Комерцијална банка и оваа година го одбележа Денот на штедењето со дарување штедни книшки „Верверичка“ со депозит од 5.000 денари за сите бебиња родени во земјата на 31 октомври.

Со оваа традиционална акција, Банката секоја година испраќа порака дека финансиската сигурност може да започне уште од најмала возраст. Штедната книшка „Верверичка“ е повеќе од подарок за секое новороденче. Таа е симбол на нашата грижа да придонесеме за градење култура на штедење и одговорност кон финансиската сигурност на нашите најмили.

Штедењето од најмала возраст е една од највредните лекции кои можеме да ги пренесеме на следните генерации. Затоа „Верверичката“ на Комерцијална банка заедно со родителите веќе две децении гради подобра иднина за нашите деца.

По повод на Светскиот ден на штедењето, Македонската банкарска асоцијација традиционално ги доделува признанијата за најдобрите банкарски службеници во земјата. Со овие награди се оддава признание на професионалноста, посветеноста и квалитетот во работењето што секојдневно го демонстрираат вработените во банкарскиот сектор.

Во рамки на одбележувањето, признание за извонредни резултати и придонес во работењето добија и претставниците од Халкбанк АД Скопје – Симона Трајковска, Халук Џафер и Амра Салијовска.

Нивниот ангажман и посветеност во секојдневното работење се препознаени како пример за високи професионални стандарди, градење доверба кај клиентите и континуирано унапредување на банкарските услуги.

„По повод денот на штедење, во организација на МБА беа доделени признанија за најуспешните шалтерски службеници, кои со својата посветеност, љубезност и професионалност секојдневно допринесуваат за подобра услуга и задоволни клиенти. Честитки до нашите колеги – Симона Трајковска, Амра Силјановска и Халук Џафер за наградата“, велат од Халкбанк АД Скопје.

Со ваквите иницијативи, Македонската банкарска асоцијација ја истакнува важноста на човечкиот капитал во финансискиот систем и поттикнува култура на професионалност и извонредност.

Согласно Глава 6 од Правилата за котација на Македонска берза, Стопанска банка АД – Скопје ја информира јавноста дека врз основа на Одлука на Надзорниот одбор бр. 115/2025 од 31.10.2025 година, г-ѓа Верица Костова е именувана за независен член на Одборот за ревизија на Банката, со мандат во траење од две години.

Со ова именување, Банката продолжува да ја зајакнува својата посветеност кон високите стандарди на корпоративно управување, транспарентност и независен надзор. Одборот за ревизија има клучна улога во следењето на процесите на финансиско известување, внатрешната контрола и усогласеноста со регулативата, што претставува важен дел од системот на корпоративно управување на Банката.

Г-ѓа Костова поседува долгогодишно искуство во областа на финансии, ревизија и сметководство, стекнато преку ангажмани во приватниот и јавниот сектор, со што ќе придонесе за понатамошно унапредување на надзорната функција и ефективноста на Одборот за ревизија.

Со овој чекор, Стопанска банка АД – Скопје уште еднаш ја потврдува својата определба за одговорно корпоративно управување и примена на најдобрите практики во банкарскиот сектор.