Изборот на Роберт Франсис Превост за нов папа под името Лав XIV донесе ново внимание не само кон духовната улога на Ватикан, туку и кон неговата финансиска моќ. Иако папата не е сопственик на богатство во лична смисла, неговата функција доаѓа со контрола врз сложена мрежа на институции, фондови и недвижности со вредност од милијарди евра. Па, со колку пари “располага” папата?

Ватиканскиот буџет изнесува 800 милиони евра годишно

Светиот Престол, односно централната администрација на Католичката црква, функционира со годишен буџет од приближно 800 милиони евра.

Со овие средства се покриваат:

– Платите на повеќе од 4.000 вработени

– Дипломатски мисии ширум светот

– Медиумските служби и Папската академија

– Културни и верски проекти

Ватиканската банка (IOR) вреди над 5 милијарди евра

Институтот за религиозни дела, познат како Ватиканска банка (IOR), управува со средства вредни повеќе од 5 милијарди евра.

Клиентите на банката се:

– Католички бискупии

– Монашки редови и фондации

– Вработени и пензионери на Ватикан

Иако под строга контрола, во минатото банката беше поврзувана со контроверзии и обиди за перење пари. Папата Франциско започна темелни реформи за транспарентност, кои се очекува да продолжат и под водство на папа Лав XIV.

Иако често ја нарекуваат „Ватиканска банка“, таа технички не е банка, туку финансиска институција која управува со средства на Црквата и нејзините институции, со цел да ги поддржи верските и хуманитарни мисии.

Донациски фондови: Обол на св. Петар

Папата управува и со т.н. Обол на светиот Петар – фонд финансиран со донации од верници ширум светот.

Во 2022 година, фондот собра околу 47 милиони евра, кои се користат за:

– Помош на сиромашните

– Хуманитарни мисии

– Поддршка на административни трошоци на Црквата

Недвижности низ светот

Ватикан е сопственик на илјадници недвижности, вклучувајќи имоти во Рим, Лондон, Париз и други европски метрополи. Вредноста на овие објекти се проценува во милијарди евра. По неколку финансиски скандали, Ватикан воспостави нови регулативи за одговорно и етичко управување со своите инвестиции.

Важно е да се нагласи дека папата Лав XIV лично не е богат – тој не поседува приватни средства ниту прима плата како класичен државен лидер. Сите финансии што ги контролира се наменети за делување на Католичката црква во глобални рамки.

Како прв папа од САД, со искуство како мисионер и водач во Перу, Лав XIV ќе се соочи со:

– Продолжување на финансиските реформи

– Повисоки стандарди за етичко инвестирање

– Глобални апели за социјална правда и одговорно финансирање

Неговото духовно, но и административно лидерство, ќе биде клучно за идниот правец на Ватикан – како во религиозна, така и во економска смисла.

Во духот на унапредување на родовата еднаквост и создавање инклузивни можности во сите индустрии, Алијансата за родова еднаквост на работното место – GEA и Women in Tech Macedonia и ја официјализираа својата соработка преку потпишување на Меморандум за соработка.

Претседателката на Алијансата за родова еднаквост на работното место – GEA, д-р Нина Ангеловска Станков, и претседателката на Women in Tech Macedonia, Моника Ризовска Таневска, го потпишаа овој меморандум со цел реализација на заеднички активности насочени кон унапредување на родовата еднаквост на работното место и поттикнување на еднаква застапеност на жените во сите професионални области, како и создавање на поддржувачка средина за нивен професионален развој и напредок. Ова партнерство е во согласност со трите главни столба на GEA: еднаква застапеност на сите нивоа и позиции, еднаква плата за иста работа, и еднакви можности за напредок во компаниите, кои претставуваат темел на нивните активности за создавање фер и инклузивна работна средина.

Алијансата за родова еднаквост на работното место, иницијатива на Асоцијацијата за е-трговија на Северна Македонија (АЕТСМ), активно работи на промовирање на еднакви можности за сите и поттикнување на родова еднаквост на работните места. Алијансата е насочена кон создавање инклузивна култура каде што и жените и мажите се еднакво вреднувани за нивниот придонес во работната средина, што ќе создаде нови начини, синергии и платформи за решавање на критичните прашања кои влијаат на развојот на жените на работното место. Алијансата за родова еднаквост на работното место е т.н. commitment maker за Родова еднаквост при UN Women и работи кон целта за одржлив развој #SDG5 – Родова Еднаквост.

