Државната компанија за пренос на електрична енергија МЕПСО соопшти дека повторно ја активирала изградбата на 400-киловолтен далекувод кон Албанија, по претходните одложувања и спроведувањето на нов тендер за избор на изведувач.

Проектот беше ставен во мирување поради одредени доцнења, по што беше покрената нова постапка за избор на компанија која ќе ги продолжи градежните работи.

Со реализацијата на далекуводот од 400 kV се очекува да се подобри прекуграничната енергетска поврзаност и да се зајакне стабилноста на електроенергетскиот систем во регионот.

САД доделија договор на американскиот производител на оружје Colt’s Manufacturing Company за производство на карабини од типот М4/М4А1, наменети за странски партнери, меѓу кои се и Северна Македонија и Босна и Херцеговина.

Според информациите, договорот е доделен од Министерство за војна на Соединетите Американски Држави и има максимална вредност до 40,86 милиони долари (околу 35,4 милиони евра). Тој предвидува производство на стандардните воени карабини М4 и М4А1, кои се широко користени во рамки на вооружените сили и безбедносните структури на повеќе земји.

Договорот е дел од пошироката соработка на САД со партнерски држави во областа на одбраната и безбедноста, при што се обезбедува модернизација и опремување на нивните вооружени сили со современо оружје.

Деталите за количините и временската рамка на испораките не се објавени, а информациите се дел од ограничен извештај достапен преку платформа со претплата.

Flex Group ја започна Flex Group Leadership Academy – долгорочна развојна иницијатива на Секторот за човечки ресурси, насочена кон системско јакнење на лидерските и менаџерските капацитети во рамки на целата Групација.

Академијата претставува сеопфатна платформа за развој на менаџери, која ќе се реализира преку повеќе програми и активности во времетраење од 8 месеци, со цел воспоставување на јасни и заеднички стандарди на водење, одговорност и менаџерско однесување.

Flex Group Leadership Academy оди чекор подалеку од класичните обуки, позиционирајќи се како референтна точка за лидерството во организацијата. Преку неа, се дефинира што значи да се биде менаџер, како се носат квалитетни одлуки, како ефективно се водат тимови и како се гради култура ориентирана кон одговорност и резултати.

Иницијативата се реализира во соработка со Prudens – организациски развој и лидерство, како и со врвни меѓународни експерти за продажба и сертифицирани професионалци за лидерски коучинг, со цел обезбедување висококвалитетен и сеопфатен развоен пристап.

Со оваа иницијатива, Flex Group воспоставува заеднички лидерски пристап и унифициран менаџерски јазик на сите организациски нивоа, испраќајќи јасна порака дека лидерството не е само позиција, туку вештина што континуирано се учи, развива и применува во секојдневното работење.

Иницијативата се реализира во соработка со експерти за организациски развој, а повеќе информации за применетите пристапи и методологии за лидерски развој се достапни на Prudens – организациски развој и лидерство. дали да додадеме и врвни екперти за продажба од странство и екперти за лидерски коучинг.