Во рамки на работилницата посветена на дигиталната трансформација во осигурителниот сектор, учесниците имаа можност да се запознаат со практичната примена на платформата SignPlus – решение за електронско потпишување и работа со дигитални документи, кое овозможува побрзи и побезбедни деловни процеси.

Настанот беше организиран во соработка со Агенцијата за супервизија на осигурувањето (АСО), Националното биро за осигурување (НБО) и Стопанската комора на Македонија, со цел да се поттикне поширока примена на дигиталните алатки во работењето на осигурителните компании.

Преку демонстрација на можностите за онлајн потпишување на документи во PDF формат, издавање и проверка на временски жиг (Momentum) и безбедна препорачана достава на документи (MailTube), беа прикажани конкретни начини како технологијата може да ја подобри ефикасноста, сигурноста и усогласеноста во работењето.

Учесниците заклучија дека решенија како SignPlus претставуваат важен чекор кон целосно paperless работење, автоматизација на административните процеси и создавање на основа за поголема дигитална зрелост на осигурителниот пазар.

Со ваквите иницијативи, осигурителниот сектор во земјава продолжува да ја следи европската пракса во дигитализацијата, што во иднина ќе придонесе за побрза услуга, поголема доверба и подобра заштита на податоците на клиентите.

Во 2015 година, Винер Лајф заедно со ВФП Фонд Менаџмент, го создаде првиот Unit Link производ на македонскиот пазар – иновативен спој на животно осигурување и инвестирање во реномирани светски компании.

Денес, една деценија подоцна, резултатите се следниве:

– Над 12.000 склучени Unit Link полиси

– Пораст на Фондот ВФП Премиум Акции за 103%

Unit Link останува пример за модерен и сигурен финансиски инструмент кој комбинира заштита и можност за раст. Компанијата ја задржува својата визија – да им овозможи на клиентите сигурност, стабилност и долгорочен развој.

Со порака „Заедно со вас продолжуваме напред!“, се нагласува континуитетот и довербата во овој производ кој ја трансформираше понудата на македонскиот осигурителен пазар.

Ни беше голема чест да бидеме дел од овогодишната средба на европските експерти од осигурителниот сектор. Оваа средба беше организирана во Македонија, Охрид, каде што можевме да слушнеме стручни мислења од врвни експерти.

Темите за кои се дискутираше на средбата беа од укажувањето на Агенцијата за супервизија на осигурувањето и тоа: анализа на ризик, објавување на стапки за брокеража, нееднаква положба на осигурително-брокерските и другите посредници во осигурувањето, примена на ИДД, за финансиски омбдусман, учество на брокери во јавните набавки, размена на искуства од повеќе земји и најновите трендови во осигурувањето.

Целта беше да се добие поширока слика за проблемите со кои се соочува пред сѐ осигурително-брокерското работење во Македонија, но и пошироки теми, кои се однесуваат на усогласувањето на работењето со европските стандарди и директиви.

Претставници од земјите-членки на ЕУ

• Nic De Maesschalck – претседател на БИПАР и член на Insurance and Reinsurance Stakeholder Group – EIOPA
• Karel Van Hulle – креатор на директивата Solvency II
• Raminta-Zimkute-Pinele– претставник на Литванската асоцијација на брокерски друштва.

Учесници што ги споделија своите искуства на работењето во осигурителниот сектор во Македонија беа:

• Александар Атески – Флекс Брокер
• Никола Шарковски – Минт – инс
• Д-р Оливера Клинчарова – Делта ИНС Брокер АД Скопје, која воедно е и претседателка на Асоцијацијата на брокерски друштва.

ПР објава