„Соработката со Women in Tech Macedonia е значајна бидејќи со заедничка работа на едукација, менторство и програми за зајакнување на жените ќе придонесеме за надминување на родовите бариери на работното место и за создавање основа за инклузивна работна средина каде што талентот и знаењето се вреднуваат подеднакво. Нашата заедничка цел е да создадеме инклузивна култура, еднаквост и отклучување на моќната синергија помеѓу дигитализацијата, е-трговијата и жените.“ – изјави д-р Нина Ангеловска Станков, претседателка на Алијансата за родова еднаквост на работното место – GEA.

Women in Tech Macedonia е дел од глобалната иницијатива Women in Tech®, која активно работи на затворање на родовиот јаз и поттикнување на жените да станат активни чинители во сите индустрии. Нивниот фокус е насочен кон пет клучни области: образование, претприемништво, социјална инклузија, технологија и иновации. Преку разни проекти и програми, Women in Tech Macedonia им помага на девојките и жените да стекнат соодветни вештини и самодоверба за успех во нивната едукација и кариера.

„Нашето партнерство со GEA ќе овозможи нови можности за жените во сите професионални области, преку едукација, менторски програми, професионално поврзување и поддршка во развојот на нивните кариери. Веруваме дека преку заеднички напори ќе создадеме позитивни промени и ќе го забрзаме процесот на родова еднаквост во сите индустрии во Северна Македонија и регионот.“ – изјави Моника Ризовска Таневска, претседателка на Women in Tech Macedonia.

Преку оваа соработка, GEA и Women in Tech Macedonia ќе соработуваат со бизнис секторот, владини и невладини организации, како и со меѓународни институции за да обезбедат конкретни можности за развој на жените на работните позиции.

Со заеднички активности како кампањи, обуки, конференции и иницијативи за зголемување на родовата еднаквост на работните места, GEA и Women in Tech Macedonia ќе работат на унапредување на положбата на жените во сите сектори, како и на усогласување на родовите политики со европските стандарди. Оваа соработка е значаен чекор кон создавање на подеднакви можности за жените и градење на одржлив дигитален екосистем во кој сите имаат еднаква шанса за успех.

На 11 мај на Школка со почеток во 11 часот, ќе се одржи настан за зголемување на свесноста за лицата со атипичен развој како и нивно прифаќање, почитување и инклузија во општеството, во организација на Аутизам ААМК. Тоа е наш шести по ред инклузивен настан во наша организација од 2018 година.

Како и претходните така и овојпат повторно тоа ќе биде една голема игротека со многу разновидни игри, работилници, едукативно, музичко, ликовно катче и многу други бројни интересни активности. Настанот ќе трае до 14:30 часот и според минатото искуство и оваа година очекуваме голема посетеност.

Она што сакаме да докажеме и покажеме, како и секогаш на нашите дружби, е тоа дека и децата со атипичен развој сакаат да играат, да се смеат, сакаат да покажат дека и тие знаат, умеат, можат да пеат и танцуваат. Сакаат да бидат поканети на родендени, но и другите деца да доаѓаат на нивните. Но најважното од се` – сакаат да другаруваат, да бидат заедно со другите деца. Сакаат да растат заедно. Впрочем тоа сите го сакаме нели.

Преку игра да им покажеме на семејствата со деца со типичен развој дека треба да ги надминат своите стравови кои се резултат само на страв од непознатото, да дојдат на Школка, да се запознаат со атипичните лица и со нивните семејства, да дознаат за самата состојба или болест, да се обидат да најдат начин на кој би им помогнале.

Но за да е возможно сето тоа, пред се’ овие лица треба да бидат прифатени токму онакви какви што се. А знаеме дека Школка е токму местото за тој прв голем чекор кој понатаму со заедничко секојдневие води кон нормално, здраво, инклузивно општество.

А децата… децата за разлика од нас големите, гледаат со срцето и со душата, тие гледаат само деца со некаква различност со кои сакаат да Растат и да Играат заедно. Да учиме од нив како треба.

Затоа Ве покануваме на 11 мај да им го овозможиме тоа и сите заедно да кажеме гласно – Гуш и Бац е ЉУБОВ!

За повеќе информации – Денис Јанкуловски 075 639 724 / [email protected]

ПР објава