Минималните трошоци на едно четиричлено семејство во февруари се зголемени за речиси илјада денари во споредба со јануари, покажуваат податоците на Сојузот на синдикати на Македонија кој ја прави синдикалната потрошувачка кошничка.

Синдикалната минимална кошница за февруари изнесува 67 382 денари и во однос на синдикалната минимална кошница во јануари е зголемена за 969 денари. Со изнајмен стан од 60 квадрати, вредноста на синдикалната минимална кошничка се зголемува на 82.757 денари.

Зголемување од речиси илјада денари има и во делот на храната односно ако за јануари биле потребни минимум 24 211 денари, во февруари за истата намена биле потребни 25.156 денари.

Од ССМ велат дека за само два месеца од почетокот на годината, најавеното усогласување на минималната плата што треба да се случи во март, е изедено со растот на минималната синдикална кошничка.

„За само два месеца едно семејство е посиромашно за две илјади денари. За 24 месеци, односно околу колку што одбиваа да ја зголемат минималната плата вредноста на синдикалната минимална кошница е зголемена за повеќе од 10.000 денари и затоа наместо да се препукуваат на грбот на работниците и политичките партии да застанат со нив, да ја изгласаат минималната плата која треба да иузнесува 600 евра и да ги зголемат сите останати плати за најмалку 6.000 денари“, вели претседателот на ССМ Слободан Трендафилов.

ССМ им остави простор на Владата и работодавачите до крајот на февруари да се договорат за зголемувањето на минималната плата, во спротивно најавуваат уште еден протест и организирање генерален штрајк.

Естонската групација Иуте – дигитална банкарска групација која обезбедува кредитирање, плаќања и посредување во осигурување на пазарите во Југоисточна Европа, ги објави неревидираните резултати од работењето во 2025 година.

Групацијата бележи раст и во обем и во оперативен квалитет, со внимателно одржан баланс помеѓу тековната профитабилност и инвестициите потребни за изградба на долгорочни дигитални банкарски капацитети.

Иуте оствари вкупни приходи од 124,6 милиони евра, со 10,6% пораст споредбено со претходната година, нето добивката порасна на 9,9 милиони евра, со зголемување од 10% во однос на истиот период, додека консолидираниот биланс на состојба на групацијата достигна 511 милиони евра, надминувајќи ја годишната поставена цел. Исто така, бројот на активни клиенти порасна на 274 илјади, со пораст од 4.5% споредбено со истиот период лани.

Сите деловни сегменти бележат раст, додека уделот на услуги што не се поврзани со кредитирање постепено се зголемува, со 4% од приходите кои се резултат на платежни услуги и 5% на осигурително-брокерско посредување. Износот на вкупно исплатени кредити порасна за рекордни 13.6% споредбено со претходната година, бележејќи износ од 424.6 милиони евра, пришто дисциплината на отплата на обврските до 30 дена е значително подобрена како резултат на напредните модели за кредитна риск сегментација и внимателното управување со ризици.

Според Извршниот директор Тармо Силд, компанијата континуирано напредува кон трансформација во дигитална банка изградена околу мобилната супер-апликација Myiute која ги интегрира кредитирањето, плаќањата и осигурителните решенија во еден единствен екосистем. 

„Во текот на изминатава година, групацијата инвестираше повеќе од 10 милиони евра во технолошки развој и географска експанзија. Технологијата и науката базирана на податоци продолжуваат да ја зајакнуваат профитабилноста и ефикасноста на групацијата. Предиктивното моделирање го зголеми уделот на автоматизирани одлуки за кредити, овозможи персонализирани понуди и го подобри корисничкото искуство. Корисниците сè повеќе ја препознаваат групацијата како целосно дигитална и кориснички ориентирана дигитална платформа на која можат на едно место да добијат лично финансирање, но и да штедат, да се осигуруваат, да инвестираат, купуваат, плаќаат, разменуваат и префрлаат средства. Инвестиравме во технологии на иднината и во нови пазари, финансирани од сопствени извори од постојното работење и останавме посветени на трансформација преку дисциплиниран раст. Проширувањето во Украина претставува значаен чекор напред. Украина е идниот европски мотор на раст, а ние се подготвуваме да изградиме целосно дигитална банка врз основа на нашата технолошка експертиза и оперативно искуство.“, посочува Силд. 

