евра.

Од НЛБ Банка порачаа дека поддршката на младите не завршува со еден настан, туку целта е да бидат нивен партнер и во следните чекори од образованието и животот.

Корисниците на Debit Mastercard World и Zipp Mastercard Debit World картичките на Комерцијална банка можат да собираат поени со секое плаќање преку програмата за лојалност BonusBox и потоа да ги искористат за различни поволности.

По регистрацијата во BonusBox, поените собрани со трансакциите може да се користат за поврат на средства, плаќање со поени или за подарок-картичка.

За младите корисници на Zipp Mastercard Debit World, која е дел од пакетот Zipp.club, во рамки на промотивниот „Zipp-тември“ е предвидена можност за двојно повеќе поени во BonusBox.

Регистрацијата во програмата е достапна онлајн, а заинтересираните корисници можат и да аплицираат преку OneID за нова Mastercard World картичка.

Со користењето на картичките во секојдневните плаќања, клиентите на Комерцијална банка добиваат можност редовните трошоци да ги претворат во дополнителни поени, награди и поволности.