По речиси осум години на чело на Управниот одбор, Билал Суџубаши го завршува својот мандат. Тој ја презеде функцијата на 26 декември 2017 година и значително придонесе за позиционирањето и развојот на банката на македонскиот банкарски пазар.

Се очекува наскоро да биде соопштена неговата замена. Вообичаено, за оваа позиција се одбира кандидат од Турција, но останува да видиме дали таа пракса ќе продолжи.

Последната година беше особено успешна, со неколку важни достигнувања:

Раст на профитот од 48 %;

Зголемување на кредитното портфолио за 152 милиони евра;

Депозитната база се зголеми за 211 милиони евра, достигнувајќи скоро 1,5 милијарди евра;

Рекорден износ на кредити исплатени на населението — 189 милиони евра;

„Пакет за жени“ — над 300 клиентки добија поддршка;

Воведена финансиска поддршка за стартап компании — прв пат на македонскиот пазар;

Продолжена дигитализација и воведување нови e-услуги;

Активности за општествена одговорност, вклучително и иницијативата „Еден милион садници за пет години“.

Со заминувањето на Суџубаши, Управниот одбор на Халкбанк АД Скопје продолжува да функционира со следниве членови:

Беркан Имери – Извршен директор и член на Управниот одбор;

Александар Иљов – Извршен директор и член на Управниот одбор;

Мухаммед Хаџипази – Извршен директор и член на Управниот одбор.

Со ова, банката настапува во следното поглавје од корпоративното управување, со стабилен и искусен менаџерски тим кој продолжува да ја води и гради нејзината визија.

Народната банка на Република Северна Македонија подготвува сет на нови мерки со кои ќе се олеснат условите за добивање станбен кредит за граѓаните што за првпат купуваат дом, додека паралелно ќе се заострат критериумите за лицата кои купуваат недвижности како форма на инвестиција. Ова го најави гувернерот Трајко Славески по средбата со директорот на Агенцијата за катастар на недвижности, истакнувајќи дека јавноста може да ги очекува мерките во рок од една до две недели.

Поддршка за младите семејства и поединци

Главната цел на овие мерки, според гувернерот Славески е да им се помогне на младите брачни парови и самци кои се соочуваат со енормно високи цени на становите, особено во Скопје, кои не одговараат на нивните примања.

„Ова што се случува на пазарот на станови, посебно во неколку градови, најмногу во главниот град, ги става во многу незавидна ситуација младите брачни парови или самци кои сакаат да го решат станбеното прашање. Цените се премногу високи од аспект на заработката. Ние не сакаме овој тренд да продолжи и мислам дека како Народна банка имаме инструменти со кои тоа ќе го постигнеме“, изјави гувернерот.

Разлика меѓу кредити за живеење и инвестиција

Тој потенцираше дека и во меѓународната практика постои јасна разлика меѓу кредитирањето за сопствено живеење и кредитирањето за инвестиција. Лицата кои купуваат недвижност за живеење претставуваат значително помал ризик за банките.

„Ако сте го ставиле под хипотека сопствениот дом, ќе направите сè за да се вклопите во своите доходи и да не доцните со отплатата. Ризикот е многу помал во споредба со оние кои позајмуваат пари за објекти што се користат за издавање или препродажба“, додаде Славески.

Апел до банките и контрола на изјавите

Гувернерот упати апел до банките да обрнат поголемо внимание на изјавите што ги даваат кредитобарателите при аплицирање за станбен кредит. Податоците покажуваат дека кај 73 отсто од становите купени со кредит е наведено дека се наменети за живеење, но тоа никој не го проверува.

„Во многу држави банките следат дали кредитобарателот навистина се вселил во објектот. Доколку се открие дека е дадена лажна изјава, тоа се третира како тешка измама, а банката има право веднаш да побара враќање на кредитот“, истакна гувернерот.

Можен поврат на ДДВ за прв дом

На новинарско прашање, гувернерот нагласи дека повеќе ја поддржува опцијата за поврат на данокот на додадена вредност (ДДВ) за лицата кои за првпат купуваат стан, како дополнителна стимулација за граѓаните да дојдат до сопствено живеалиште.

Очекувања од новите мерки

Со најавените мерки, Народната банка испраќа јасна порака дека ќе се поддржат оние кои купуваат недвижност за сопствено живеење, а истовремено ќе се намали трендот на шпекулативно купување станови како инвестиција, што во голема мера придонесува за растот на цените.

Со задоволство ја стартуваме BonusBox – новата програма за лојалност од Комерцијална банка. Создадена е за да ја награди твојата лојалност и секојдневно да ти носи вредност и дополнителни придобивки од секое плаќање со твојата Debit Mastercard World дебитна картичка од Комерцијална банка.

BonusBox е дизајнирана за да биде едноставна и корисна. Потребни се само три чекори за да започнеш да ја користиш:

1. Регистрирај ја твојата Debit Mastercard World картичка во платформата BonusBox
2. Почни да собираш поени со секоја трансакција
3. Користи ги поените за поврат на средства на твојата сметка, плаќање со поени или за избор на подарок-картичка

Во текот на промотивниот период до 30.09.2025, сите корисници кои ќе ја регистрираат својата Debit Mastercard World картичка во BonusBox ќе ги добијат неискористените поени од претходната програма за лојалност и ќе добиваат двојно повеќе поени за секоја трансакција со картичката во странство.

Тоа значи дека уште од самиот почеток си во плус, а секојдневните трансакции понатаму ќе ти носат сè повеќе вредност.

Ако имаш Debit Mastercard World картичка од Комерцијална банка, активирај го BonusBox и почни да собираш поени.

Ако сè уште немаш, сега е идеално време да аплицираш.

Дознај повеќе за BonusBox на следниот линк.

ПР објава