2025 година претставува клучна точка во развојот на Иуте Македонија, година во која обемот, профитабилноста и интеграцијата на екосистемот растат синхронизирано. Компанијата преку трите правни ентитети ја заврши годината со значителен раст на сите клучни позиции. Билансот порасна за 52%, достигнувајќи 61,5 милиони евра, високо квалитетно кредитно портфолио достигна 47,6 милиони евра (+53%), се реализираа 25 милиони евра приходи (+23%) и нето добивка од 4,1 милиони евра што е резултат на засилена пазарна активност и проширената понуда на финансиски услуги.

„Иуте Македонија како дел од групацијата Иуте во изминатата година оствари силни финансиски резултати, со двоцифрен раст и силна профитабилност. Особено сме горди што не растевме само во бројки, туку во структура, во ефикасност и во длабочина на екосистемот. Растот од над 50% на активата беше внимателно управуван, капитално поддржан и ризично балансиран. Скалабилноста на нашиот модел е потврдена, билансот е здрав, ликвидноста стабилна, а профитабилноста одржлива. Екосистемот што го градиме не е само комерцијална предност, туку е и финансиска стабилизација и станува клучен двигател на вредност со што градиме подлабока релација со клиентите и поцврста финансиска основа. Влегуваме во 2026 година со самодоверба, капитална сила и јасна амбиција, да продолжиме да растеме побрзо од пазарот, таму каде што вредноста е одржлива”, изјави Нина Мојсова Ќосева, Директор на финансии на Иуте Македонија.

Во 2026 година, Иуте очекува континуиран раст, со проектирани приходи од 150 милиони евра и нето добивка од 12 милиони евра.

Целиот сумиран извештај и преглед е достапен тука.

КБ Прво пензиско друштво АД Скопје ја прошири својата продажна мрежа со вклучување на ТТК Банка АД Скопје како нов продажен канал. Со ова партнерство се отвораат нови можности за поголема достапност на пензиските услуги и унапредување на пазарното присуство на Друштвото.

„Нашата цел е да им овозможиме на граѓаните сигурност и доверба во нивната иднина. Со проширувањето на продажната мрежа преку ТТК Банка АД Скопје, им нудиме поголема достапност и транспарентност“ – изјави Иван Стојановиќ, втор генерален директор на КБ Прво пензиско друштво АД Скопје.

Од ТТК Банка АД Скопје м-р Димитри Трповски, член на Управниот одбор и генерален директор за комерцијално банкарство изјави: „Веруваме дека оваа соработка ќе создаде додадена вредност за нашите клиенти и ќе придонесе за посигурно и поодржливо финансиско планирање на иднината“.

По тој повод, овој месец се одржа првата заедничка работна средба под мотото „Вашиот потенцијал. Нашата поддршка. Заеднички успех!“, на која беа поставени темелите за стабилна, долгорочна и стратешка соработка меѓу двете институции.

Вклучувањето на ТТК Банка АД Скопје како нов продажен канал претставува значаен чекор кон зајакнување и дисперзирање на продажната мрежа на КБ Прво, со цел поблиска комуникација со членовите и поефикасна поддршка во процесот на донесување информирани финансиски одлуки.

Развојот на широка и достапна продажна мрежа претставува важен придонес кон реформираниот пензиски систем, подигнување на пензиската свесност и едукација на населението за значењето на навременото и одговорно финансиско планирање.

КБ Прво пензиско друштво АД Скопје верува дека ова партнерство ќе создаде додадена вредност за сите засегнати страни и ќе претставува цврста основа за континуиран развој.

КБ Прво пензиско друштво АД Скопје, веќе 20 години е лидер на пазарот на задолжителни и доброволни пензиски фондови на македонскиот пазар на пензиско осигурување. Со повеќе од две децении искуство, доверба од 305 280 членови во задолжителниот и доброволниот пензиски фонд (Извор: www.mapas.mk – 31.01.2026 година) и континуирани инвестиции во едукација и развој, Друштвото останува посветено на обезбедување сигурна иднина и одржлив пензиски систем за сите граѓани.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел.  02/ 32 24 229