Британската дигитална банка Revolut поднесе барање за добивање банкарска лиценца во Швајцарија и најави инвестиции од повеќе од 150 милиони швајцарски франци, односно околу 183 милиони долари, за проширување на своето работење на овој пазар.

Компанијата поднела барање до швајцарската Агенција за надзор на финансискиот пазар – FINMA.

Доколку лиценцата биде одобрена, Revolut ќе може на клиентите во Швајцарија да им понуди поширок спектар услуги, меѓу кои сметки за плата, пристап до швајцарскиот систем за осигурување на депозити и локални IBAN-броеви.

Со тоа, швајцарската операција на Revolut би станала четврта самостојна банка на компанијата во Европа, по Велика Британија, Литванија и Франција.

Главниот комерцијален директор на Revolut, Дејвид Тирадо, изјави дека барањето за лиценца ја одразува важноста што компанијата му ја придава на швајцарскиот пазар.

Revolut моментално има околу 1,3 милиони клиенти во Швајцарија, што според компанијата претставува пенетрација од околу 24 проценти. Целта е во следните две до три години тој удел да надмине 40 проценти.

Досега работењето на Revolut во Швајцарија беше ограничено поради тоа што компанијата не можеше да нуди сметки за плата или инвестициски сметки деноминирани во швајцарски франци.

Од компанијата посочуваат дека добивањето локална банкарска лиценца треба да помогне и во градењето поголема доверба кај клиентите и во порамноправна конкуренција со традиционалните швајцарски банки.

Во следните пет години Revolut планира да инвестира повеќе од 150 милиони франци во Швајцарија. Компанијата планира и значително зголемување на бројот на вработени, кој моментално изнесува околу 30 лица, а треба да биде тројно зголемен до крајот на следната година.

Барањето за швајцарска лиценца е дел од пошироката стратегија за експанзија на Revolut. Претходно овој месец компанијата доби прелиминарно одобрение за национална банкарска лиценца во САД, а претходно годинава обезбеди лиценци и во Велика Британија и Франција.

Извор: Reuters

iute Macedonia нуди примамлива понуда за корисниците на iuteMarket, со 23 проценти попуст на HOOBART Клима Инвертер HBAX18INV-WMSE1 со капацитет од 18.000 BTU.

Уредот е наменет за одржување пријатна температура во домот во текот на целата година, а располага со енергетска класа A++/A+.

Како дел од понудата е обезбедена и бесплатна достава.

Клима-уредот може да се купи преку iuteMarket во Myiute апликацијата, соопштија од iute Macedonia.

На 16 септември во Скопје Мериот Хотел, Finelevate Digital Summit 2026 ќе ги обедини регулаторите и претставниците на клучните институции од финансискиот сектор и технолошката индустрија за да ги отвори прашањата што веќе ја обликуваат иднината на банкарството, осигурувањето и финансиските услуги.

Организаторите најавуваат тематски богата програма, со посебен фокус на три клучни панели на кои ќе се посвети внимание на дигиталниот идентитет и интероперабилноста, новите кориснички очекувања и довербата во ерата на вештачката интелигенција. 

„Целата програма на Finelevate Digital Summit 2026 е составена многу внимателно, така што секое обраќање ќе донесе нова вредност за учесниците и воедно ќе придонесе кон градењето јасна слика каде се наоѓаме денес и кон што треба да целиме во блиска иднина. Оттаму, целта на трите панели е да ја постават дискусијата таму каде што денес се носат најважните одлуки, на точката во која се сретнуваат технологијата, институциите, регулативата и реалните потреби на клиентите,“ вели Виктор Крстевски, основач и извршен директор на Finelevate.  

Панел 1: Темелите на дигиталната трансформација – еИД, доверливи услуги и интероперабилност

Учесниците на првиот панел ќе зборуваат за улогата на државната дигитална инфраструктура, јавните регистри и давателите на доверливи услуги во развојот на безбедни, целосно дигитални и прекугранични финансиски услуги.

Посебен акцент ќе биде ставен на електронската идентификација на граѓаните, но и на сè уште недоволно развиениот дигитален идентитет за правните лица. Ќе се дискутира за можностите за далечинско отворање деловни сметки, дигитално кредитирање, електронски овластувања, квалификувани електронски потписи и печати, како и за пристап до проверени податоци од официјалните регистри.

Оваа панел дискусија ќе ја модерира Васко Кроневски, извршен директор на Nextsense, а меѓу учесниците во разговорот се Стефан Андоновски, министер за дигитална трансформација, Санела Голијанин, проект менаџер во Канцеларијата за информатички технологии и електронска управа во Владата на Република Србија и Катерина Јовановиќ, раководител на Одделението за доверливи услуги во КИБС АД Скопје.

Панел 2: Повеќе од банкарство – иднината на кориснички ориентираните финансиски услуги

Вториот панел на присутните ќе им открие како технологијата, плаќањата, кредитирањето, осигурувањето и дигиталната трговија се поврзуваат во едно интегрирано корисничко искуство. Ќе се разговара за тоа како инвестициите во технологија и трансформација да се претворат во поедноставни, подостапни и персонализирани услуги, но и како да се постигне рамнотежа меѓу иновациите, финансиската инклузија, регулативата и одржливиот деловен модел.

Панелот ќе го модерира проф. д-р Ежени Брзовска, редовна професорка на Катедрата за маркетинг при Економскиот факултет – Скопје, УКИМ а учество во дискусијата ќе земат  Филомена Пљаковска-Аспровска, извршна директорка и претседателка на Управниот одбор на CaSys, д-р Нина Ангеловска, претседателка на Асоцијацијата за е-трговија на Македонија, Киро Чадиковски, Директор на Секторот за картички и трансакциски сметки во Комерцијална банка АД Скопје и Билјана Мишиќ, генерална директорка на IUTE Credit.

Панел 3: Аспектот на доверба во дигиталните финансии: ВИ, сајбер-безбедност, управување со ризици од измама и управување со податоци

Третиот панел ќе отвори едно од најважните прашања за финансискиот сектор – како институциите да ги користат вештачката интелигенција, автоматизацијата и напредната аналитика, без да ги загрозат безбедноста, усогласеноста, транспарентноста и довербата на клиентите.

Дискусијата ќе опфати и одговорно управување со ВИ, заштита на чувствителните податоци, ризици поврзани со cloud-технологиите и надворешните добавувачи, следење на перформансите и пристрасноста на моделите, како и подготовка за новите европски регулаторни рамки.

Модератор на панелот ќе биде проф. д-р Владимир Атанасовски, декан на Факултетот за електротехника и информациски технологии – ФЕИТ. Во дискусијата ќе учествуваат Горан Јанковски, главен супервизор за информативни системи во Народната банка, Филип Симеонов, извршен директор на Tessa Security, Иле Ристов, директор за продажба во Intec System и Васко Темелковски, генерален директор на Intercert.

Повеќе информации за програмата и можностите за учество се достапни на официјалната веб страница: https://finelevate360.com